هشتري بكرة لاب Dell Inspiron N5110 رأيكم بسرعة ؟؟

[kimo_524]

بسم الله الرحمن الرحيم

أزيكم يا جماعة .. أنا أن شاء الله رايح أشتري اللاب دة بكرة
Dell Inspiron N5110 - corei5
وكنت عايز أخد رأيكم فية .. أتوكل علي الله ولا أستني
مع أني بقالي يجي سنتين مستني :o
للعلم أنا جايبة للألعاب ..هو كارت الشاشة بتاعة كويس جدا
بس في مواضيع كتيرة في المنتدي بتتكلم عن اللاب دة
بس كلها مشاركات ومواضيع بتناقض نفسها
عضو يقول كويس وأنا مجربة .. وعضو يقول وحش وانا مجربة
بصراحة يا جماعة الواحد بقت دماغة ضايعة ومشتتة :confused:

فأنا كنت عايز أعرف هو فعلا بيسخن جدا لاني جايبة للألعاب وهل مفيش حل لموضوع السخونة دة ؟؟
وهل كل تعريفاتة موجودة ؟؟؟
وهل لا يقبل الأ نسخة win 7 64bit متنفعش 32 bits ???
وهل صوت السماعة بتاعتة وحش ؟؟

أرجو منكم الرد بسرعة يا جماعة .. ويكون الرد بأمانة لأني تعبت والله من كتر التفكير

[kimo_524]

up
.
.
.

[$The-King$]

بص انا جايب اللاب من اخر يوم فى رمضان اللى فات
لحد دلوقت مفيش اى مشاكل فى الجهاز
انا مبلعبش عليه العاب كتير لان لعبى على جهازى المكتبى يعنى لما بلعب عليه العاب بيبقى بيس وفيفا لما اكون مع زمايلى :D

بالنسبة للصوت الجهاز تقدر تشغله على اعلى حاجة من غير حاصية srs وهيبقى الصوت تمام جدا

مع تشغيل خاصية srs الصوت بيعلى جامد جدا لو عليته على الاخر مش هيبقى مريح ممكن تخليه على مثلا 50 /75 % وهيبقى الصوت حلو جدا جدا جدا
ملحوظة ده احسن لاب سمعت صوته

انا بشغله لفترات طويلة من ساعة ما جبته يعنى 12 ساعة مفتوح كل يوم وقول 6 7 ساعات مشغل صوت يعنى لو كان فى مشاكل او السماعات بتضرب او الشبة بتتحرق بسرعة كانت ظهرت


بالنسبة للسخونية فاى جهاز لازم يسخن من غير ما تشغل العاب هيبقى السخونية فى المعقول الدرجات الحرارة هتبقى فى رنج 50 /55 للبرسوسر لما تشتغل العاب بالكرت اكيد الحرارة هتعلى والجهاز اكيد مصمم على هذه السخونية
وفى مود للبايوس بتاع اللاب بيرفع الكرت تردداته للكرت ل gt 540m وكمان بيقلل الفولت الداخل للكرت يعنى هيبقى عندك كرت اعلى وكمان حرارته قليلة تقريبا هيبقى مع الضغط 62


وبالنسبة بقى للدندوز 64 بت ماله مفهوش مشاكل يا اخى يعنى البرامج هتشتغل عادى مفيش فرق خالص بل بالعكس المفروض انه اسرع من ال 32 وكمان ال 64 هيتيح ليك تشتخد كل الرامات عكس ال 32 بيقف عند 3.7 جيجا رام

وكمان السوفت وير بتاع ديل والتعريفات كويسه جدا مفيهاش مشاكل والحمد لله

طبعا الجهاز جميل جدا تقدر تسطب عليه اى نظام تشغل windows 7 /mac os x /lunix /andriod honeycomb

العيب الوحيد اللى من وجهه نظرى هو بطئ الهارد وده فى كل اللابات فى دماغى انى اجيبله هارد ssd ويبقى روعة جدا فى سرعة الفتح :ah7:


اهم حاجة تجيب الحهاز من ناس سمعتهم كويسه عشان لو مثلا لقدر الله وحظ وحش وانت اشتريت واحد فى عيب مصنعى تقدر تستبدل من غير صيانة :ah7:

[kimo_524]

جزاك الله خير يا كنج بجد تعبتك معايا
انا كان عندي تعليقين علي كلامك
الأول : أية خاصية الsrs دي وأزاي أشغلها وانهو الاحسن أشغلها ولا أقفلها
التاني : يعني أية بطيء الهارد ؟؟
ومتشكر مرة تانية علي أهتمامك

[$The-King$]

https://www.srslabs.com/premiumsound/sound.html
ودى بتفعلها من audio control panel idt

من غيرها تحس ان الصوت مكتوم شوية فرق كبير قوى وهى مش شغاله :ah7:


بالنسبة للهارد الهاردات بتاعت اللاب بتبقى سرعتها قليلة حبه عن الديسك توب بتبقى سرعتها 5400rpm
فا ده بيخليه تقيل فى اللود لما تكون مسطب حاجات كتير

فى خيار انك تجيب ssd اقراص الحالة الصلبة ودى بقى ليها ميزات كتير مفيش صوت اساسا لان مفيهاش ميكانكل بارت وكمان سرعتها عاليه جدا بتصل ل 500 ميجا فى الثانية :ah46: قراءه
بس دى بقى يا معلم الهارد يبقى مثلا 120 جيجا بالف ونصف ولا حاجة حسب الماركة والسرعة

[$The-King$]

overclocked to GT 540M
undervolted to .85
lower heat only 60/62 on 100% usage

حاجة لوز يعنى :D

[enggneer]

نصيحه منى بلاش الجهاز ده انا غيرته مرتين من الضمان ود خلت فى مشاكل بسببه لانه فيه عيوب تصنيع

[kimo_524]

overclocked to GT 540M
انت عملت دي ازاي يا كنج
وهل مفهاش ضرر علي الجهاز

[$The-King$]

https://forum.notebookreview.com/del...-bios-mod.html

بس تكون عارف انت بتعمل ايه عشان تفلش البايوس صح :D

[$The-King$]

وعشان تبقى مطمئن ابقى لما تجيب اللاب خلى المكان اللى هتشترى منه الجهاز يسطب نسخه و جرب يا عم السماعات على اعلى مستوى
طبيعى ان لكل سماعة range
من غير srs لو شغلت على اعلى حاجة الصوت بيبقى كويس جدا
ب srs لو شغلت على اعلى حاجة يبقى الصوت عالى اوى اوى فا ممكن تحس بزنة خفيفة جدا مع الباس العالى وده يعتبر طبيعى دى سماعة لاب مش سماعة صب تقدر تمتص الزيادة فى الان بوت

[$The-King$]

هسجل فيديو للصوت ان شاء الله قريب

[$The-King$]

للاسف التسجيل مش هيوضح جوده الصوت

المهم انا جربته برضون تانى واخد بالى ان كان فى زنة ولا حاجة
جربته على
X-Men.First.Class.2011.BluRay.1080p.x264.DTS.AC3.2Au dio-HDChina
على اعلى صوت سواء ب او بدون srs مفيش اى زنة والصوت ممتاز

وصوتيات 320 kps برضون نفس الكلام

واحسن حاجة تجرب بودنك زى ما قولتلك

[kimo_524]

للاسف التسجيل مش هيوضح جوده الصوت

المهم انا جربته برضون تانى واخد بالى ان كان فى زنة ولا حاجة
جربته على
X-Men.First.Class.2011.BluRay.1080p.x264.DTS.AC3.2Au dio-HDChina
على اعلى صوت سواء ب او بدون srs مفيش اى زنة والصوت ممتاز

وصوتيات 320 kps برضون نفس الكلام

واحسن حاجة تجرب بودنك زى ما قولتلك

وعشان تبقى مطمئن ابقى لما تجيب اللاب خلى المكان اللى هتشترى منه الجهاز يسطب نسخه و جرب يا عم السماعات على اعلى مستوى
طبيعى ان لكل سماعة range
من غير srs لو شغلت على اعلى حاجة الصوت بيبقى كويس جدا
ب srs لو شغلت على اعلى حاجة يبقى الصوت عالى اوى اوى فا ممكن تحس بزنة خفيفة جدا مع الباس العالى وده يعتبر طبيعى دى سماعة لاب مش سماعة صب تقدر تمتص الزيادة فى الان بوت

https://forum.notebookreview.com/del...-bios-mod.html

بس تكون عارف انت بتعمل ايه عشان تفلش البايوس صح :D

أنا أشتريتة خلاص يا كنج لسة حالا
والحمد لله الجهاز 100 \ 100

[$The-King$]

الف مبروك وربنا يبارلك فيه ويحفظهولك

[ebnkhaldon]

يا باشا ايه فايدة تفليشة البايوس دى ؟
انا بفلش من الموقع الرسمى بس لانها مضمونة انما دى ؟
يعنى ايه فايدة تحويل كارت الشاشة وانهى واحد افضل
- GT-525M to GT-540M 672/1400/900/0.85v (STABLE)
- GT-525M to GT-550M 740/1480/900/0.86v (STABLE)
- GT-525M to GT-555M 753/1506/900/0.86v (STABLE)

وهل فعلا امنه تماما ؟؟؟؟؟؟؟؟