ما رأيكم في Sony Ericsson Xperia mini

**Abdullah33** · 09-12-2011, 13:04

انا قررت ان شاء الله شراء
Sony Ericsson Xperia minihttps://www.gsmarena.com/sony_ericss..._mini-3947.php

هل يوجد اي هاتف اندرويد ذكي افضل في نفس الفئة السعرية 1500 جنيه مصري
و به نفس المميزات او اكثر

و ما هو افضل مكان للشراء؟؟!!

**Prince007** · 09-12-2011, 13:50

بص يا سيدى انا هاقولك عن تجربتى الشخصية
هو الهاتف كمواصفات على الورق ممتاز و اقنعنى - و انا كنت هاشتريه فعلاً لثمنه المناسب جداً
و لكن !
لما عملت شوية بحث عن المينى و الريفيوهات بتاعته بره مصر
اكتشفت ان فيه شكوى تكاد تكون جماعيه من الاوفر هيتينج - يعنى السخونة الزائده للجهاز اثناء الشحن او بعد الاستخدام لفترة و ده بيخلى الزراير بتاعته تشتغل لوحدها و ساعات يهنج !! :ah34:
و ده خلانى اصرف نظر عن الموديل ده خصوصا انى معرفش حد معاه الجهاز و مجربة فعلياً حتى على النت لانه نازل مصر حديثاً
و ده خلانى اتجه الى التفكير فى موديل اللايف مع انه اغلى حوالى 300 ج
بس لما شوفته فى الفاترينة و خصوصا جنب النيو حسيت انه قزم ( مع انى ماكنتش معترض اصلا على الشاشة ال 3 بوصه)
و ب 1800 ج !! و هو غالى جداً بمقارنته بأسعار بره وهى حوالى 150 يورو يعنى المفروض مايعديش 1300 ج هنا !؟؟

يعنى انا قولت اعرفك باللى انا وصلتله - بس لو حد من الاعضاء عنده الجهاز يقدر يصحح معلوماتى يبقى جميل جداً
وشكراً

**midh91** · 09-12-2011, 19:21

ابتعد عن Xperia Mini لأن الكثيرين اشتكوا منه علي موقع gsmarena ( كما ذكر الاخ Prince007 )
خليك في
1- Xperia Mini Pro ( محدش كاتب عنه مشاكل بعكس الميني العادي )
2- Xperia Live وبصراحة ده هاتف رائع وشاشته اكبر 3.2 انش وبه اضاءات رائعة

**medo_kunny** · 10-12-2011, 22:09

بص يا سيدى أنا الموبايل ده هتججن عليه من شهر 5 اللى فات
واشتريته من شهر ونص
الجهاز بالنسبالى جامد جدا
والآراء السلبية اللى على GSM Arena فعلا موجوده على أول دفعة تصنيع اللى الكود بتاعها ST15a
أما الدفعة الجديدة اللى الكود بتاعها ST15i الحمد لله مافهاش أى مشاكل
ولو عايز تتأكد أدخل على موقع سونى إريكسون وشوف الموبايل والجائزة اللى واخدها (أفضل منتج 2011-2012)
https://www.sonyericsson.com/cws/pro...#view=overview
أما بالنسبة لسونى إريكسون أول مرة أجربها وإقتنعت بيها جدا
وبالنسبة للشاشة ديه حريتك أنت هى أكبر من Nokia n95 8gb بشويه
وبالنسبة لصوت الجرس معقول ولصوت سماعة المكالمات صوتها عالى والهاند فرى اللى جاى معاه تحفه
بالنسبالى أنا إشتريته لأنى بحب التليفونات الصغيرة ونفس إمكانيات الهواتف الذكية
بالنسبة للألعاب والبرامج اللى ماينفعش تشتغل على الشاشات الصغيرة فى برامج ألعاب كتير المبرمجين بظبطوها على التليفونات ديه
البرسيسور والرامات وسرعة نقل الداتا على الوايرلس وإمكانيات تانية بالضبط زى الـ iPhone 4
ولو حد قالك سعره رخيص بالنسبة للتليفونات الثانية الشاشة هى اللى بتفرق فى سعر التليفون
يعنى لو شاشة كبيرة هتحتاج بطاريه أفضل من بطاريات التليفونات اللى شاشتها صغيرة
بالمناسبة الشاشة LCD مش TFT

**mohmet** · 10-12-2011, 22:19

انا بيني و بين شرائه حجم الشاشه المحبط لأني عايز اقرا عليه pdf و اعتقد ان شاشته صغيره الي حد ما 3.0 inch هاتكون صغيره لو حبيت اقره عليه كتب

**ey@d-i7** · 11-12-2011, 11:22

أنا أيضاً من مالكي هذا الجهاز الرائع ...
جهاز خالي من العيوب تماماً و متكامل في كل شيء عدا عن أن الكاميرا ليست في المستوى إلا أنها تبقى جيدة ..
مشاكل الحرارة التي تم التحدث عنها لم ألحظها إطلاقاً ...
الشاشة لن تشعر بأنها صغيرة و سترتاح معها ..
إضافة إلى أنه سيدعم الأندرويد آيس كريم ساندوتش 4.0 الجديد ..

لكن إن كان الفرق صغيراً نسبياً بينه وبين الـ Ray أو الـ Neo فأنصحك بهما لأن شكلهما أعجبني أكثر لكن عندنا فرق السعر كبير