اولا العنوان اللى مكتوب على العلب بتاعه اللابات وهو 26 شارع جمال الدين دويدار - الحى التامن ده ضمان شركه IBS لحاجات سونى فقط وليس ACER
المفاجأه ان ضمان ACER فى عنوان تانى خالص وهو 7 شارع محمد سعيد مربع 2 حى السفارات خلف شركه انبى
المفاجأه التى لم اكن اتوقعها......... عندما ذهبت للعنوان الاول فوجئت ان توكيل سونى جميل فعلا وانبهرت .... 100% على النقيض عندما ذهبت للعنوان التانى .... عباره عن شقه دور ارضى ( مفيش اصلا من بره يافطه تقول ان دى شركه IBS)..
دخلت وفوجئت بأنها عباره عن وكر او اقرب الى كونها مخزن .... 2 بنات على كومبيوترات قاعدين وعمال عماله تدخل وتطلع وياريتنى ما كملت .... قولت لو احده منهم عاوز اكلم بس اى مهندس من الصيانه اسأله على حاجه فى اللاب ... وجاء المهندس وياريته ما جه.... ( تخيلى للمهندسين هوا حد نضيف لابس قميص وبنطلون محترم ) .. انا اتعاملت مع شركات كتير للكومبيوتر برضه ... للاسف حسيت انهم جايبنلى واحد خريج فنى بريد يتكلم معايا وناهيك عن لبسه وناهيك عن الاشكال الضاله اللى شفتها هناك جوه التوكيل ..........
دلوقتى بس عرفت ليه الحاجات الACER مش ماشيه فى السوق المصرى
النصيحه .... فكر الف مره قبل ما تشترى حاجه ACER وخصوصا لو لاب توب ( والله اللاب معايا تحفه فنيه ومفهوش اى عيب ) بس .. بلغه السوق هتبقى لبسته ولا كأنه ليه ضمان ( انسى يا عمر ) ولذلك تلاقيهم بيقولولك 3 سنين ضمان ....هههههه ابقى قابلنى فى الضمان....وطبعا انسى لو قطع غيار او كده...وبالتالى اشتريه سنه واحده ضمان
....... تانى حاجه روح للمضمون احسن 2 ليهم ضمان فى مصر HP AND TOSHIBA
هههههههههههه وهيا دى الحياه فى جمهوريه مصر العربيه
المفضلات