محتاج مساعدة بخصوص منحة جامعة المنصورة

**stifano** · 11-12-2011, 00:00

فرصة التقدم للمنحة لعام 2012/2011 لجميع الطلاب والخريجين من جميع الكليات والمعاهد سواء الحكومية او الخاصة
للحصول على الشهادة المتخصصة فى هندسة الحاسبات لمدة 8 شهور بشهادة معتمدة من كلية الهندسة جامعة المنصورة وتوثق من وزارة الخارجية المصرية- المنحة مدعمة بنسبة 75%
الطالب بيسدد فقط 1800جنية على تسدد على دفعات للدراسة 4 شهور
بالنسبة للدراسة الشاملة مدتها 8 شهور تسدد 2950 جنية

...الدراسة يومان سواء صباحى او مسائى
والتخصصات هى :شبكات -برمجه -جرافيك -
بالنسبة للطلبة من القاهرة والاسكندرية والمحافظات البعيدة عن المنصورة يمكن تكثيف الدراسة لهم يومى السبت والجمعة -
الاوراق المطلوبة للتقديم
صورة الكارنية (للطلبة) او صورة المؤهل الدراسى – 6 صور شخصية – صورة البطاقة
التقديم يوميا من الساعة العاشرة صباحا الى الثالثة عصرا الدور الرابع بمبنى كلية الهندسة جامعة المنصورة
ــــــــــــــــــــ

اولا : منحة الشبكات 4 شهور
-------
تدرس بها :
MCSA , CCNA , N+, Office 2007 , Maintenance
وتكلفة المنحة 1800 جنيه مصرى
***************
ثانيا : منحة الشبكات 8 شهور
---------
تدرس بها :
MCSA , CCNA , N+ , Office 2700 , Maintenance
+
Upgrading to MCSE , Upgrading to MCITP , CCNA security , Advanced Office 2007
واخيرا مشروع يقدمه كل دارس فى نهاية المنحة

انا بقى موش عارف اعمل اية هل الشهادة من جامعة المنصورة هشتغل بيها لو فى دول عربية ولا اذااكر من الكورسات الى بيقدمها المنتدى خصوصا ان الحالة المادية موش قوى وموش عايز اضيع فلوس ولا وقت فى الهو انا لسة بدرس فى سنة 4 ياريت تنصحونى بحكم خبرتكم

**stifano** · 11-12-2011, 00:03

خصوصا انى بميل اكتر لكورس mcitp وكنت عايز ccna عشان اكون عندى خبرة اكتر ف موش عارف اعمل اية وهل لوخدت mcitp بس هتكون كويسة ولو خدتها من جامعة المنصورة ب1800 جنية لوحديها بالشهادة بتاعتهم
وccna 750 و ccna secuirty 750

**bassam91** · 11-12-2011, 12:57

فكك من الحوار دا انت اهم حاجه في الشهادات تكون من ميكروسوفت
تاني شيئ انت علي النظام دا والشهادات دي مش هتخلص ولا بعد اكتر سنه
ولو الكرس يومين في الاسبوع mcse لوحدها ممكن تتاخد في ست اشهر تلات ايام في الاسبوع
فمبالك بالباقي ......

**M_1ST** · 11-12-2011, 13:56

منحه اى كلام
حماده بالجنزبيل

**stifano** · 11-12-2011, 15:10

هو انا ممكن اذاكر mcitp enterpriser من الدورات الى على النت وادخل الامتحانات على طول بتاعت مايكروسوفت

**bassam53** · 11-12-2011, 15:12

انا شايف أنك لو عايز تدخل في مجال الشبكات ومعندكش فكره في مجال ال Communication أبدء بال N+ ولو عندك فكره ابدء ب Ccna علطول لانها حتفيدك في كورس ال infra الي في ال Mcitp وبالنسبه للشهادات مش مهم أهم حاجه تتعلم صح في ناس معاها شهادات وفي الEnter view أول مايقعد علي ال server يبوظ الدنيا وبالنسبه للشروحات إلي في المنتدي أنا شيفها كويسه وتقدر تبدء بيها

**M_1ST** · 11-12-2011, 20:06

**INTERVIEW
ومفيش حد بيقعد على سيرفرات فى الانتر فيو
واه ممكن لو عندك خلفيه عن الشبكات تبدا تذاكر من اى فيديوهات من الى متثبته هنا فى المنتدى مثلا
وبعد لما تخلص تمتحن الامتحانات الدوليه

**M_1ST** · 11-12-2011, 20:07

لكن لو لسه جديد فى المجال تشوف اى شرح لل N+ وتذاكره مش هياخد منك وقت وبعدها تدخل فى الكورس بتاعك
اهم حاجه انك يكون عندك خلفيه كويسه
وبالنسبه ل CCNA ممكن تاخدها وانتا بتذاكر ال MCITP فى نفس الوقت مش صعبه يعنى وهتلاقى لها شروحات بردو على النت

**stifano** · 13-12-2011, 01:40

انا فعلا بدءت مذاكرة فى الكورس للمهندس محمود سرحان فى الكورس بيقول ان انا عشان اخد mcitp enterpriser لازم ادخل 5 امتحانات امال اية حكاية ال6 امتحانات كام واحد بيقول كدا على المنتديات غير كدا اكتر حاجاة مخوفانى انهم بيقولوا سعر الامتحان هيبقى 150 دولار من شهر 7 الجاى خايف مالحقش اخدهم قبل ماشهر7 يجى غير كدا لما بصيت فى الامتحانات الى على النت عقدتنى وخوفت قوى والكورس الى معايا مكون من 3 تركات اول واحد ويندوز 7 و ويندوز سيرفر 2008 ممكن بعد ما اذاكرهم ادخل امتحن فيهم وبعد كدا اكمل الinfra و الactive ولا رأئيكم اية.
فكرة الموضوع كلة ان الحالة المادية موش الى هى بس حبى فى المجال دا مجننى ومستحيل اسيبة الا بأرادة الله لو فى اى نصيحة من اى حد يقولى وياريت موبايل يعنى ممكن تسيب الرقم وانا هتصل انا عارف انى قرفتكوا معايا بس كلة بثوابة واحنا اخوات

**M_1ST** · 13-12-2011, 02:54

انتا كمبتدا انصحك انك تذاكر من شرح مهندس محمد امين لانه مفصل الماده العلميه الى تراكات
ثانيا بالنسبه للامتحانات لو حبيت تاخد السيرفر ادمن هتمتحن امتحانات 640-642-646
لو هتمتحن امتحانات علشان تبقى انتربريز ادمن هتمتحن640-642-643-647-680
يبقى كده هتلاحظ ان فيه امتحاناين مشتركين يبقى لو عايز السيرفر ادمن والانتر بريز هتمتحن كل امتحان مره واحده

الامتحانات هتبقى ب 125 دولار من شهر 7 الجاى فعلا السياسه دى اتطبقت على العالم كله معدا دول قليله
نصيحه فيه سنترات بتقدم الامتحان ب 200 جنيه يعنى علشان تبقى انتر بريز هتدفع 1000 جنيه ودى تعتبر فرصه حاول تستغلها

**stifano** · 13-12-2011, 12:01

اية exchange server 2010 دا هو دا سيرفر بس احدث من سيرفر 2008 ولا اية

**سمرمون_2010** · 13-12-2011, 22:08

السلام عليكم ورحمة الله وبركاته بص يا بشمهندس هو انت لو ذاكرت الفيديوهات الموجودة وقرأت الكتاب أعتقد إن شاء الله مش هيكون فيه حاجة ناقصة وإن كان الشرح في سنتر بس بيخليك تسأل أكتر لأنك بتسال وبيجاب عليك في نفس الوقت عامة احنا مكونين جروب على الفيس بوك بنذاكر فيه قرص ccna و mcitp ممكن تدخل على الجروب وتشترك وتذاكر معانا وتختار اللي انت عاوزه كمان احنا الحمد لله هنعمل سيناريوهات عملى وإن شاء الله هيكون في الجروب شغل كويس لأن معانا مهندسين شغال عملي وبيساعدونا فتوكل على الله وابدأ معانا وكمان ممكن تختار على الجروب القرص اللي هتذاكره أو القرصين دي حاجة ترجعلك أما بالنسبة لل6 امتحانات ده عشان تكون mcitp (admistrator&enterprise وربنا يوفقك