ارتفاع الحراره وارتفاع صوت المروحة يزعجني..

**$ CoMpLiCaTeD $** · 17-10-2005, 21:02

السلام عليكم

انا شريت كمبيوتري قبل ثلاث سنوات اضن ..

المهم دايما استخدمة والحراره حقة ماتزيد عن ال40 .. وسرعة دوران المروحة 2405 تقريبا ...مافيها اي صوت وراقية والكمبيوتر ماشي تمام التمام ...

المهم قبل ثلاث شهور كنت استخدم الكمبيوتر الثاني والكمبيوتر هذا ما استخدمتة في هذه المده...

المهم قبل شهر جيت اشغل الجهاز هذا عشان استخدمة لان الكمبيوتر الثاني يهنق كثير لقلة الرام ...

جيت اشغل الكمبيوتر استحدمتة يومين وبعدها شريت كرت شبكة D-Link بس ماكنت منتبة لدرجه الحراره ووخلال هاليومين لاحظت زياده صوت المروحة ...المهم قلت خلني انزل برنامج افرست واشوف الا واحصل المروحة فعلا زادت والحراره توصل 40 على الوضع الطبيعي ومع تشغيل اي برنامج تزيد ثلاث درجات ولا اربع بسرعة فائقة .. واذا شغلت لعبة لمده 5 دقايق واجي اشيك على الحراره احصلها 60 وانت طالع ودوران المروحة 3200 تقريبا ...ويوم تزيد الحراره طبعا يصاحبها زياده في دوران المروحة طنشت انا الموضوع ... بس اللي مطفشني جد هو صوت المروحة يعني يوم يكون دورانها سريع واروح افتح اي مجلد في الكمبيوتر يقل صوتها ويزيد وهذا يسبب لي رفع الضغط الله يحفظكم منة ...

المهم جلست شهر على هذي الحالة .. ومشيت حالي ..

قبل اسبوعين تقريبا .. كنت رايح لدار عمي وقلت بشل كرت الشبكة معاي ونشغلة عندهم .. وانا لما كنت رايح كنت مستعجل والكمبيوتر حقي كان شغال وينزل ملف تورنت عاد انا قلت مش فاضي اروح اطفي الجهاز وافتح الكرت واروح اشغل الكمببيوتر واشغل الترونت ..

من العجلة رحت فتحت الكيس وسحبت الكرت والجهاز شغال...

ورحت دار عمي والكرت شغال 100%

ماعلينا من هذي السالفة المهم انا امس قررت اشتري مشتت جديد مع المروحة حقة ومعجون لة ..

رحت وشريت مروحة انتل اصلية(على ذمة صاحب المحل) تصنيع SANYO مع المشتت والمعجون ..

لما جيت اركب المشتت الجديد لقيت ان البروسيسور مافية معجون من قبل الا نقطة صغيره وجافة

رحت نظفتة بالكحول وحطيت المعجون وركبت المشتت والمروحة الجديده..

لما جيت اشغل الجهاز تفاجأت بصوت المروحة المزعج يعني المروحة اللي كانت قبل عندي لما تزيد سرعتها ماتوصل صوت هذي زلما ادخل برنامج افرست ماتطلع لي سرعة المروحة

بس الحراره ولله الحمد ماتزيد عن ال 33 ...

الحين المشكلة في المروحة لما افتح اي ملف او لما افتح اي منتدى وانزل اشوف الاقسام بال Secroll المروحة صوتها يقل ولما اوقف النزول يزيد على طول يعني نفس القصة في المروحة القديمة ...

ولاحظت شي ثاني من قبل لا اركب المعجون والمشتت قبل اسبوع ..صادفت مشكلة الكمبيوتر يهنق بالكامل مايتحرك الماوس ابداً ولما يهنق لاحظت صدور صوت من الهارد ديسك كأنة يفصل ..لما اروح اضغط زر اللي يطفي الجهاز لمده 5 ثواني مايطفي الا اذا فصلت الكهرباء من الكمبيوتر .. ولما اجي اشغلة تشتغل الضوء حق الهارد ديسك بس مايشتغل الضوء الاخضر حق الكهرباء والكمبيوتر مايشتغل والشاشة سوده بعد محاولات فصل الكيبل وشكبة مره ثانية اشتغل الكمبيوتر وبعض الاحيان يرجع يسوي نفس المشكلة..

هل هذي المشكلة سببها كرت الشبكة لاني فصلتة وهو شغال؟؟ (اتكلم عن مشكلة التهنيق)

وايش الحل مع الحراره وصوت المروحة وقلة الصوت وزيادته من شو المشكلة ..

اتمنى منكم الاجابة والسموحة لاني طولت عليكم بس حبيت انكم تعرفون الموضوع بالكامل..

**spictor** · 18-10-2005, 10:10

اخي اعتقد ان مشكله التهنيج في الجهاز سببها نزع الكارت و الجهاز يعمل ربما يكون الكارت لم يتضرر و لكن الاكيد ان لوحتك الاساسيه تضررت و هذا هو السبب في كل ما تعاني منه حاليا

**$ CoMpLiCaTeD $** · 18-10-2005, 12:01

امس ظهرت مشكلة التهنيق مره ثانية ..ومارضى يشتغل الجهاز مره ثانية قلت بجرب بفتح الكرت وفتحت جميع الكروت الموجوده عندي ..

وما اشتغل قلت جرب افتح الماوس ... فتحت الماوس واشتغل الكمبيوتر

طلعت المشكلة من الماوس في التماس على ما اعتقد .. غيرت الماوس من امس لليوم ماشفت اي مشكلة في الجهاز ..

الا صوت المروحة مكانة قوي ومزعج

**spictor** · 18-10-2005, 21:38

اخي صوت المروحة ناتج عن عدم ثباتها فوق المعالج او عن اتساخها بالاتربه و بما انك تقول انها جديده حاول تعيد تثبيتها فوق المعالج و ان شاء الله بيروح الصوت

**$ CoMpLiCaTeD $** · 18-10-2005, 22:07

اخوي قمت بفك المروحة مره ثانية وتركيبها ونفس الشي .. المشكلة ان دوران المروحة سريع جداً هل من حل لتقليل عدد اللفة ..

هذا فيديو يوضح المشكلة ..

https://drr.cc/11/MOV00001.3gp

ولو تلاحظ على آخر الفيديو راح تسمع صوت انخفاض المروحة اثناء فتح الاكسبلورر

**spictor** · 21-10-2005, 07:07

الصراحة بعد ما رأيت و سمعت اقول لك - الله يعينك- و لكن علي ما اظن ان مشكلتك لها علاقه بالباور سبلاي لان اثناء فتح الاكسبلورر يتطلب تشغيل الهارد و المعالج مما يتطلب سحب الطاقة ولما تنخفض الطاقه ينخفض صوت المروحة فإذا كان عندك جهاز اخر حاول تبديل الباورسبلاي منه و جرب و ضع النتيجة. بالتوفيق

**$ CoMpLiCaTeD $** · 05-11-2005, 10:11

مشكور اخوي بارك الله فيك ...والسموحة على الازعاج ...

امس ولله الحمد قمت بتغيير الباور سبلاي وجبت واحد ب400W

وغيرت المروحة والمشتت والمعجون وجبت اصلية من محل معروف ..

والحمد لله جميع ماشاكل التهيق والصوت اختفت والمروحة صوتها هاديء جداً

بس مش عارف احس ان الحراره مرتفعة ... ولو تقرا في الموضوع كاتب ان المروحة اللي صوتها مزجع الحراره ماتزيد عن 33 فالوضع الطبيعي

اما هذي اللي اشترتها الحراره في الوضع الطبييعي تكون 42 مع الضغط لمده 5 دقايق توصل 53 ..

وهذي صوره للوضع اللي عندي