تقييمى ل ACER ASPIRE 5755 G فى سطور

**mero5005** · 02-12-2011, 21:22

بعد جهد وعناء ودوران فى مولات مصر لاسابيع استقريت على اللاب الاكثر من رائع ده
انه التحفه الفنيه ACER ASPIRE 5755 G بالمواصفات التاليه

Processor - Core i5-2410M(3MB L3,1333Mhz,2.30)Turbo Boost
Ram - 4GB DDR3
HDD - 640GB

Screen - 15.6"(HD LED BL)
Bluetooth - Yes
WIFI - Yes
Card Reader - Yes
CAM /HDMI - Yes
Weight - 2.6Kg
Graphics - 1GB NVIDIA 540m DEDICATED GRAPHIC

Operating System - Windows 7 Home Premium

الجهاز اكثر من رائع ولله الحمد
المميزات

1- السعر تحفه مقارنه بالامكانيات والضمان 4600 والضمان 3 سنين من ibs
2- اعلى كارت فيجا فى الفئه السعريه دى geforce 540 m وليس 525 الموجود فى dell و toshiba
3- النصميم انيق جدا واللاب خفيف
4- به وصله usb 3 وهى لا تتوافر فى نظيره من نفس الفئه السعريه بل واكثر من hp ومحدش يزعل يا جماعه لانى كنت بقارنه ب hp
5- اللاب بيجى عليه الويندوز وعليه كل تعريفات الجهاز لحد افرب update انا فوجئت ان حتى كارت الفيجا حاطيينلك اخر تحديث ليه ومبقتش مصدق نفسى بتاريح 21 -8 -2011
6- بالنسبه للبطاريه فهى العادى بتاع الابات كلها لكن مجربتهاش مع اللعب
7- الصوت حلو جدا وسماعتين مش واحده زى الموديل القديم 5742 g

العيوب

1- اللاب طول منتا مشغله تصحف نت افلام اى حاجه ولو 24 ساعه ( وعلى فكره عملتها ) لا تشعر بأنه سخن ولا كأنك مشغله ماشاء الله بس لو شغلت اى لعبه يبدأ يسخن بشكل ملحوظ ( واللى اكتشفته ان كل اللابات الجديده بتسخن جامد مع اللعب وخاصه اللى بكروت فيجا جى فورس ) فلا اعتبر هذا عيب ولكنى اوصى لهواه الالعاب زيي كده بشرا قاعده تبريد تحت اللاب وخلاص مع العلم ان السخونيه دى لا تؤثر على اداءه ولا 1 فى الميه بس احتياطى برضه
2- الديفى دى لا يقرا البلو راى

فى نظرى يا جماعه احسن لاب بالسعر ده والامكانيات الجميله دى ( بالنسبالى )
اخيرا انا عامل الموضوع ده للناس اللى لسه فاكره ان ACER ولاباتها دى حاجه تعبانه ووحشه ومعندهاش فكره عنه...... انا بس عامله علشان دى تجربه واقعيه ليا مع اللاب وانها فعلا اثبتت انها شركه عظيمه بأخراج هذه التحفه الفنيه بجد

اى استفسار انا موجود
شكرا

**MPIXAPP** · 02-12-2011, 21:27

لاب ممتاز وامكانيات رآئعه , مبروك عليك ومراجعه جميله

!

**ahmed986** · 03-12-2011, 17:11

ربنا يباركلك فيه يا رب يا اخى ولكن من اين اشتريته علشان انا بفكر اشترى واحد زيه فى الاسكندريه وشكرا ليك

**nanonona** · 04-12-2011, 02:36

من فضلك هل الجهاز به sim موبايل أي به امكانية تركيب شريحة نت موبايل بدون الحاجه لـ usb
وعموما ما شاء الله لا قوة الا بالله ربنا يبارك لك فيه

**Hamdi_ElShahat** · 04-12-2011, 08:10

السلام عليكم ورحمة الله وبركاته

مبروك عليك اخى الكريم فعلا الجهاز ده وانا بلف عجبتنى امكانياته اوى وكنت هشتريه بس انا مش فاهم فى اللابات والماركة معرفش عنها حاجة فخوفت واشتريت اتش بى برو بوك بعد عناء .

لكل من هيشترى الجهاز ده
الجهاز ده فى كمبيوتر شوب ب 3999 جنية وعليه ضمان 3 سنوات على اللاب والبطارية والشاحن .
وعليه ضمان على السوفت وير كمان فى اى وقت فى التلات سنين
وعلى فكرة الضمان 3 سنين ده موجود عند كمبيوتر شوب بس وهتلاقيه فى الفرع بتاع القربة اللى هو جمب كمبيو مى .

**mero5005** · 06-12-2011, 00:13

بالنسبه لاشتريته منين .......... مول السخاوى بروكسى
بالنسبه لحكايه شريحه الموبايل دى ............ لا مفهوش
بالنسبه للعضو Hamdi_ElShahat فى المشاركه الاخيره اللاب انا سائل عليه فى كومبيوتر شوب قبل ما اجيبه .... كان برامات 6 جيجا وكارت فيجا 2 جيجا وهارد 750 وضمان 3 سنين ب 5300 جنيه ..... فالى بتقوله حضرتك ده مش صحيح لان الكلام ده كان من فتره قصيره لا تتعدى اسبوع وثانيا مفيش حاجه اسمها ضمان على ا لسوفت وير خالص فى اى لاب فى الدنيا