نقاش حول منحة الرخصة الدولية للتدريب ITL : اتفضل اسأل أو شارك بالرأي

[M_1ST]

على فكره المنحه دى نصب فى نصب
ومفيش اى علاقه لميكروسوفت بيها وهيه عباره عن شويه مراكز الى عاملينها

[ahmed_atoon]

ITLEGYPT

[afathypc]

تم دمج الموضوع في موضوع تقرير عن المنحة ITL منعا للتكرار

[afathypc]

الى اعرفه ان اى حد علشان يبقى MCT لازم يكون معاه على الاقل شهاده mcts من ميكروسوفت
وبيعمل امتحان فى القريه الذكيه وبياخد معاه شهاده تثبت انه خد تدريب train the trainer :D
وميكرو سوفت مش بتدعم mct خارج الموضوع ده
وكمان فيه رسوم 50 دولار اشتراك كل سنه :D
انا مش مصدق الموضوع بتاع itl ده

حضرتك معلوماتك فعلا صحيحة

ولكني أحب ان أضيف الى معلومات حضرتك

أولا : أن المنحة ستقدم تخفيضات خاصة للامتحانات في هذه المنحة ( حسب قولهم ) ... وبهذا يكون تحقق الشرط الأول .

ثانيا : بالنسبة للشهادة اللي تثبت انه أخد تدريب train the trainer فبعد السؤال عن هذه النقطة اعتقد انها هذه هي الخطوة التي ستوفرها المنحة مجانا للمتدربين وذلك في

المرحلة الثالثة من التدريب . ويا ريت من يريد ان يتأكد يتصل بهم ويسألهم ايضا .

ثالثا : أرحب بأي استفسار عن هذا الموضوع .

[afathypc]

قمت بالتسجيل فى المنحه
وجائنى الموافقه المبدئيه وفاضل انى اروح ادفع 20 جنيه علشان احدد ميعاد الاختبار
انا دلوقتى بدرس MCITP Enterprise والحمدلله انا شغال شبكات حلو بس فاضل الشهادات فعلشان كده باخدها
فبفكر اخد MCPD -

Web Developer 4 اللى نازله من ITL بس مش عارف ايه اللى ممكن اتسأل فى وايه اختبار الذكاء اللى هيحصل
يعنى لو فى معلومات برجاء المساعده

الأمتحان هيكون في أربعة أشياء :

اللغة
والذكاء
وبعض المعلومات الأولية عن مادة التخصص
و مقابلة شخصية

[afathypc]

السلام عليكم يا جماعه انا مقولتش انى اخذت المنحه انا رحت فقط امتحان القبول

حضرتك ممكن أعرف من أي محافظة أنت ؟

ويا ريت بعض معلومات عن امتحان القبول لتعم الفائدة .

[rasim]

حضرتك ممكن أعرف من أي محافظة أنت ؟

ويا ريت بعض معلومات عن امتحان القبول لتعم الفائدة .

السلام عليكم فى القاهرة
رحت الفرع فى مدينه نصر
الامتحانات
عباره عن
1- انجليزى حوالى 40سؤال فى نصف ساعه
2- ذكاء 15 سؤال فى مش فاكر بس برده نفس الوقت او اقل
3- مهارت تدريس 15 سؤال بردوه فى نفس الوقت
4- فى التراك الذى اختارته برده نفس الموضوع 30 سؤال
النتيجه كلها من 1000 يعنى كل امتحان الدرجه من 1000 فى كل امتحان يعنى 4000 فى الكل

5 - المقابله بتكلم معاك انت اخذت قبل ذلك دوره شغال فين فقط .

ارجوا ان اكون افدتكم

[ahmed_atoon]

الأمتحان هيكون في أربعة أشياء :

اللغة
والذكاء
وبعض المعلومات الأولية عن مادة التخصص
و مقابلة شخصية

تسلم ياباشا
بس ممكن توضيح لنوع الاسئله ولا ديه اول مره يبقى فيها اسئله فى منحه وماحدش عارف نوعها
لان الاخ rasim كتب ان هيا انجليزي ومهارات تدريس وذكاء والتراك اللي هتدخله
بس انا عايز اعرف نوعيتها يعنى لو فيه حاجه معينه او نركز عليها
وكمان انا هختار تراك معرفش عنه اي حاجه اساسا

[afathypc]

استاذ احمد اعتقد انك لابد ان تأخذ و لو فكرة بسيطة عن التراك اللي عايز تاخد الدورة فيه

[afathypc]

تم تغيير العنوان ( وذلك بعد اذن العضو rasim صاحب الموضوع )

ليصبح نقاش حول منحة الرخصة الدولية للتدريب ITL : اتفضل اسأل أو شارك بالرأي

وتم وضع اشارة للموضوع في قسم عروض الدورات التدريبية ليتسع النقاش و تبادل الأراء .

[ahmed_atoon]

استاذ احمد اعتقد انك لابد ان تأخذ و لو فكرة بسيطة عن التراك اللي عايز تاخد الدورة فيه

شكرا اخي afathypc
بالفعل انا بشوف دلوقتي معلومات عن التراك
بس ياريت لو فيه نوعيه للاسئله عن التراك والانجليزي والذكاء
اكيد فى حد من الاعضاء اللى معانا هيكون عنده معلومات عن الموضوع ده وايه نوع الاسئله اللى بتتسأل

[boda_style]

طب يا جماعة دلوقتي انا واحد عايز أتدرب في مجال معين إزاي هأكون أعرف عنه حاجات
ما أنا لو عارف عنه حاجة مش هتدرب فيه
وبعدين حكاية ال 1500 جنيه تأمين دول أساسي
لو كدة مروحش الإمتحان أصلا أنا المفروض إمتحاني يوم الإثنين الجاي
وبعدين مش عارف الأسئلة هتبقا إزاي بالضبط خصوصا الإنجليزي
أنا مش قلقان من الذكاء إللي قلقان منه جدا هو الإنجليزي والتخصص
أنا نفسي أخش مجال البرمجة بس حاليا أنا مش عارف فيه أي حاجة
يا ريت نتاكد من موضوع التأمين ده لأنه لو فعلا موجود يبقا أنا كدة باص

[ahmed8620]

وبعدين حكاية ال 1500 جنيه تأمين دول أساسي

هو انت ممكن تكتبلهم شييك مقبول الدفع ......

أنا نفسي أخش مجال البرمجة بس حاليا أنا مش عارف فيه أي حاجة

وانا زيك نفسي ادخل تراك mcitp وانا خريج تجارة .....سألتهم قالولي مفيش مشكله .

[ahmed_atoon]

طب يا جماعة دلوقتي انا واحد عايز أتدرب في مجال معين إزاي هأكون أعرف عنه حاجات
ما أنا لو عارف عنه حاجة مش هتدرب فيه
وبعدين حكاية ال 1500 جنيه تأمين دول أساسي
لو كدة مروحش الإمتحان أصلا أنا المفروض إمتحاني يوم الإثنين الجاي
وبعدين مش عارف الأسئلة هتبقا إزاي بالضبط خصوصا الإنجليزي
أنا مش قلقان من الذكاء إللي قلقان منه جدا هو الإنجليزي والتخصص
أنا نفسي أخش مجال البرمجة بس حاليا أنا مش عارف فيه أي حاجة
يا ريت نتاكد من موضوع التأمين ده لأنه لو فعلا موجود يبقا أنا كدة باص

انا معرفش موضوع 1500جنيه الميل اللى جالي مافيهوش اى حاجه عن المبلغ ده وكمان الموقع مش ذاكر اي فلوس للتأمين...
واخر ميعاد للتقديم عندي علشان احدد ميعاد الامتحان 18/1
والناس الجديده اللي لسه ما سجلتش اخر ميعاد ليهم للتسجيل فى الموقع 21/1
وانا عن نفسي عايز ادخل مجال البرمجه وبرضه ماعنديش خلفيه عنده
علشان كده ارجوا من الاعضاء اللى عنده معلومات فى اسئله التراك والانجليزي والذكاء ذكرها

[thematrix_a]

انا امتحنت واتقبلت بس مش هكمل لاني مش مستريحلهم والموضوع استغلالي شويه