عاوز أكسر سرعة تردد المعالج Intel Core 2 Duo E7400 2.8 GHz أعمل إيه عشان أكسره ؟

[bokaboka1993]

السلام عليكم ورحمة الله وبركاته


أهلاً وسهلاً بكم أعضاء وزوار منتدي عرب هاردوير




أنا آسف لو هاطول عليكم لكن محتاج مساعدتكم

عاوز أكسر سرعة تردد معالج جهازي

Intel Core 2 Duo E7400 2.8 GHz

أنا سمعت كتير إن في ناس بتكسره لحد ما يبقي تقريباً من 3.5 إلي 3.8 جيجا هيرتز

أنا عاوز أامن طريقة تكسر لي المعالج

أول شئ المعالج معايا من 3 سنين

بس طبعاً هاموت ونفسي أعمل له كسر سرعة

بس خايف جداً أعمله وأتبع أي طريقة من على جوجل تقوم حرقالي المعالج وبكدة ضعت

طلبي من حضراتكم عاوز أحسن طريقة ممكن يتعمل بيها كسر سرعة للمعالج بتاعي

آسف لو طولت عليكم

وشكراً جزيلاً لكم مع إحترامي للجميع

[unexpected]

وعليكم السلام
اخي الكريم اضغط على المعالج ببرنامج prime95 وختار خيار Blend واختبر الجهاز لمدة 15 دقيقة وقم بمراقبة درجات الحرارة ببرنامج HWMonitor ان لا تصل الى 74 وارفع صور لبرنامج HWMonitor وبرنامج primr95 اثناء الضغط.

[bokaboka1993]

من الواضح جداً إني مش هاعرف أعمل كسر سرعة لسببين

السبب الأول : إني عملت كل إللي قولتلي عليه ودرجة الحرارة تعدت ال 74 وبقت 77 درجة مئوية

وبكدة ممكن المعالج يحترق

تاني سبب : أنا مش بعرف أعمل كسر سرعة لكن أعرف إن أي غلطة أو حاجة ماتعملتش ممكت تحرق المعالج

ممكن طريقة مفصلة مبسطة سهلة

وشكراً

[bokaboka1993]

أنا الحمد لله عندي وصلت درجة الحرارة إلي 90 درجة مئوية

أنا منتظر إتلاف المعالج

حد يقولي أعمل إيه ؟

[hobahest]

اخى لكى تكسر السرعه تحتاج لمشتت احترافى وارشحلك المشتت هايبر 212 بلاس اداء قوى مقابل السعر وانتظر راى الخبراء ايضا

[bokaboka1993]

اخى لكى تكسر السرعه تحتاج لمشتت احترافى وارشحلك المشتت هايبر 212 بلاس اداء قوى مقابل السعر وانتظر راى الخبراء ايضا

تمام أخي

جزئية التبريد ديه هي إللي كنت بتكلم فيها

أنا عندي المشتت الأصلي للمعالج بتاعي

بس أنا كان نفسي وكنت هاموت وأعمل أوفر كلوك للمعالج بتاعي

عادي مفيش نصيب ، الحمد لله

وإن شاء الله هاحاول في شراء المشتت دة

طبعاً أنا بشكرك إنك لحقتني قبل ما أحرق البروسيسور بتاعي

وشكراً لكل الأعضاء وزوار منتدي عرب هاردوير مع كامل إحترامي

[hobahest]

الشكر لله يا اخى وربنا يوفئك وتجيب المشتت واول لما تجيبو ان شاء الله نقدر نساعدك ان شاء الله فى كسر سرعة المعالج