رد مع اقتباساخي مشكلتك لسببين
الباور ممكن مش كافي لكن كما ارى ان الباور كافي جدا لكرتك
اما السبب الثاني المشكلة من الكرت نفسة
جمعت الأسبوع الماضي جهاز هذه مواصفاته :CPU : AMD X2 560 3.3 GHZبعد تثبيت الويندوز - 7 / 64 بت - جيت أشغل NFS SHIFT 2 الشاشة جابت خطوط بالطول اسود في رمادي والجهاز عمل ريستارت بعدها جربت حاجات كتير من تغيير الويندوز أو الدريفرات أو اللعبة والخلاصة : مرة يشتغل والتانية يجيب خطوط وألوان ويرستر والتالته يجيب ألوان ويرجع يشتغل عادي .. فكيت الكارت وركبته على جهاز تاني أقوى من جهازي .. برضه حصلت مشاكل فتأكدت أن العيب من الكارت فخدته للبائع فشغله عنده على أكتر من لعبة واشتغل تمام ومفيش أي مشاكل روحت شغلته رجعت نفس المشاكل بقت حتجنن :ah14:العيب مش قادر أمسكه
MB : GIGABYTE GA-78LMT-S2P rev. 3.1
RAM : 4GB KINGSTONE
VGA : AMD HD 6770 GIGABYTE GV-R687SO-1GD
CASE : GAMMA WITH 450 WATT P.S
ولما بقيس الـ SCORE بتاع الجهاز من الويندوز بيجيب ألوان ويرستر عند :RUNNING THE DIRECT3D 10 GEOMETRY ASSESSMENTطبعا مش كل مرة ..
التاجر بيقولي متوسوسش الكروت ديه مبيبقاش فيها عيب وأنا مش قادر أثبت له إن في عيب .. ولا أخد الكيسة وأعد ألعب ساعة لحد ما يظهر العيب طب وإذا مظهرش ماذا أفعل ؟!:ah8:
واحتمال يكون العيب مبيظهرش غير على الريزيليوشنات العالية 1600*900 و 1920*1080 والمحل بيجرب على شاشة 1024*768 حاخد الشاشة كمان مش ممكن ؟! أفيدوني الله يكرمكم
اخي مشكلتك لسببين
الباور ممكن مش كافي لكن كما ارى ان الباور كافي جدا لكرتك
اما السبب الثاني المشكلة من الكرت نفسة
CPU: I7 4770K
Motherboard: ASUS Z87-DELUXE
video card: Gigabyte GTX 780 OC
RAM: G.Skill 2x4GB DDR3
Samsung 840 Pro Series 2.5'' 128GB SSD SATA III
Cooling: Noctua NH-D14
PSU: Seasonic X-Series 850W
unexpected out
طيب ماتجرب تلعب على رزيلوشن زي اللي البائع بيجرب عليه
لو ماظهرتش المشكلة .. يبقى العيب بردو في الكارت وتروح تفهمه كدة
او جرب تزيل التعريف وتجرب تعريف اقدم وشوف
...سبحانك ربي ... لا اله الا انت
ممكن صورة بالموبايل لتوضيح المشكلة وهل الكارت مكسور السرعة مصنعياً ؟
وإذا كنت تريد أثبات مشكلة الكارت للبائع يكفى تشغيل برنامج Furmark لمدة 5 أو 10 دقائق بالكثير وسينكشف أى مشكلة بالكارت لأن هذا البرنامج يقوم بالضغط الشديد على الكارت
التعديل الأخير تم بواسطة Ahmed.Elsayed ; 15-01-2012 الساعة 19:15
الكارت غير مكسور السرعة لا مصنعيا ولا يدويا ..
وبناء على نصيحة الأخ turbo تم تجربة برنامج furmark مرة 5 دقائق على 800*600 و مرة 1920*1080 لربع ساعة كاملة وكانت المفاجأة : لم يحدث أو يظهر أي خطأ باستثناء إن الصورة اسودت ثوان معدودة وكمل عادي :
ديه لقطات من فيديو مسجل :
لحظات قبل الكارثة:
الكارثة :
مش شرط الأحمر ده .. في منه أسود لو عايزين.
ومش شرط يعمل ريستارت أحيانا اللعبة تكمل شوية لحد ما تيجي الضربة القاضية.
اللي مجنني إني جربت الكارت على جهاز تاني فحصلت مشاكل ..
وكمان جربت الجهاز بالفيجا البيلت إن ولم تظهر مشاكل..
التعديل الأخير تم بواسطة nanonona ; 16-01-2012 الساعة 11:36
ممكن تحدد أمتى بتظهر الخطوط ؟
يعنى مثلاً بتحصل مع الألعاب ال DX 10 و 11 ولا بتظهر كمان فى ألعاب ال DX 9، وبتظهر عند تشغيل الأفلام ولا بتظهر فى الألعاب فقط
و أيه أعلى درجة حرارة وصلها الكارت بعد ربع ساعة من تشغيل برنامج Furmark ؟
المشاركة الأصلية كتبت بواسطة terbo
بالنسبة لحرارة الكارت فلم تزد على 55 درجة بعد الاختبار وبعيدا عن الألعاب بدأت تظهر مشاكل خارجها كأن يظهر خط بجانب مؤشر الماوس ويظهر السهم نفسه مكسرا..
المهم :
أنا النهاردة رحت للبائع ومعي الكيسة كاملة وظهرت المشكلة أمامه فقال لي : رامات وجاب رامات من نوع يسمى "باتريوت" وجرب فاشتغل الجهاز قلت له أريد كنجستون فجابها وجرب لمحت لخبطة وخطوط للحظة واختفى ولم تظهر مشاكل روحت البيت بالكينجستون الجديدة المشاكل والريستارت رجع .. فهل أرجع وأخد الرامات "الباتريوت" دي ؟! هل ممكن يكون في عدم توافق بين الكينجستوج وأحد مكونات جهازي ؟!
أقصد الحرارة أثناء الأختبار وليس بعد الأختبار
وكنت أعتقد بأن المشكلة من رامات الكارت نفسه و ليس من رامات الكومبيوتر على العموم أريد منك فك الرام وقرائة البيانات الموجودة على الرام كاملة (موديل الرام - فولت الرام - التواقيت)
وحمل هذا الملف >>> https://download.gigabyte.ru/memory/...-78lmt-s2p.pdf وستجد به قائمة بجميع الرامات المتوافقة مع جهازك
وقم بالدخول على أعدادات البيوس وقم بتعديلها يدوياً لتتطابق مع التواقيت و الفولت المكتوب على الرام
التعديل الأخير تم بواسطة Ahmed.Elsayed ; 18-01-2012 الساعة 02:01
الحمد لله والشكر لله
تم حل المشكلة بتبديل كارت الشاشة بسفاير 7650 أوفر كلوك وانتهت المشكلة
المشكلة كانت غريبة جدا فالكارت لا تظهر به مشاكل إلا عند تشغيل دايركت إكس غير كده بيشتغل تمام
ولما جيت ركبت كارت غيره على الجهاز وحصلت مشاكل كان ده بسبب برنامج الكتاليست "الدرايفر" بتاع الكارت البايظ فعند عمل desable للكتاليست من RUN --> msconfig --> startup
اشتغل الجهاز تمام ولما رجعت الجيجا بايت 6770 رجعت المشاكل فذهبت للمرة الرابعة للبائع فلما شافني كل شوية رايحله بكيسة كاملة وتاكسي ومصاريف تيقن إني مش بهزر وغير لي الكارت وأعطاني فرق سعر كمان .. والصراحة أنا عذرته إنه مكنش مصدقني لأن العيب كان دقيقا ولا يظهر إلا في حالة معينة..
ربنا ما يوريكوا أسبوع زي اللي أنا شفته .. سطبت الويندوز ميت مرة وفكيت وركبت الرامات والكروت ألف مرة لكن الحمد لله انتهى الشقاء بفضل الله..
التعديل الأخير تم بواسطة nanonona ; 20-01-2012 الساعة 03:20
الكارت 7650 كارت جديد و جيل أحدث و أكيد كويس بس مش هيكون أدائه زى 6770 أبداً لو قارنته ممكن تقارنه بكارت 6670 غير مكسور السرعة فى أحسن الأحوال
فأنت كدة رجعت كرت عالى بكارت أقل منه فأكيد هيديك فرق سعر، فخدت منه فرق كام سعر ؟
اعتقد انه يقصد كرت الشاشة 6750 hd لان باقى كروت الفئة السابعة لسة منزلتش
عندك حق أنا بعد لما سمعته بيقول كارت 7650 قولت أكيد كل كروت الفئة السابعة نزلت وبعد لما سئلت ملقيتش غير كارت 7950 :D
التعديل الأخير تم بواسطة Ahmed.Elsayed ; 23-01-2012 الساعة 00:48
بالفعل انا اقصد 6750 النسخة فايبر اكس المعمول لها اوفر كلوك
يا ترى الكروت اللي معمولها اوفر كلوك مصنعيا بتعيش زي الكروت العادية ولا لأ؟
مفيش حاجة مضمونة فى الزمن ده، لكن الكروت المكسورة السرعة مصنعياً بتقبل كسر سرعة أعلى من الكروت العادية،
وأحياناُ بتظهر فيها مشاكل بسبب كسر السرعة المصنعى لأنهم ما بيجربوهاش بعد الكسر وبتفشل مع الضغط فجرب أضغط على الكارت ببرنامج furmark لمدة ربع ساعة ولو عدى الربع ساعة يبقى براءة،
ولو ظهر أى خطوط أو أى مشاكل هتحتاج ترفع فولتية الكارت أو هتحتاج ترجع للتردد الأفتراضى ولكن إنشاء الله خير.
ضوابط المشاركة
المفضلات