مشكله توقف إقلاع الجهاز عند صورة اللوجو الخاص باللوحة

[Kasper3x]

السلام عليكم

اشتريت جهاز جديد وعرضته عليكم فى هذا الموضوع

هنا

جهازى القديم برضو البورده هى اللى باظت فيه

عشان كدا جبت المكونات اللى عرضتها فى الموضوع السابق

والأن المشكله التى تواجهنى الأن هى دخول البورده الى الشاشه الرئيسيه والتى هى بهذا الشكل



وفقط

يعنى لا يقوم بالدخول الى الويندوز بعدها إلا بطلوع الروح

يعنى اعمل ريستارت كذا مره

واحيانا اقفل الجهاز وافتحه كذا مره الى ان يدخل الويندوز

الجهاز ما زلت اسدد تمنه لأننى اشتريته بالتقسيط

وهذه المشكله منغصه عليا حياتى

وذلك بسبب ان الجهاز القديم كان بيعمل نفس الحركه احيانا واحيان اخرى كانت البورده لا تظهر لها اى معلومات من اساسه

الى ان توفى الى رحمة الله

يعنى الجهاز القديم فى اواخر ايامه كنت لما اشغله لا تظهر اى معلومات على الشاشه

وزرار الشاشه بدل ان يكون لونه ازرق لكى يدخل الويندوز يكون لونه برتقالى كأن الشاشه تعمل والكيسه لا تعمل

فما السبب وما الحل ؟؟

وجزاكم الله كل خير

[oscartel1111]

طول بالك اخي الكريم كلشي الو حل
جربت تاخد البوردة الى الضمان:confused:
على سبيل التجربة جرب تشغل جهازك على كرت الشاشة المدمج وممكن تجرب تشغل كل رامة على حدا لعل السبب يكون من القطع القديمة بتاع جهازك المرحوم سابقأ:D

[Kasper3x]

مفيش اى حاجه من جهازى القديم موجوده فى الجديد غير الهارد والكيسه فاضيه فقط

[oscartel1111]

هل جربت تفرمت السي وتنزل النظام من جديد ممكن يكون الويندوز ضرب عندك

[unexpected]

وعليكم السلام
اخي الكريم جرب تحديث البيوس الى اخر اصدار واخبرني في النتيجة

[THE HEAVY GAMER]

انا برده كان عندي البورده القديمة بتاعتك بس ماتت موتة بشعة البيوس هيس والحمد لله غيرت الجهاز كله وارتحت ما علينا من اللفات انا شوفت امكانات الجهاز الجديد ماشاء الله قوي
بس في تعليق انتا رامتك 4gb مكتوب 1500mb في cpu-z اذا هناك شيئ مش مظبوط جرب تحش علي البيوس واعمل "load default settings" للبيوس وجرب لو مفتحش شيل كرت الشاشة الخارجي وجرب ولو مفتحش يكون في حاجة في الرامة "المفروض الجهاز يزمر لو في حاجة فيها" ومع افتراض ان السماعة الداخلية مش شغالة جرب تركب رامة حد زميلك نفس النوع ddr3 1333 مع اختلاف الحجم (2gb or 4gb) وتاكد انك مركبها في السلوت الصح وشيل رامتك اذا كان الجهاز بيعدي شاشة البيوس ويقف كده ممكن يكون الهارد اولا : افصل الدي في دي وغير اماكن كبلات الهارد وبعدين اذا فتح ابقا ركب dvd تاني
في حاجة كمان جربها الاول افتح كتاب البورده وشوف اعدادات كرت الشاشة وخليها بالترتيب الاتي : الكرت الخارجي - الكرت الداخلي حسب البورده الجيجابايت بتاعتك " انا عندي اسوس فيها الاوبشن ده" وباذن الله الجهاز هيشتغل ..................... ودا ترتيب الاوليات في الخطوات السابقة لان المشكلة دي قابلتني قبل كده
*الهارد اولا "ممكن تكون مركب البور غلط اذا كان داتا مش ساتا"
*الرامة متحطش غير قطعة واحده متوافقة مع البورده او قطعتان نفس النوع والشركة والسعة والسرعة لتجنب الاخطاء ومينفعش تحط رامة قديمة مع جديدة الجهاز ميشتغلش
*اعمل استعاده للاعدادات الاولية للبيوس
*اعمل ترتيب لكرت الشاشة الخارجي ثم الداخلي في البيوس
*تاكد من بطارية البورده "احتمال نادر" وغير وارد
*نسيت اقولك انتا لازم تركب كبل الشاشة في الكرت الخارجي مش بتاع البوردة وربنا يسهل
دي هيه اجراءات الصيانه الاولية لاي كيسة عطلانة قبل ما تروح الضمان

[is master]

دور فى خيارات البوت هتلاقى خيار اسمو quick boot اعملو enable

وهتلااقى خيار اسمو full screen logog اعملو disable

[mask_of_fear]

اخي الكريم المشكلة لديك 100000% من الهارد

هل قمت بعمليه فورمات للهارد و تنزيل نسخه ويندوز جديدة مع الجهاز الجديد ام بقيت على نفس الويندوز القديم

جرب هارد غير الذي لديك على الجهاز

[Kasper3x]

انا برده كان عندي البورده القديمة بتاعتك بس ماتت موتة بشعة البيوس هيس والحمد لله غيرت الجهاز كله وارتحت ما علينا من اللفات انا شوفت امكانات الجهاز الجديد ماشاء الله قوي
بس في تعليق انتا رامتك 4gb مكتوب 1500mb في cpu-z اذا هناك شيئ مش مظبوط جرب تحش علي البيوس واعمل "load default settings" للبيوس

الرامات عندى 16 جيجا يا أخى

مش 4 جيجا

[Kasper3x]

اخي الكريم المشكلة لديك 100000% من الهارد

هل قمت بعمليه فورمات للهارد و تنزيل نسخه ويندوز جديدة مع الجهاز الجديد ام بقيت على نفس الويندوز القديم

جرب هارد غير الذي لديك على الجهاز

لا يا أخى بالتأكيد على ويندوز جديد

والويندوز مفيش فيه اى مشكله

انا مسطب برامج صيانه ممتازه ولا اشتكى من اى مشكله فى الويندوز نفسه

[Kasper3x]

وعليكم السلام
اخي الكريم جرب تحديث البيوس الى اخر اصدار واخبرني في النتيجة

موضوع تحديث البيوس دا اخاف من عمله جدا جدا جدا

لإن النور بيقطع هنا كتير جدا

ولا أضمن انقطاعه اثناء تحديث البيوس

وأعتقد انه ليس هو المشكله بدليل ان البورده جديده جدا والجهاز شغال من حوالى شهرين واكتر بدون اى مشكله

والعب عليه باتلفيلد 3 ومعظم الألعاب الجديده بدون اى مشاكل تذكر

[firefox_pc]

المشكلة غالبا من الهارد او كابل الداتا او الساتا
بص شيل كابل الهارد وافتح الجهاز لو فتح بسرعه يبقى غير كابل الهارد لو فضلت المشكلة يبقى من الهارد
لو استمرت المشكلة حتى لما فصلت كابل الهارد
يبقى جرب تحط رامة واحدة وجرب وهكذا
شيل كل حاجة وجرب واحدة واحدة

[diablo man]

اخي الكريم مانوع راماتك وترددها لدي نفس الوحة

[Extreme2]

الشباب اقترحو عليك حلول ممتازة ماعدى مسألة الوندوز فهو مستبعد لأن المرحلة التي يحدث فيها التهنيج ليس لها علاقة بالوندوز .
وأضيف بأن تجرب ترتيب وضعية خيارات البوت بحيث تجعل الأولوية للهارد الموجود عليه الوندوز وتخليه رقم 1 , وتلغي full screen logo كما اشار الأخ master .

[aqram]

اخي العزيز في احتمال ان يكون فايروس ضرب البايوس ,ان تقول انك اخذت الهارد من الجهاز القديم والجهاز القديم كانت تحدث به احيانا نفس المشكلة او مشكلة مشابه لها وهي عدم دخول الجهاز الى الوندوز, ممكن ان الهارد القديم كان بة فايروس(للعلم الفايروس لايتنشط مباشرة بيجوز بعد فترة من الوقت) ,صديق لي كان لة تقريبا نفس المشكلة بس جهازة قديم المهم كان الجهاز احيانا يشتغل ولا يوجد بة مشكلة واحيانا اخرى تلاقى الجهاز عند الاقلاع لايقلع ابدا ويقف الجهاز في بداية الاقلاع او يكتب قبل الدخول الى الوندوز ان النظام بة مشكلة ويحتاج فرمتتة كنت اتركة لمدة بدون تشغيل بعد ذالك عندما اقوم بتشغيلة يقلع الجهاز وكانة لايوجد بة اي شيء ,الحل انك تأتي ب مذربورد وهارد اخر وجرب وشوف