بسم الله الرحمن الرحيم
بفكر اجدد المازر بورد والرمات وعملت موضوع عشان اختيار المازر والرامات والناس فادتنى كتير والحمد لله
ولكن فكرت فى انى اغير البروسيسور كمان واجيب intel بدل amd الى موجود عندى فعلا ولكن ده هيحتاج ميزانية اعلى بكتير بسبب ارتفاع سعر لوحات intel وكمان المعالجات الانتل
فكرت ايه سبب ان معالجات amd بتدى اداء اضعف من معالجات انتل مع انها فى بعض الاحيان بتكون نفس سرعة المعالج ونفس الكاش ونفس دقة التصنيع وكمان نفس عدد الانوية
انا طبعا مش خبير اوى فى الكومبيوتر بس اعرف ان الكاش عامل مهم فى زيادة اداء البروسيسور (يارت لو غلطان حد يصححلى) ومعالجات amd غالبا الكاش فيها اعلى من انتل وحتى لو كمان السرعه بتكون اعلى مع ذلك برضه انتل افضل من amd
لو هنتكلم من الناحية المادية اعلى معاج amd شوفته فى السوق phenom ii x6 t1100 وسعره حاولى 1250 جنية المقابل ليه فى السعر تقريبا من انتل i5 2500k بفرق 100 جنيه والاتنين نفس السرعه والفينوم كاش 9 والانتل كاش 6 وطبعا ما ينفعش نعمل مقارنه فى الاداء بين الاتنين خالص :ah38:
حاولت انى اعرف ايه سبب ضعف الاداء بس مش لاقى اى مبرر
انا استخامى للكومبيوتر عادى زى اى حد يعنى العاب وبرامج عادية اوفس او فوتوشوب
هل انتل يستحق التغير فعلا ويستحق فرق السعر ده فى المعالجات واللوحات
وهل انا بالاستخدام ده محتاج اداء معالج زى ال i5 مثلا وال ال phenom ii x4 كافى
وايه سبب ضعف اداء amd مقاببل intel ؟؟؟؟؟
ياريت يكون فى تفاعل من كل الناس لان الموضوع ده ممكن يكون مرجع لاى حد بعد كدا واقع فى نفس حيرتى
المفضلات