برجاء المساعدة في شراء كيس احترافية في حدود 1300 جنيه

[boody_boo]

في رأيكم إيه أفضل كيس احترافية في حدود 1300 جنيه:

بين:
CORSAIR Graphite Series™ 600T Special Edition White



او:
Cooler master Cosmos S



أو:


Silverstone Raven 2 Window SST-RV03B-W Full Tower Computer Case



أو اقتراحاتكم لما هو أفضل

[boody_boo]

أو Coolermaster Storm Trooper

[boody_boo]

برجاء الرد من خبراء المنتدى لإني مقبل على الشراء خلال اسبوع

[ub44]

storm trooper او corsair 600t لو ناوى على مازر من الحجم الكبير يكون storm trooper لانها بتدعم xl motherboards و الtrooper ممتازة فى التبريد و كبر الحجم و انا بمييل ليها اكتر على فكرة هى عندى و فى مراجعة بسيطة ليها فى التوقيع ممكن تساعدك اكتر , وعندك برضو ال haf x ممتازة

[boody_boo]

ديه إمكانيات الجهاز بتاعي .. فمش هيفرق معايا أوي موضوع حجم البوردة ده أنا مش هركب بوردة سيرفر و أعتقد إن 95% من البوردات في مصر مش بتزيد عن ATX

[ub44]

بص تمن الكيسة مش قليل و انت مش هتشترى كل يوم ال haf x, storm trooper دول full tower الكورسير mid tower عن نفسى فضلت الترووبر عن كورسير شوف المراجعة وكمان لماتنزل تشترى ال تلاتة دول موجودين عند هاى اند تقدر تشوفهم على الطبيعة و تقرر اكتر

[boody_boo]

أنا كده شيلت فكرة ال السيلفرستون خالص مش مشجعة على الإطلاق

بس لسة محتار بين الكورسير جرافيت و الكوزموس و التروبر (اللي غايظني في الكوزموس و التروبر إن التروبر جسمها فيه بلاستيك كتييييير اوي على عكس الكوزموس و الاتنين full tower بس التروبر فيها متحكم مراوح) و في نفس الوقت عاجبني أوي لون و شكل و تقفيل الكورسير و التلاتة الريفيوهات بتاعتهم تقييمها زي بعض تقريباً

و ده اللي مجنني

[ub44]

التروبر البلاستيك مش كتير لانها عندى لازم البلاستيك حيكون موجود فى كل كيسة الكوزموس بلاش منها موديلها قدم قوى و تبريدها مش قد كدة خلى المقارنة بين haf x , trooper , corsair بس الافضل انك تجيب full tower مش حتجيب كل شوية كيسة الا لو غاوى بقى :D عن نفسى زى مقولتلك انا فضلت التروبر انزل و شوفهم على الطبيعة جنب بعض حيقدر تقرر و مبروك الكيس مقدما

[boody_boo]

الله يبارك فيك
فيه كتير كاتبين في ريفيوهات إن الكوزموس غالية جداً على امكانياتها

و في التقييمات حاطين إن الكورسير في التهوية أقوى من التروبر
و التروبر في فلترة الهواء أقوى

انا عمال اتلخبط و الكيستين انا فعلاً شوفتهم على الطبيعة في ماكسيمم هاردوير و هاي اند و الاتنين عاجبني جداً جداً جداً
حاجة تمخول .. بس في المقارنة موضوع Full tower او mid tower ده مش فارق معايا أد ما فارق معايا إمكانيات الكيسة نفسها لإن زي ما قولتلك مفيش في مصر أصلاً بوردات XL-ATX

[hisham2002]

بص يا باشا عن تجربه واحد صاحبى انصحك بكيس thermaltake chacer بجد كيس جامد جدا وتهويته ممتازه وترتيب الكابلات فيه رائع وايضا ثمنها اقل ب400 جنيه من الميزانيه المذكوره
وادى رابط للكيسه وامكانياتها https://www.thermaltakeusa.com/Produ...7&ID=2048#Tab2

[KINGX]

والله انا رايى ان الجرافيت بدون مبالغة هى اجمل واشيك كيس شوفتها فى حياتى

[boody_boo]

بص يا باشا عن تجربه واحد صاحبى انصحك بكيس thermaltake chacer بجد كيس جامد جدا وتهويته ممتازه وترتيب الكابلات فيه رائع وايضا ثمنها اقل ب400 جنيه من الميزانيه المذكوره
وادى رابط للكيسه وامكانياتها https://www.thermaltakeusa.com/Produ...7&ID=2048#Tab2

شكراً على النصيحة الغالية يا غالي
بس أنا خلاص اشتريت الجرافيت (المعادلة الصعبة فعلاً الأداء و الأناقة و جودة التصنيع)
و ملحوظة الكيسة اللي حضرتك ذكرتها سعرها الآن 1000 جنيه بفارق 200 جنيه عن الجرافيت البيضاء و فرق 100 جنيه عن الجرافيت السوداء