نقاش حول منحة الرخصة الدولية للتدريب ITL : اتفضل اسأل أو شارك بالرأي

[ahmed_atoon]

انا امتحنت واتقبلت بس مش هكمل لاني مش مستريحلهم والموضوع استغلالي شويه

طب قولنا امتحنت فى انه تراك والامتحان كان عباره عن ايه لو فاكر حاجه من الاسئله اذا كانت تراك او انجليزي او ذكاء..

وايه اللى مش مريحك او مش مستريحلهم فى ايه علشان الكل يستفاد؟؟؟؟؟

[afathypc]

انا معرفش موضوع 1500جنيه الميل اللى جالي مافيهوش اى حاجه عن المبلغ ده وكمان الموقع مش ذاكر اي فلوس للتأمين...
واخر ميعاد للتقديم عندي علشان احدد ميعاد الامتحان 18/1
والناس الجديده اللي لسه ما سجلتش اخر ميعاد ليهم للتسجيل فى الموقع 21/1
وانا عن نفسي عايز ادخل مجال البرمجه وبرضه ماعنديش خلفيه عنده
علشان كده ارجوا من الاعضاء اللى عنده معلومات فى اسئله التراك والانجليزي والذكاء ذكرها

يا جماعة موضوع التأمين ده أكيد 100%

انت في الأول بتدفع 20جنيه رسوم ادارية لا تسترد .

ثم تدفع 1500 جنيه كتأمين يسترد في حالة تدريبك لعشرة أفراد بعد انتهاء المنحة في مدة أقل من 6 أشهر بحد أدنى 70 ساعة وتحاسب بأجر على مدة هذا التدريب

وهذه هي شروط استرداد مبلغ التأمين :

1. يجب علي المتدرب أن يلتزم بحضور ( 80 % ) كحد أدني من عدد الساعات التدريبية الخاصة بكل مسار تدريبي في المنحة
2. يجب علي المتدرب اجتياز جميع الامتحانات الخاصة بالمسارات التدريبية بنجاح بنسبة مئوية لا تقل عن ( 70 % )
3. يجب علي المتدرب بعد انتهاءه من المنحة نقل ما تعلمه إلي متدربين آخرين من خلال تدريب مجموعة لا يقل عددها عن عشرة متدربين علي اي دورة تدريبية معتمدة من الشبكة الأهلية للتعليم يتم الإعلان عنها في مراكز التدريب من خلال قائمة الدورات المخفضة المخصصة لنقل التكنولوجيا
4. لا يعتمد التدريب إلا من خلال المنظومة الالكترونية للشبكة الأهلية للتعليم وداخل المراكز المعتمدة منها وأي تدريب يتم خلاف ذلك لا يعتد به
5. يجب علي أن لا تتعدي المدة بين انتهاء التدريب في المنحة وبدء التدريب في المجموعة التدريبية المراد نقل التكنولوجيا لها ستة أشهر ميلادية ولا يعتد بأي دورات تدريبية بعد هذا التاريخ
6. يجب أن يتعدي التقييم للمتدربين في المجموعة التدريبية المراد نقل التكنولوجيا لها نسيه (70%) للمدرب .
7. يتم رد مبلغ التأمين كاملا خلال خمسة عشر من تاريخ المطالبة الرسمية به وبعد انتهاء جميع مراحل المنحة بنجاح وتسليم تقارير الامتحانات وتقارير التقييم

8. يستخرج مبلغ التأمين بشيك بنكي باسم المستفيد ويتم تسليم أصل إيصال التأمين الذي استلمه المتدرب عند استلام الشيك ولا يتم رد الـتأمين في حالة ضياع أو تلف الإيصال .


طريقة دفع مبلغ التأمين :

1-كاش في أحدج المراكز المعتمدة
2-خطاب ضمان بنكي

[nemo7hm]

السلام عليكم
اولا اشكر الجميع على النقاش اللذيذ ده وا تمنى ان تعم الاستفاده للجميع

انا هتكلم على احساسي بالمنحة دى

انا حساس ان الموضوع ده اي كلام يعنى كلام فاضى
ليه بقى للاسباب الاتية
1- الشهادات شهاده حضور فقط و ده تريبا ملهوش لزمة و طب امال الامتحان هيكون على ايه و 70 % بتاعت ايه
2- الموضوع اللى بيقلق الجميع موضوع العشرة اللى هتدربهم اولا انت هتجيب العشرة دول
و كمان هتدربهم و المقابل نسبة من المبلغ اللى هيدفعوه
يعنى العشرة دول هيدفعوا فلوس التدريب .......
و يا ريت لو فيه اى حد عنده معلومة او كلام فيه خطأ يا ريت يقول علشان كلنا نستفاد و اولكم انا

و السلام

[M-Helal]

ياريت تقروا الصفحة دي
https://itlegypt.org/03_faq.htm

- كيف اقوم بتدريب عشرة متدربين أخرين ؟ وهل ادارة المنحة توفر لي هؤلاء العشرة؟

تقوم فكرة المنحة علي فكرة نقل التكنولوجيا من خلالك انت، أي عليك ان تقوم بالتكلم مع اصحابك واقاربك عن ما تدرسه واهميته وتكون مجموعة من عشرة افراد ليتدربوا علي جزء من الذي درسته وسوف تساعدك الشبكة الاهلية للتعليم من خلال المنظومة الالكترونية الخاصة بها وفريق التسويق علي جمع هؤلاء العشرة كما سوف يساعدك ايضا المركز الذي درست فية علي جمع هؤلاء العشرة حيث ان مصلحة الجميع انك تكون قادر علي جمع العشرة وتدريبهم بنجاح حيث ان الجهات المانحة لا تقدم الدعم لنا لا في حالة نجاحك في تدريب عشرة بنجاح ولذلك سوف تجدنا حريصين جدا لانجاحك بكافة الوسائل الممكنة علي أن تقوم بتدريب ناجح لعشرة افراد من داخل نطاق محافظتك.


كما تستعد الشبكة الأهلية للتعليم بحملة اعلانية كبيرة مع بداية شهر مايو 2012 تستخدم تكوين مجموعات تدريبية فى كافة المحافظات من خلال جدول الدورات التدريبية المعتمدة وذلك لتوفير فرصة أكبر لجمع العشر متدربين

[e_amr]

15- كيف اقوم بتدريب عشرة متدربين أخرين ؟ وهل ادارة المنحة توفر لي هؤلاء العشرة؟
تقوم فكرة المنحة علي فكرة نقل التكنولوجيا من خلالك انت، أي عليك ان تقوم بالتكلم مع اصحابك واقاربك عن ما تدرسه واهميته وتكون مجموعة من عشرة افراد ليتدربوا علي جزء من الذي درسته وسوف تساعدك الشبكة الاهلية للتعليم من خلال المنظومة الالكترونية الخاصة بها وفريق التسويق علي جمع هؤلاء العشرة كما سوف يساعدك ايضا المركز الذي درست فية علي جمع هؤلاء العشرة حيث ان مصلحة الجميع انك تكون قادر علي جمع العشرة وتدريبهم بنجاح حيث ان الجهات المانحة لا تقدم الدعم لنا لا في حالة نجاحك في تدريب عشرة بنجاح ولذلك سوف تجدنا حريصين جدا لانجاحك بكافة الوسائل الممكنة علي أن تقوم بتدريب ناجح لعشرة افراد من داخل نطاق محافظتك.

كما تستعد الشبكة الأهلية للتعليم بحملة اعلانية كبيرة مع بداية شهر مايو 2012 تستخدم تكوين مجموعات تدريبية فى كافة المحافظات من خلال جدول الدورات التدريبية المعتمدة وذلك لتوفير فرصة أكبر لجمع العشر متدربين

[رواء الإسلام]

هى بصراحة المنحة حلوه على اساس دراسة منهج ميكروسوفت وتاهيل المتدرب ليصبح مدرب معتمد
هى المشكلة فى المنحة هى مبلغ التامين اولا كبير وليه شروط صعبه جدا لازم انجح فى كل الامتحانات ولازم اجمع 10 افراد ولازم يكون التقييم من ال10 افراد اكثر من 70 فى المئة يعنى يفضل استرجاع مبلغ التامين بعد الانتهاء من الحضور التدريب ما علاقة تجميع 10 افراد بسترجاع مبلغ التامين لو موضوع التجميع سهل كان الواحد اشتغل مسوق بسهولة لمراكز تدريب

[rasim]

تسلم ياباشا
بس ممكن توضيح لنوع الاسئله ولا ديه اول مره يبقى فيها اسئله فى منحه وماحدش عارف نوعها
لان الاخ rasim كتب ان هيا انجليزي ومهارات تدريس وذكاء والتراك اللي هتدخله
بس انا عايز اعرف نوعيتها يعنى لو فيه حاجه معينه او نركز عليها
وكمان انا هختار تراك معرفش عنه اي حاجه اساسا

السلام عليكم
حسب التراك انا كنت واخذ mcitp طبعا معظم الاسئله عن الشبكات
وطبعا ابقى المتحانات عادى

[rasim]

استاذ احمد اعتقد انك لابد ان تأخذ و لو فكرة بسيطة عن التراك اللي عايز تاخد الدورة فيه

السلام عليكم
اعتقد بس هما الاسئله عباره عن الشبكات اكتر

[rasim]

تم تغيير العنوان ( وذلك بعد اذن العضو rasim صاحب الموضوع )

ليصبح نقاش حول منحة الرخصة الدولية للتدريب ITL : اتفضل اسأل أو شارك بالرأي

وتم وضع اشارة للموضوع في قسم عروض الدورات التدريبية ليتسع النقاش و تبادل الأراء .

السلام عليكم ياباشا اعتبر الموضوع بتاعك برحتك انا قلت اعمل الموضوع ده لتبادل الخبرات

[rasim]

شكرا اخي afathypc
بالفعل انا بشوف دلوقتي معلومات عن التراك
بس ياريت لو فيه نوعيه للاسئله عن التراك والانجليزي والذكاء
اكيد فى حد من الاعضاء اللى معانا هيكون عنده معلومات عن الموضوع ده وايه نوع الاسئله اللى بتتسأل

السلام عليكم

الذكاء دور على النت
الانجليزى عادة جرامير وكمان قطعه واختار الكلمه وكمل القطعه
التراك شويه معلومان عن الشبكات انواع التوصيل يعنى

[rasim]

طب يا جماعة دلوقتي انا واحد عايز أتدرب في مجال معين إزاي هأكون أعرف عنه حاجات
ما أنا لو عارف عنه حاجة مش هتدرب فيه
وبعدين حكاية ال 1500 جنيه تأمين دول أساسي
لو كدة مروحش الإمتحان أصلا أنا المفروض إمتحاني يوم الإثنين الجاي
وبعدين مش عارف الأسئلة هتبقا إزاي بالضبط خصوصا الإنجليزي
أنا مش قلقان من الذكاء إللي قلقان منه جدا هو الإنجليزي والتخصص
أنا نفسي أخش مجال البرمجة بس حاليا أنا مش عارف فيه أي حاجة
يا ريت نتاكد من موضوع التأمين ده لأنه لو فعلا موجود يبقا أنا كدة باص

السلام عليكم ايوه التامين اساسى بس بعد النجاح فى الاختبار
فى وحده كانت داخله الاوفيس وقالت للمراقب انا مش عارفه حاجه عن التراك قال لها اكتبى اى حاجه وخلاص
مش عارف
الانجليزى عادى يا اخى الكريم ان شا ءالله انت ممكن تراجع شوية جرامير وربنا يسهل
وكل حاجه بامر ربنا ان شا ءالله

[rasim]

السلام عليكم
واسف على التاخير فى الرد على الاسئله
وعلى فكره انا اعتقد لوحد حابب يذاكر التراك ممكن يذاكر مع نفسة من الفديوهات على النت وى على المنتدجى كمان جميله جدا انا بدأت الحمد لله فى المذاكره كده
لو حد عند مقدرة اولا يدفع الفلوس وكمان يعمل 10 افراد ويدخل المنحه بس يضع فى الاعتبار انا الكورس سيرفر فقط
وبالتوفيق للجميع ان شا ءالله

[eng_aya_adel]

لو سمحت انا عندى ميعاد للامتحان وكنت عايزه اعرف شكل الامتحان والانترفيو عباره عن ايه يعنى اذاكر ايه بالظبط ويعنى ايه ادرب 10 افراد دى مش فاهمه حاجه

[البوشى]

السلام عليكم ورحمة الله وبركاته
أولا :أحي إخواني وأخواتي جميعا مهندسين ومهندسات فنيين وفنيات هاويين وهاويات
ثانيا :وهو واجبي تجاهكم بحكم أننا أخوة وتجمعنا أقلها صلة الإنسانية
أريد أن أنقل إليكم ما انطبع عندي من تلك المنحة وباعتبار أنني أصبحت واحد من ضمن فريق المنحة الذين تم قبولهم ولله الحمد
المنحة...........؟؟؟؟
ما هي إلا منحة تقدمها شركة NEN باتفاق وتعاون من شركة مايكروسوفت وITL
لكن الأهم فى ذلك وهو مارأيته
ما هي مدي أهمية الشهادات التي تعطي من قبل الجهه المانحه
1--شهادة حضور معتمدة من مايكروسوفت
ومن أراد أن يعرف مدي قيمة تلك الشهادة عليها بالنزول لسوق العمل وسؤال المهندسين وهى أقل إجابة مختصرة على ذلك السؤال
2--شهادة خبرة من شركة NEN((شهادة الشبكة الأهلية للتعليم))
وهى هامة جدا فى سوق العمل حيث أنها من ثاني أكبر الشركات فى مصر
3--بطاقة المدرب الدولي
4--خطاب التذكية
5--الرخصة الدولية للتدريب
وتلك هي أهم شهادة بعد شهادة الحضور
6--شهادة الخبرة الموثقة
7--عضوية الشبكة الأهلية للتعليم
تلك كلها امتيازات أود أن تقرؤها جيدا
ثالثا :الإمتحانات
الإمتحانات عبارة عن أربع إمتحانات
IQ-IT-ENG-S.skilse
+Inter view
أقول لكم بإختصار شديد لا يهم فى ذلك إلى المقابلة الشخصية حيث تستعرض مهاراتك على عرض المعلومة فقط لاغير
وهذه هي الإجابة على كل ما يخص الإختبارات
رابعا:المبلغ التأميني وال10أشخاص





تابعوني بإذن الله
لكن وصيتي لكم لا تضيعوا الفرصه حيث أنهم يريدون متدربين كثر

[afathypc]

لو سمحت انا عندى ميعاد للامتحان وكنت عايزه اعرف شكل الامتحان والانترفيو عباره عن ايه يعنى اذاكر ايه بالظبط ويعنى ايه ادرب 10 افراد دى مش فاهمه حاجه

تدريب العشر أفراد شرط أساسي لاسترداد مبلغ التأمين

وده لابد أن يكون في مدة أقل من ست شهور من تاريخ انتهاء المنحة

ومسئولية تجميعهم تقع على عاتق حضرتك في المقام الأول ثم على مركز التدريب و الشركة الراعية