مشكلة فى سماعت Dell inspiron n5110

[mohamed_nasr409]

انا جبت لاب ديل n5110 i3 لما بشغل حاجة صوتها عالى و اعلى الصوت على الاخر بيبقى فى زنة فى السماعات محدش يعرف دى من ايه؟؟
يا ريت حد يفيدنى علشان اعرف ارجعه للضمان ولا اعمل ايه

[mohamed_nasr409]

محدش عارف و لا ايه؟؟

[Clark_ElMaSrY]

السلام عليكم

انا مش عارف الصراحة اية حل مشكلتك بس بيتهيألي اكيد في حاجة غلط

فانتظر رأي الخبراء او اصحاب اللاب يدلوك بس انت عارف احنا اول يوم العيد و الدخول علي المنتدي قليل فمعلش اعذرنا و صدقني لو حد دخل و شاف موضوعك و كان عارف حاجة هيقولك و يفيدك بها علي طول

ربنا معاك و مشكلتك تتحل ان شاء الله

[Hany Mohamed Nigma]

السلام عليكم ورحمة الله وبركاته

اخى
اتمنى يكون الجهاز سليم و مفيهوش حاجه
واولا الف مبروك عليك جهازك

الخطوة الاولى
اتأكد انك نزلت تعريفات الكروت كلها من موقع ديل
ولااااااااااا غير موقع ديل ماتنزلش اى تعريف من اى موقع غير ديل
واستخدم service tag الخاص بجهازك علشان تنزل التعريفات بتاعتك انت و مش بتاعة حد تانى

((((((((((((((((((((((((( حتى لو نزلت التعريفات لو سمحت راجع مرة اخرى تعريف تعريف السبب انى بطلب الطلب ده ان فى ناس اعرفهم وخبراء فى الاجهزة اشتكوا من بعض المشاكل ولما قلت لهم اتاكدوا من التعريفات فعلا وجدوا نقص فيها لذلك لا تستهين بالامر ))))))))))))))))))))))))

الخطوة الثانية حاول تجرب مقاطع صوتية من اللى جاية مع الويندوز ميديا بلايرر وشوف فيها نفس زنة الصوت ولا لا لان ممكن يكون العيب فى المقاطع نفسها

الخطوة رقم 3 لو انت تاكدت من التعريفات والزنة موجودة فى كل المقاطع حاول تراجع تظبيطات الصوت من الاعدادات وترجعها لاصلها defulat

الخطوة الاخيرة بعد كل ما سبق و مازالت المشكلة موجود وديه الضمان و التوكيل

[Ĩ ф И_ Ĥ Ξ λ Я Ŧ £]

سلام عليكم

جرب اخي ان تشغيل عدة مقاطع موسقية مختلفة

فأذا استمرت المشكلة عندك انصحك بان تاخذه البائع الذي اشتريت الجهاز منه طالما هو في فترة الضمان من اجل الكشف عليه وتاكد من المشكلة لديك

وبتوفيق ان شاء الله

[wkkarram]

السلام عليكم ورحمة الة وبركاتة
فى حالة ما اذا كان الاب توب فى فترة الضمان فنصيحة اخوية ان تزهب بة الى التوكيل الضامن للجهاز
واما اذا كانت المشكلة مزعجة إذهب الى مركز صيانة موثوق به فإن المشكلة فى دائرة الصوت فى شبسيت الصوت او شبسيت كنترول .
والله الموفق والله المستعان

[mohamed_nasr409]

جزاكم الله خيرا على مساعدتكم جميعا عموما انا هروح للضمان اشوف هيقول ايه و اقولكم انا عملت ايه ان شاء الله بس من الواضح ان دى مشكلة عامة موجودة عند ناس كتير

[mohamed_nasr409]

انا لما رحت بالجهاز للضمان قالى ان العيب فى التراك و ان الجودات 128 بت او اقل هتلاقى فيها المشكلة دى و لما قولتله ان الزنة مش موجودة فى السماعات العادية قالى ان عاوز تقارن الريزليوشن بتاع السماعات العادية بسماعات اللاب و قالى ان كل الاجهزة فيها نفس المشكلة بس فعلا الزنة مش موجودة فى اى حاجة فوق 128 بت

[Ĩ ф И_ Ĥ Ξ λ Я Ŧ £]

ألم أقل لك اخي ان تجرب انواع مختلفة من مقاطع الصوتية كنت اعرف من البداية الحمد الله انها اجت سليمة ياباشا:D ولا يوجد مشكلة في الجهاز

طبعا الاجهزة الحديثة الان تأتي بصوت عالي النقاء HD

[o.elansary]

على فكرة أنا عندي نفس المشكلة!

هل من الطبيعي أن يرد التوكيل ويقول كل الأجهزة كده؟

المفروض لو التوكيل محترم يغير الجهاز

[mohamedvip]

ياشباب انا قبل ماشترى الجهاز من شركة ايجيبت لاب توب نصحونى انى مرفش الصوت على الاخر قالو انى ارفعة ل 90 درجة بالكتير لان النوع دا فى مشكلةى سماعاتة بتضرب على طول اذا رفعتها لاخر درجة
فنصيحة لكل شخص ميرفعش الصوت اكتر من 90 درجة

[o.elansary]

ياشباب انا قبل ماشترى الجهاز من شركة ايجيبت لاب توب نصحونى انى مرفش الصوت على الاخر قالو انى ارفعة ل 90 درجة بالكتير لان النوع دا فى مشكلةى سماعاتة بتضرب على طول اذا رفعتها لاخر درجة
فنصيحة لكل شخص ميرفعش الصوت اكتر من 90 درجة

بقى ده إسمه كلام ؟؟؟؟؟؟؟؟؟؟؟؟

[mohamedvip]

بقى ده إسمه كلام ؟؟؟؟؟؟؟؟؟؟؟؟

اللة ياخى دى كانت نصيحة الشركة قبل ماشترية وكتر الف خيرهم على النصيحة وانا فعلا مبزودش الصوت اكتر من 90 درجة

[o.elansary]

اللة ياخى دى كانت نصيحة الشركة قبل ماشترية وكتر الف خيرهم على النصيحة وانا فعلا مبزودش الصوت اكتر من 90 درجة

الله وليست اللة

ثانيا مبروك عليك الجهاز أنا مش فاهم ليه التوكيل ميسحبش الأجهزة دي طالما عارف ان فيها مشاكل

[mohamedvip]

شكرا لك على تصحيح الكلمة
بالعكس تعتبر مفيهاش مشاكل ولا حاجة
الجهاز بس الله ما شاء الله علية فوق الممتاز ودى تعتبر مش مشكلة وطبعا مبتحصلش فى كل الاجهزة بس الشركة اللى اشتريت منها قالت ان فى اكتر من جهاز رجع بسبب مشكلة السماعات عشان كدة بينصحو انك متشغلش السماعات باعلى درجة انا عن نفسى لو كنت شايفها عيب مكنتش اشتريتة بس كل واحد ولية وجهة نظر طبعا