صفحة 1 من 2 1 2 الأخيرةالأخيرة
النتائج 1 إلى 15 من 21

الموضوع: سؤال للخبراء والسمعية فقط!!!!!!

  1. #1
    عضوية جديدة
    تاريخ التسجيل
    Nov 2011
    المشاركات
    33
    معدل تقييم المستوى
    7

    Thumbs up سؤال للخبراء والسمعية فقط!!!!!!



    انا معايا حوالى 3000 جنيه مصرى وممكن يزيدو شويه عايز اعمل ساوند سيستم مكون من صبات وسماعات ومبلافير , المهم نقاء الصوت وجودته ومش معنى انى قلت صبات يبقى صوت عالى لا طبعا فى فرق ما بين صوت عالى وخلاص وصوت نقئ ومفهوش دوشه , القصه كلها انى لاقيت السماعات الكمبيوتر النظيفه غاله يعنى النظيف يبدا من 800 جنيه لحد 3000 جنيه , انا قكرت انى ممكن اعمل ساوند سيستم احسن منه مليون مرة وخصوصا ان انا الى هقفل السماعات من خشب mdf وتقطيع وكده , كان ممكن اجيب هاى فاى بس انا مش محتاج كل امكانيات الهاى فاى وال هاى فاى غالى يعنى برضو لو جبت كل حاجه لوحدها هتكون ارخص وافضل كتير , ارجو الافادة بالخبرات واشترى نوع سماعات ايه اذا كان صب ووفر او تويترات او ميد رنج ولو حد عنده فكره يقولى , حتى لو معلومتك بسيطه شارك بفكرك واهو بنساعد بعضيا.
    المهم ان اوصل لساوند سيستم صوتى جامد ان شاء الله

  2. #2
    عضو الصورة الرمزية Crag
    تاريخ التسجيل
    Oct 2011
    المشاركات
    375
    معدل تقييم المستوى
    12

    رد: سؤال للخبراء والسمعية فقط!!!!!!

    نريد معلومات اكثر , او بالاحرى ادق .
    ما هو عدد السبيكرات التي تريدها (7.1 , 5.1 , 2.0 ............) و كم هو عدد الSubs في حال كنت تريدهم مستقلين

    ماهي وسيلة التخريج الاساسية لديك (كرت الصوت مثلا) و هل انت بحاجة الى واحد؟
    اختر كرت الصوت المناسب لك بسهولة بواسطة:
    مذلل العقبات في اختيار الصوتيات

    اقرأ اذا كان لديك Audigy:
    تحويل كروت ال Audigy و Live! 24Bit الى X-Fi Xtreme Audio

  3. #3
    عضوية جديدة
    تاريخ التسجيل
    Nov 2011
    المشاركات
    33
    معدل تقييم المستوى
    7

    رد: سؤال للخبراء والسمعية فقط!!!!!!

    اقتباس المشاركة الأصلية كتبت بواسطة Crag مشاهدة المشاركة
    نريد معلومات اكثر , او بالاحرى ادق .
    ما هو عدد السبيكرات التي تريدها (7.1 , 5.1 , 2.0 ............) و كم هو عدد الSubs في حال كنت تريدهم مستقلين

    ماهي وسيلة التخريج الاساسية لديك (كرت الصوت مثلا) و هل انت بحاجة الى واحد؟
    شكرا للمشاركة Crag
    عدد الصبات 4 وافضل المقاس ميكنش اكبر من 10 انش , وهيكون كل واحد فى صندوق مستقل, بالنسبة للسماعات التويتر والمدرنج عايز عدد هم ميكنش اقل من 4 ولا يزيد عن 8 سماعات وطبعا كل سماعة فى صندوق مستقل.
    بالنسبة لموضوع كارت الصوت انا مش عايز كارت صوت علشان متحكمش بالكمبيوتر , انا عايز استخدمهم استخدام شامل لاستماع الموسيقى او التلفاز.
    هو موضوع مش سهل, علشان كده مش عايز اتسرع فى تجميع الساوند سيستم ده




  4. #4
    عضو الصورة الرمزية Crag
    تاريخ التسجيل
    Oct 2011
    المشاركات
    375
    معدل تقييم المستوى
    12

    رد: سؤال للخبراء والسمعية فقط!!!!!!

    4 صب , 4-8 سبيكرز , AMP لتشغيلهم .....................
    كل هذا ب 500 دولار تقريبا:confused:؟؟؟؟؟؟؟؟؟


    على اية حال , ما هي الماركات الموجودة لديك , او على الاقل شاركنا بما تفكر ان تشتريه لكي نتناقش حوله
    اختر كرت الصوت المناسب لك بسهولة بواسطة:
    مذلل العقبات في اختيار الصوتيات

    اقرأ اذا كان لديك Audigy:
    تحويل كروت ال Audigy و Live! 24Bit الى X-Fi Xtreme Audio

  5. #5
    عضوية جديدة
    تاريخ التسجيل
    Nov 2011
    المشاركات
    33
    معدل تقييم المستوى
    7

    رد: سؤال للخبراء والسمعية فقط!!!!!!

    اقتباس المشاركة الأصلية كتبت بواسطة Crag مشاهدة المشاركة
    4 صب , 4-8 سبيكرز , AMP لتشغيلهم .....................
    كل هذا ب 500 دولار تقريبا:confused:؟؟؟؟؟؟؟؟؟


    على اية حال , ما هي الماركات الموجودة لديك , او على الاقل شاركنا بما تفكر ان تشتريه لكي نتناقش حوله
    500 دولار ايوه وممكن يزيدو كلام بسيط
    طبعا الفلوس دى يا دوب تجيب سماعات كمبيوتر اعلى فئه من لوجيستيك او اعلى فئه فى سماعات ايدفاير, بس انا هعمل حاجه تفوق الاتنين ان شاء الله
    مخ بقى وبحسبها صح ولو كان كل واحد بيفكر كده مكنش حد اشترى سماعات كمبيوتر من الفئه الغالية
    عموما انا توصلت لاشياء كتير وحلول وافكار كتير ولا اتخذ اى قرار لحد ما اتاكد من كل شئ من الالف للياء
    هقولك انا توصلت لايه
    4 صب ووفر بايونير كل صب 1200 وات 350 ار ام اس الصب الواحد سعره حوالى 350 ويزيد كلام بسيط وكل صب فى صندوق خاص مصنوع من خشب mdf ( ملحوظه صب واحد منهم كفيل بانه يدغدغ زجاج النافذة ) يبقى عدد الاربع صبات هيكونو فى حدود 1400 جنيه او اقل ـــــــــــــــــــ> كل صب فى ركن فى الغرقه.
    عدد 8 سماعات سونى مدور كل سماعه 190 وات 45 ار ام اس الكرتونه فيها عدد 2 سماعه سعرها 150 ولا يزيد يبقى عدد ال 8 سماعات 600 جنيه ــــــــــــــــــ> وكل سماعه فى صندوق خاص هيتم تصنيعه من خشب mdf هيتم توزيعهم على جميع اركان الغرفه.
    وبكده اسعار السماعات كلها حوالى 2000 جنيه والسعر ممكن يقل ولكن لا يزيد ابدا.
    وطبعا كل سماعه هيكون ليها ابعاد فى الصندوق وشكل انيق جدا جدا جدا وسعر الخشب للسماعات دى كلها لا يتعدى ال 150 جنيه كلام بسيط يعنى.
    نيجى بقى للامبلفير لتشغلهم طبعا فى انواع كتير جدا جدا وطاقات كتير جدا جدا بالنسبه للامبلفير انا محتاج امبلافير للصبات وامبلفير للسماعات بالنسبه لامبلافير السماعات هيكون حوالى 600 وات سونى وده عامل حوالى 570 جتيه وبالنسبه لامبلافير الصبات المفروض كل صبين يشتغلو على امبلافير 600 وات سيمفونى وطبعا مش هيشغل الصب بكفائته الكامله يعنى امبلافير واحد لل اربع صبات يعملو حوالى 1000 جنيه ولو عايز اشغل الصبات بكفائه كامله محتاج عدد 2 امبلافير كل واحد 1200 وات يعملو حوالى 2000 جنيه وطبعا انا مش عايز الصب بكفائه كامله علشان امكانيات الفلوس.
    وطبعا محتاج باور صبلاى كمبيوتر لتشعل الامبلفايرات يعمل حوالى 600 جنيه ولا يزيد.
    وطبعا بعد ما توصل السماعات بلامبلفايرات اديهم بس اى جاك استريو من الكمبيوتر او الهاى فاى او ال ام بى ثرى وهتسمع احلى وانقى صوت يفوق اى صب كمبيوتر اذا كان من لوجيستيك او ايدفاير او حتى هوم ثياتر
    بس ملحوظه السماعات دى كلها مش هتشتغل زى 7.1 او 5.1 علشان فى حاله عايزهم يشتعلو صوت محيطى الى هو كل سماعه يطلع منها صوت مختلف فى الحاله دى محتاج رسيفر وبكده امكانيات الجاهز بقت قنبله واقل رسيفر يعمل حوالى 500 جنيه وانا مش محتاجه علشان اساسا الصوت هيبقى مجسم تجسيم لا يوصف تخيل 8 سماعات كل واحده فى ركن فى الغرفه و اربع صبات كل واحده فى ركن فى الغرفه متهيقلى الكلام مش محتاج وصف
    بالنسبه لموضوع الامبلافير هو غالى شويه علشان كده انا محتار فى الموضوع ده مش عارف اجيب امبلافير وخلاص ولا اجيب امبلافير بتاع الدى جى وفى حاله انى لو جبت امبلافير بتاع الدى جى حاجه بسيطه مش قوة اوى هتعمل حوالى 1500 جنيه ولكن لا تزيد عن كده وساعتا هيكون الصوت وهمى مبعنى الكلمه عالى وهمى صوت واقل صوت وهمى يعنى فى كل الحالات بوم.
    بس انا لسه بدرس موضوع الامبلفير ده علشان محتار انى اشترى امبلافير دى جى ومنه فبه كهربته ولا اشترى امبلافير واجبله باور وهيكون اغلى بس مش اقوى , حين الان انا بدرس الموضوع.
    معلش طولت عليكو بس انا قلت اشاركم اخر الافكار الى توصلت اليها.
    ملحوظه سعر الصب اللوجيستك اعلى فئه سعرها 3000 وتزيد شويه او تقل شويه وهى مكونه من صب واحد وعدد 5 سماعات , قارنو انتو بقى الحاجات الى انا قلت عليه. معتقدش ان فيه وجه مقارنه.
    ياريت تشاركونى الافكار او المساعده بأى معلومه حتى لو بسيطه.
    ولو حسبنا اسعار الحاجه الى انا قلت عليها كلها سعرها لا يتعدى 4000 الف جنيه اقصى حد ولو انا حبيت اعمل عدة قويه زى دى تماما محتاج على الاقل عدد 6 اجهزة لوجستيك اعلى فئه logitech z-5500 الى هى سعر الواحد بى 3000 جنيه!!!!!! علشان فى الاخر تعادل الحاجه الى هجبها !!!!!!!
    ولو حد حابب يشاركنى الفكرة ونعمل جهازين زى بعض انا معنديش اى مانع

  6. #6
    عضو الصورة الرمزية Crag
    تاريخ التسجيل
    Oct 2011
    المشاركات
    375
    معدل تقييم المستوى
    12

    رد: سؤال للخبراء والسمعية فقط!!!!!!

    صراحة, يمكنك شراء التالي:
    Audio Engine A5 Plus + صب من POLK او Sony + هيدفون ماركة محترمة (عندك من 40 دولار ل 100 دولار) ستحصل على تجربة صوتية افضل
    اختر كرت الصوت المناسب لك بسهولة بواسطة:
    مذلل العقبات في اختيار الصوتيات

    اقرأ اذا كان لديك Audigy:
    تحويل كروت ال Audigy و Live! 24Bit الى X-Fi Xtreme Audio

  7. #7
    عضوية جديدة
    تاريخ التسجيل
    Nov 2011
    المشاركات
    33
    معدل تقييم المستوى
    7

    رد: سؤال للخبراء والسمعية فقط!!!!!!

    لو عملت الى بتقول عليه يبقى اشترى هاى فاى افضل
    بس انا مش محتاج كل امكانيات الهاى فاى ثانيا بسعر الهاى فاى انا ممكن اعمل صوت يفوق الهاى فاى بنسبة ميه ال ميه
    انا لسه بدرس الموضوع علشان مش عايز نسبة فشل واحد ف المئه والى بيشترى حاجه مش هينفع ترجع تانى
    علشان بفكر مرة واتنين وثلاثه

  8. #8
    عضو الصورة الرمزية Crag
    تاريخ التسجيل
    Oct 2011
    المشاركات
    375
    معدل تقييم المستوى
    12

    رد: سؤال للخبراء والسمعية فقط!!!!!!

    وهو برأيي افضل................

    انفاق هذا الكم الهائل على مكونات غير HiFi او مكونات متوسطة الجودة هو اضاعة للمال , وهذا رأي شخصي لا الزم احد به

    و الموضوع الذي تريد ان تفعله فكرته رائعة لكن الميزانية صغيرة بعض الشيء
    لان الماركات التي تريد ان تشتريها (سوني و بايونير تعتبر ماركات متوسطة)
    اختر كرت الصوت المناسب لك بسهولة بواسطة:
    مذلل العقبات في اختيار الصوتيات

    اقرأ اذا كان لديك Audigy:
    تحويل كروت ال Audigy و Live! 24Bit الى X-Fi Xtreme Audio

  9. #9
    عضو برونزي الصورة الرمزية SmArTMaTe
    تاريخ التسجيل
    May 2009
    المشاركات
    745
    الدولة: Egypt
    معدل تقييم المستوى
    12

    رد: سؤال للخبراء والسمعية فقط!!!!!!

    كمان خلي بالك من حجم الغرفه وتوزيع السماعات
    الرنين اللي هيحصل نتيجه تعدد مخارج الصوت ممكن يكون نعمه وروعه لو مظبوط
    وهيكون ضجيج وعدم وضوح لو مش متناسب مع حجم الغرفه وقوه السماعات نسبه الى الصبات والتويترات
    الاربع صبات يفضل يكونوا في مكان واحد ولو كانوا واحد بس أحترافي أفضل لاظهار الترددات شديده الانخفاض بتمكن
    لان وضع الاربع صبات كل واحد في ركن لا داعي له
    ارقى الانظمه تحوي 2 وممكن يكون السماعتين الاماميتين full range

    القصه مش سهله ومش صعبه بس ممكن تتجرب الاول
    بصب البيونير + امب قوي mono وزبط فلاتر
    سماعات اعلى مايمكنك 2 فقط كبدايه ويا سلام لو component + امب محترم full range
    وبعد كدا زوّد

    لا تغفل بعد كل دا الدخل الصوتي نفسه سواء كرت صوت احترافي او ريسيفر

    Good Luck

  10. #10
    عضوية جديدة
    تاريخ التسجيل
    Nov 2011
    المشاركات
    33
    معدل تقييم المستوى
    7

    رد: سؤال للخبراء والسمعية فقط!!!!!!

    هو موضوع مش سهل, علشان كده مش عايز اتسرع فى تجميع الساوند سيستم ده
    وانا اساسا عندى سماعتان دى جى بامبلفير داخلى وكل سماعه فيها صب ووفر 15 انش و 2 سماعه تويتر و 1 ميدرنج
    بس الفصه كلها انى مش عايز صوت عالى
    انا عايز صوت نقى وجميل
    انا لسه بفكر ومش عايز اتسرع


  11. #11
    عضو ذهبي
    تاريخ التسجيل
    Oct 2009
    المشاركات
    2,681
    الدولة: Egypt
    معدل تقييم المستوى
    38

    رد: سؤال للخبراء والسمعية فقط!!!!!!

    بص لو عايز تبني نظام ممكن مش سهل ومش صعب ناس كتير بتعملها


    ممكن تبتدي بسماعتين ستاند كبار وصب كبير وفيالمستقبل تكمل براحتك

    http://arabhardware.net/forum/showth...985&highlight=

    شوف ده ممكن يساعدك للصب


    وده ممكن يساعدك للسمعات

    http://www.scipie.com/projects/ht-pr...ht-prot01.html

    انا عندي مشروعات كتيرر بالتصميماات بتعاتها

  12. #12
    عضوية جديدة
    تاريخ التسجيل
    Nov 2011
    المشاركات
    33
    معدل تقييم المستوى
    7

    رد: سؤال للخبراء والسمعية فقط!!!!!!

    المشارك hack4love انا دخلت وقرات كل الموقعين تما اوى اوى
    وان شاء الله لما انتهى من الساوند سيستم هرفق صور وفديو
    المشكله انى مش هقدر اعمل الساند ده لحد بأذن الله هعمل تصميم وفنش وجوده فى ترددات الصوت حاجه كده عصارة 12 سنة خبرة وقراء فى المجال ده

  13. #13
    عضو ذهبي
    تاريخ التسجيل
    Oct 2009
    المشاركات
    2,681
    الدولة: Egypt
    معدل تقييم المستوى
    38

    رد: سؤال للخبراء والسمعية فقط!!!!!!

    طب قولي انته ناوي علي ايه وياريت لوتحط كل خطوه بتعملها علشان نشاركك ونتناقش فيها
    ونصيحه بلاش تصمم انته بنفسك الا لو لديك خبره بالمعادلات الصوتيه باحتراف

  14. #14
    عضوية جديدة
    تاريخ التسجيل
    Nov 2011
    المشاركات
    33
    معدل تقييم المستوى
    7

    رد: سؤال للخبراء والسمعية فقط!!!!!!

    كلام على النت مينفعش
    بس هحاول اشرح
    مبداء انا الى هصمم صناديق السماعات كلها
    الصندوق مهم جدا جدا
    والفكرة الى هعملها متكلفه دماغ بس مش خسارة انى ابوح بيها
    مقاسات البرنامج الخ الخ الخ مش مقياس
    تقولى ليه اقولك علشان مثلا فى سماعه 12 بوصه وسماعه تانيه 12 بوصه الاتنين نفس الحجم بس مش نفس القوة يعنى تلاقى واحده 300 ار ام اس والتانيه تلاقيها 600 ار ام اس فى الحاله دى حجم الصندوق مختلف للسماعتان
    سماعه 12 ببوصه 300 ار ام اس و سماعه تانيه 12 بوصه 300 ار ام اس الاتنين نفس القوة ونفس الحجم , بس نوع المادة المستخدمه فى وش السماعه محتلف او مثلا الجوان الخارجى بتاع السماعه الانحناء بتاعه مختلف وطبعا فى كلتا الحالتين دول هياثر على ترددات الصوت مع العلم ان القوة 300 ار ام اس يعنى قوتهم واحده ومقاس واحد بس النوع الخامه مختلف
    فموضوع قياسات البرامج مش اكيد اوى
    طيب ايه هو افضل شئ علشان اعمل صندوق مناسب للسماعه؟
    تمام اقولك افضل شئ انك تعمل مفاسات صناديق محتلفه لحد ما توصل لصوت بيز وتررد عشرة على عشرة , بس لحظه!!!!!!! معنى كلامى ده انى هحتاج فلوس كتير علشان اشترى اخشاب علشان اعمل صناديق كتير يعنى خراب ما بعده خراب.
    بس هى فكرة حلوة علشان انا بستخدم ودنى فى السمع مباشرة وأذنى هى الضمان الوحيد لضبط الصوت من الاخر
    فكرتى انا بقى اهى
    الصندوق مكون من 6 جهات انا بقى اقفل الصندوق على 5 جهات بس ليه ؟ علشان الجهه 6 هستخدمها منفصله
    مفهمتش حاجه
    طيب اوضح شويه
    انا هعمل فتحه للصندوق علشان السماعه واركب السماعه فى الصندوق واقفل الصندوق من 5 جهات بس وطبعا احط مادة السيليكون او الغراء الابيض بين فاصل كل وجه و وجه فى البوكس علشان اتاكد ان مفيش تسريب هواء , والجزء السادس من الصندوق اخليه منفصل وادق فى منتصفه خشبه امسك بيها وجه الصندوق السادس واعمل فتحه لخروج الهواء بتاع البيز لو سماعه 12 انش ثقبها بيكون 5 سم الى 8 سم وطبعا ممكن يختلف بس احنا بندى مقاس مبدئى , وبعد كده امسك وجه الصندوق 6 ادخله فى الصندوق ( داخل خارج داخل خارج ) لحد ما اوصل لتردد بيز قوى ومظبوط جدا جدا جدا جدا وطبعا ودنى بتسمع رنه البيز وخلاص تمام الصوت كويس, اروح جايب اقلم بسرعه وعامل علامه على الصدوق وبكده انا عاملت صندوق عشرة على عشرة , مهما اختلف شكل الصندوق مستطيل او مربع او بازوكا .
    والفكرة دى هتوفر معايا فى الخشب جدا علشان بدل مكنت هعمل صناديق كتير, لا هوا صندوق واحد بس ومظبوط عشرة على عشرة بالفكرة بتعتى.
    اهم شئ حجم الهواء الداخلى للصندوق وليس الشكل.
    وبكده ده كام شرحى لصندوق صب ووفر مظبوط عشرة على عشرة
    طبعا طريقة الشرح كتابه ممكن تكون صاعبه انك تفهما
    ان شاء الله اول ما ابداء اعمل هرفق صور
    بالنسبه لبقيه الساوند من سماعات وامبلافير ورسيفر ده موضوع كبير اوى
    وبصراحه ايدى وجعتنى هههههههههه
    بس ان شاء الله بى حوالى 4000 جنيه هعمل ساوند سيستم انا هكون راضى عنه جدا جدا

  15. #15
    عضو ذهبي
    تاريخ التسجيل
    Oct 2009
    المشاركات
    2,681
    الدولة: Egypt
    معدل تقييم المستوى
    38

    رد: سؤال للخبراء والسمعية فقط!!!!!!



    لا ياعم انا فهمتك دانه دماغك متكلفه فعلا :D فعلا انا حتي ديما اقول حتي لو جبت تصميم من موقع مثلا مشهور وعملت زيه والصوت طبع مش كويس لازم يكون في حل مانيول


    بص بعد اذنك اول لما تشتري الحاجه تعاله اعمل موضوع قول فيه اشتريت ايه خشب اد سمعات ايه وهكذا


    وربنا يوفقكك ان شاء الله وليك احلي تقيم علي ردك

صفحة 1 من 2 1 2 الأخيرةالأخيرة

المواضيع المتشابهه

  1. سؤال للخبراء عن ال GPS
    بواسطة wanderer32 في المنتدى الأرشيف
    مشاركات: 1
    آخر مشاركة: 14-03-2012, 20:58
  2. سؤال للخبراء والسمعية عن جهاز لتشغيل
    بواسطة sameh_80 في المنتدى الأرشيف
    مشاركات: 8
    آخر مشاركة: 06-01-2012, 03:30
  3. سؤال للخبراء
    بواسطة warior10 في المنتدى الأرشيف
    مشاركات: 10
    آخر مشاركة: 17-05-2009, 00:03
  4. سؤال عن كرت الشاشة>>>سؤال يحتاج للخبراء!!
    بواسطة azzozy في المنتدى الأرشيف
    مشاركات: 20
    آخر مشاركة: 15-08-2006, 08:53

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •