نقاش حول منحة الرخصة الدولية للتدريب ITL : اتفضل اسأل أو شارك بالرأي

[rasim]

السلام عليكم
انا اتصلوا بى وطبعا لم اقبل الحمد لله انا كنت عارف ذلك الحمد لله مش مشكله
بس هم عاملين عرض للذين لم يقبلوا بس طبعا لم اسمعه منهم علشان مش ناوى
والحمد لله

[2infinity]

السلام عليكم ورحمة الله و بركاته

هم القبول في المنحة بناءً علي ايه انا هامتحن بكرة ان شاء الله ارجوا لو حد امتحن يفيديني
بالنسبة لاسئلة الذكاء و الانجليزي انا متعود عليها بس المشكلة في الانترفيو فلو حد يفيدني اية اللي بيتم في الانترفيو.. وشكرا

[e_amr]

السلام عليكم ورحمة الله و بركاته

هم القبول في المنحة بناءً علي ايه انا هامتحن بكرة ان شاء الله ارجوا لو حد امتحن يفيديني
بالنسبة لاسئلة الذكاء و الانجليزي انا متعود عليها بس المشكلة في الانترفيو فلو حد يفيدني اية اللي بيتم في الانترفيو.. وشكرا

بناءا على كلام الاخوة هيقلك على حاجة تكون مجهزها ترشرحها قدامه
ويناءا على كلام الاخوة الى فهمتخ انه مفيش نجاح وسقوط وان دي امتحانات روتينية
وبالتوفيق

[disha1987]

السلام عليكم ورحمه الله وبركاتهملحوظه مهمه جدا قد تكون غائبه عن عدد من الاشخاصاو ممكن اكون انا فاهمها غلط ودا احتمال ضعيف لذلك اللى شاكك فى كلامى ويهمه الامر ممكن يتصل يستفسر عن الموضوع من الشركه

اولا انا اخوكم مصطفى مشروع محامى (محامى تحت التمرين دفعه 2010) ولكنى اهوى هذا المجال ولدى نيه لاستكمال التدريب فيه واحترافه كما هى امنيه اغلب الموجودين ، وانا كل مذاكرتى حاليا من فيديوهات هذا الموقع المحترم وموقع اخر يتبع نفس المسار الرائع الذى يتبعه موقعنا العزيز عرب هارد وير ونفس الفيديوهات اللى هنا موجوده هناك برده ربنا يجزيهم عنا خير وينفعنا بهذا العلم ويجعل فيه فائده لنا ، ونفيد به غيرنا وغيرنا يعلمه لغيره حتى نرتقى بامتنا ان شاء الله لما يحبه ويرضاه.وعذرا على الاطاله لانى اول مره اشارك برائى فى اى منتدى من المنتديات ولكن الملحوظه اللى قلتلكوا عليها هو بند فى العقد والاقرار اللى مفروض انه يمضى عليه المتدرب فى هذه المنحه وهذا البند وهو موجود فى الموقع الخاص بالمنحه وهو

اقرار من المتدرب انه قرأ التعليمات والالتزامات الخاصه بالمنحه وانه ملتزم بها وفى حاله الاخلال بها او عدم تحقيق المستهدف منها يدفع المتدرب مبلغ اربعه الاف جنيه مصرى ودا اللى خلانى اكتب لاول مره فى منتدى من المنتديات لانى واحد من الناس كنت داخلها لمبلغها البسيط ومزاياها المتعدده مع العلم انى اعلم ان هذا المبلغ (4000جنيه)

بالنسبه للمنحه ومميزاتها لايذكر لانه فى اى مركز اخر محترم لاتقل عن 3000 جنيه باى حال من الاحوال.لو كانت على عدم استرداد مبلغ التامين كانت سهله لانه مع كل هذه المزايا والماده العلميه اللى بها تعتبر منحه

ومن ضمن هذه الشروط التى جعلتنى ان اتراجع عن هذه المنحه هو الالتزام بتدريب 10 متدريب واجتيازهم الاختبارات وإلا اصبحت مخلا بالعقد ومن حقهم ان يطالبوم بمبلغ الدوره الاصلى وهو 4000 جنيه مصرى ولا يحق لى المطالبه بمبلغ التامين ودا هين زى ما انا قلت لكن المشكله بالنسبالى فى مبلغ الدوره الاصلى لانى ممكن مع مذاكره الدوره من الفيديوهات الموجوده ممكن اوفرهم للامتحان الاصلى ولا ايه رائيكم يا جماعه الخير.

وعذرا للاطاله لكنى حبيت اشارك ربما يكون حد موجود تعوقه هذه المشكله مثلى ويقع فيهاوياريت اللى يتاكد من ان كلامى غلط يرد عليا ويصحح لى كلامى

:ah46::ah46::ah46:

[disha1987]

السلام عليكم جميعا
معلش على الصداع اللى انا عملتو فوق بس انا كان قصدى الافاده والله
اليوم واحد قالى ان البند دا اتلغى من العقود لانه كان عملهم مشكله برده، لكن هما معملوش تحديث للعقود اللى موجوده فى الموقع الخاص بيهم معرفش ليه!!! مع انهم كاتبين فى الاقرار ان اى تعليمات تصدر من خلال الموقع تعتبر جز لا يتجزا من العقد !!! :ah41:
والمفروض العقود الجديده تكون متعدله وموجوده فى المراكز المعتمده
واللى مضى العقود القديمه اللى موجود فيها ال4000 يغيره من المركز التابع ليه بدل مايلبس
وانا اسف مره تانيه:rolleyes:

[2infinity]

بناءا على كلام الاخوة هيقلك على حاجة تكون مجهزها ترشرحها قدامه
ويناءا على كلام الاخوة الى فهمتخ انه مفيش نجاح وسقوط وان دي امتحانات روتينية
وبالتوفيق

الف شكر للرد
امتحنت النهار ده و كانت درجاتي 440-450-500-540 بس المركز قال ان مفيش انترفيو و هيعملو تصفية بناءً علي الدرجات و اللي درجاته اعلي ها يعمل انترفيو
بس الكلام دا عكس اللي كان بيتقال ان المهم ان يكون عندك مهارة في الشرح و الدرجات مش مهمه .. ايه الموضوع

[Alucky4ever]

بصراحة الموضوع مش داخل دكاغى ..ز ليه ... لان اجيب عشرة منين
و كل واحد هيدفع التأمين برضو
طيب و لو مجبتش يبقى ضاع عليا الفلوس
اكيد دا مينفعش


شكرا

[gohar]

السلام عليكم ورحمة الله وبركاتة
ياجماعة أنا الحمد لله بدأت دراسة كورس mcitp تبع المنحة والموضوع ملاحظ فية الجدية وأدارة المنحة بتسعى الى أنجاح المنحة بكل مجهودها وياجماعة بالله عليكو خدو الموضوع بأهمية وروحوا وإن شاء الله هتستفادوا

[gohar]

السلام عليكم
ياجماعة أنا بدأت دراسة فى المنحة تراك mcitp الموضوع جد وأدارة المنحة مهتمة جدا بالكورس

بالله عليكو روحوا وان شاء الله هتستفيدوا

[2infinity]

مبروك المنحه يا اخ gohar بالنسبة للتأمين حضرتك دفعتو ازاي نقدي و لا خطاب ضمان
انا قبلت بس لسه ما خلصتش الورق .. و مقلق من موضوع التأمين دا و من الشرط الجزائي في العقد 4000ج و ناس كتير عندي بتقول ان الموضوع نصب ايه انطباع حضرتك

[M-Helal]

مبروك المنحه يا اخ gohar بالنسبة للتأمين حضرتك دفعتو ازاي نقدي و لا خطاب ضمان
انا قبلت بس لسه ما خلصتش الورق .. و مقلق من موضوع التأمين دا و من الشرط الجزائي في العقد 4000ج و ناس كتير عندي بتقول ان الموضوع نصب ايه انطباع حضرتك

أنا لما مضيت ع الورق مكانش فيه بند الشرط الجزائي ده
هما بيقولوا على صفحتهم على الفيس بوك ان الشرط ده اتلغى و البيانات على الموقع غير محدثة
انا اتقبلت في المنحة و دفعت المبلغ نقدي بس لسة مبدأناش

[rasim]

السلام عليكم
الف مبروك على للذين تم قبولهم فى المنحه
العشره افراد هم الذين يأتوا بهم مش نحن
حاجه تانى انا الحمد لله بذاكرها مع نفسى والحمد لله شغال تسمع فديو مهندس محمود ومهندس محمد وتقراء الكتاب وتوكل على الله ان شا ءالله تعدى فى الامتحان
اما الشغل ربنا معاك