السلام عليكم و رحمة الله و بركاته
من 6 شهور تقريبا كدة اشتريت باور hec -couger 700 watt cm
و اشتغل معايا الباور بمنتهى السلاسة و بدون اى مشاكل من اسبوعين فقط جيت افح جهازى و اثناء اللعب الجهاز فصل !!!!!!!!!!!!!
اشغل الجهاز تانى مش عايز يفتح توصلت اخيرا ان المشكلة فى الباور لانه كان مطلع صوت غريب كدة عاملة زى صوت صفارة بسيطة
رحت للمركز اللى انا مشتريه منه اللى هو المفروض مركز كبير يعنى
سبته قالت لى البنت كمان اسبوعين رحت بعدها باسبوعين بتقولى لا للاسف الضمان رفض استلام الباور بيقول انه مفتوح
مع العلم ان توكيل الباور المفترض انه توكيل محترم
عملت مشكلة الى ان وصلت لمدير الفرع الوحيد اللى عاملنى باحترام كانى مش جاى اشحت منه شىء بالعافية زى الباقيين
من كلامه مع الوكيل فى التليفون ادامى و كانت الصدمة !!!!!!!!!!!! يعنى ايه معندكوش قطع غيار !!!!!!!!!
بمعنى اصح ان العميل الباور بتاعه باظ و معاه ضمان فاضل له 6 شهور حيتجنن و يفتح الباور عشان يسقط ضمانه
توصلت انه على الاحد القادم ان شاء الله حوصل لحل مع صاحب المكان خاصة ان سعر الباور غالى 550 جنية و لسه فاضل له نصف فترة الضمان و لم استخدمه فى كسر سرعة او اى استخدام مهين ازاى يحصل فيه كدة و الاقى المعاملة بهذا الشكل من الاحتيال على العملاء
طلبى و ارجو الافادة ... ؟؟؟
ايه هى الاجرائات القانونية اللى اقدر اعملها فى حالة رفضهم لتسليمى باور اخر او تصليح الباور ده او اعطائى الفلوس
فى اكتر من شىء بس مش عارف ايه هو الاصح
اعمل محضر
اروح لجهاز حماية المستهلك ؟؟ يا ربت اعرف مكانه بالاسكندرية فين
و لا اجيب 10 بلطجية و اخد باور تانى 1.000 وات و لا حاجة و مدفعش فرق هههههههههههه
يا ريت حد يفيدنى عشان بجد كدة حرام و لو حد عايز يعرف مين الشركة دى ممكن يسالنى على الخاص عشان ميتعاملش معاهم بعد كدة .. لان اساليبهم زبالة الزبالة و خدمة ما بعد البيع صفر على الشمال
المفضلات