السلام عليكم الخميس بالليل الساعة 2 بالليل
تم الاشتباة في واحد من اللي في الاعتصام و كان واقف خارجة في عربية جيب
و بالتفتيش اكتشفنا ان هو ظابط جيش تحريات و علي موبايلة صور لاطباء و صيادلة المستشفي الميداني و المعتصمين
و ساعتها مكناش عارفين نعمل اية
في الوقت ده اتخطف مننا العبودي
و الطلب كان واضح تردوا الظابط لينا نرجع العبودي
و فعلا اطباء مننا توجهوا للواء الموجود خلف الاعتصام باتجاة وزارة الصحة
و عندما خرج العبودي كان بالحالة اللي الناس كلها شافتها
طبعا الناس استفزت جدا
و ابتدي الاستفزاز من الجيش و الناس طبعا كانت علي اخرها
يعني بعد محمد محمود و اللي محدش عارف السبب اية و احنا اللي فضينا الميدان و نقلنا الاعتصام مجلس الوزراء علشان
مانعطلش البلد يحصل معانا كدة
و حكاية الكرة و اللي كانوا بيلعبوا اي واحد راح اعتصام مجلس الوزراء يعرف ان هو زحمة جدا و مفيش 2 متر علي بعض تنام علي الارض حتي
و ابتدي الضرب طوب من مبني مجلس الوزراء و ناحية مجلس الشعب
و الناس ردت و كان مجزرة لان احنا المحاصرين في النص و الضرب جاي من فوق
بالعافية انقذنا الادوية و بعض الاشياء المهمة و نقلناها في المدخل امام السفارة الامريكية و محطة بنزين التعاون
و فجاة لقينا النار بتولع في كشك الكهرباء الخرساني داخل سور مجلس الشعب و سيارة بساحة المجلس
و طبعا لتصوير الثوار انهم بلطجية
فاحنا اللي طفينا الحرائق باسطوانات الاطفاءو صورنا ده
و بعد كدة فجاة لقينا عساكر الجيش دخلوا من ناحية وزارة الصحة بشارع مجلس الوزراء و ضرب رهيب و اضطرينا نرجع الميدان
ثم هدا الوضع شوية حتي بعد الصلاة الجمعة استمر الضرب من اعلي مبني المواصلات بارتفاع 9 ادوار و رمي اشياء رهيبة منها دواليب و مكاتب و كراسي و طوب و زجاج
و استفزاز العساكر لينا من خلف زجاج المبني
و اضطرينا نرد بالطوب لحماية انفسنا
و استمر الضرب علينا و المولوتوف من اعلي المبني
و عملنا مستشفي ميداني بمدخل الشارع المؤدي للسفارة الامريكية و اسمة "مستشفي السلام الميداني "و ايضا ملحق به مخزن الدواء بكنيسة مريم
و مستشفي الميداني بقصر الدوبارة و مستشفي عمر مكرم و مستشفي بالسلم امام البنك الزراعي
و استمر الاصابات بالرصاص الحي و الزجاج و الحجارة
و اخر اليوم تم رصد اصابة 2 زملاء لينا
انس بالحجارة و من كثرة الاجهاد اغمي علية
و عبد الله زميلنا مضروب برصاص حي في رجلة و اضطرينا نهربة من القصر العيني حتي لا يتم تسليمة للشرطة
و تم رصد 35 شهيد في ذلك اليوم الجمعة
و استمر الضرب
حتي الساعة 11 من يوم السبت
هجم الجيش بجنود المظلات علينا
و هربنا علي مسجد عمر مكرم
و الجيش احتل الميدان
و فجاة لقينا العساكر بتحرق الخيام و الادوية و المستشفيات الميدانية و حاولوا يدخلوا عمر مكرم بس احنا قفلنا ابواب المستشفي و المسجد و اترمينا عيها
و فجاة لقينا حد بيقول في واحدة مصابة
فتحنا جزء صغير و مسكنا البنت و الجيش كان ماسك فيها الناحية التانية و نازل ضرب بعصا معدنية عليها بس انقذناها و قفلنا الباب
و استمر الحصار لساعة و احنا علي سطح عمر مكرم شفنا العساكر و هما بيحرقوا الموتوسيكلات و الخيام و الادوية و بيسرقوا العصير و الاكل و حتي خيام المعتصمين السوريين و اليمنيين امام الجامعة العربية تم ازالتة
و اتحاصرنا و عرفنا ان مسيرة الطالب الطب اتهاجمت في العباسية
و مسيرة الشيخ عفت اتهاجمت
و بقي الامل في مسيرة عند طلعت حرب
و فعلا المسيرة كانت كبيرة جدا و قدروا انهم يفتحوا الميدان و الجيش يرجع لورا حتي تم الوصول الي بنك الزراعي علي ناصية الشيخ ريحان
و تم وقف الجيش و ناس جت وقفت امامنا علشان مايحصلش احتكاكات و العقيد اللي كان بيامرهم انهم يحرقوا و يكسروا و يضربوا البنات فجاة امام التليفزيون بقي حمل وديع و بيقولنا انهم في خدمتنا و مش عايزين يضربونا
فجاة اكتشفنا ان الكلام ده كلة كذب ة انهم واقفين علشان بيبنوا حائط حجري بيسدوا بية القصر العيني و بيحصرونا في الميدان
حاولنا نفهم العقيد ان لازم الناس تبقي موافقة و نظام البلطجة و الامر الواقع مش هيجيب نتيجة
و لا حياة لمن تنادي
و فجاة كان في حركة من الجنود للهجوم علينا و اتحركنا من امامهم و الناس رديت علي الهجوم بالطوب
و فجاة لقينا في طوب من اعلي المبني مجلس الشعب بجوار مبني المجمع العلمي
و لقينا ان العساكر واقفة من فوق بتضربنا بالطوب و المولوتوف و احنا مش عارفين نوصلهم
لغاية ما قطعوا النور عن شارع القصر العيني و بالليل بقينا مش شايفين حاجة و بعد ما كنا بناخد بالنا ان الطوب جاي منين و بقي الطوب ينزل من اعلي المبني يصيب العشرات و المئات
استمر الضرب و الاصابات حتي الساعة 4 الفجر فجر الاحد
و تم اقتحام الميدان و محاصرة كنيسة قصر الدوبارة و اقتحام ساحة الكنيسة و كسر الباب الحديدي
و احتماء الاطباء و المتطوعين بالقداس و غلق الابواب الخشبية عليهم
و قدرنا نغلق باب مستشفي المسجد عمر مكرم و لكن عند لجوء الناس لمسجد عمر مكرم علشان ان ده بيت ربنا و محدش هيهجم عليهم
للاسف العساكر دخلت و طحنت الناس ضرب
و استمر مسلسل حرق الادوية و الخيام و المستشفيات الميدانية
و تم اعتقال 22 طبيب من اطباء الميدان بالاضافة لاعتقال الكثير من المعتصمين
و تم ازالة الجثث بسيارات القوات المسلحة و سمعنا عبارات انها هتطلع علي الهايكستب
لاخفاء عدد الشهداء الحقيقي
و الساعة 6 صباحا تم تحرير الميدان بالاف من الشباب و منهم الكثير من الازهريين
و مازال الضرب مستمر و اعتداء الجيش ععلينا و محاولة الصد مننا
الوضع بشع و الاصابات رهيبة
اشهد ان لا اله الا الله و ان محمد رسول الله
المفضلات