السلام عليكم
ازيكم يا شباب
انا من شهر تقريبا اشتريت لابتوب جديد
مواصفاته
Acer Aspire 5755G
Processor Core i5 2nd Generation 2430M 2.4Ghz with turbo boost to 3.0Ghz
Ram 6Gb
Hdd 640Gb
GPU : Nvidia GeForce GT540M 1GB With turbo Cache to 3765MB
طبعا المواصفات كويسه والحمدلله وانا على فكره عايش في سلطنه عمان مش في مصر
بس اللابتوب بعد اسبوع من شرائه للاسف اضطريت لاني اوديه للصيانه ليه لاني مثلا وانا فاتح اليوتيوب والفيس بوك مع بعض وافتح اي حاجه تانيه الاقيه عمل sudden shutdown
واحيانا وانا بتفرج على فيلم او مش بعمل حاجه عليه وسايبه الاقي الشاشه قلبت خطوط بيضه وسوداء والكمبيوتر وقف ولازم اطفيه واشغله علشان يرجع زي ما كان
سالت ناس قولولي اعمل ابديت للبيوس طبعا انا عملت ابديت للبيوس واستنيت ساعتين ومعملش اي حاجه وقف اضطريت اني اقفل الكمبيوتر بعد ما فتحت برنامج تحديث البيوس وطبعا المذربورد كل سنه وانتم طيبين اتحرقت . طبعا روحنا وحكينا للضمان اللي حصل قالولنا المشكله ف المذربورد من قبل ما تعملو ابديت للبيوس وراحوا بعتوا للشركه في الامارات علشان يشوفو حيعملو ايه في النهايه قررو انهم مش حيغيروا اللابتوب ولا حيدونا واحد جديد وقالو حنغير المذربورد وحنجيب واحده جديد وللاسف احنا سكتنا وقولنا ماشي
اللابتوب بقاله اسبوعين من ساعت ما تم تغيير المذربورد شغلا زي الساعه شغلت عليه باتل فيلد 3 ولعب كتير وبشغله فوق ال11 ساعه من 9 الصبح لغايه 2 الفجر.
بس احيانا وانا بلعب باتل فيلد 3 بتوصل درجه الحراره ل77 درجه سيليزيه وبسمع صوت المروحه وكان فيه زنه كده ولما اقفل اللعبه صوت الزنه بيروح. فهل ده عادي انا خايف لتكون المذربورد هي السبب .. فهل صوت المروحه العالي عادي وهو مش بيخرج حراره عاليه اوي الا لما بتوصل ل77 درجه سيليزيه بتطلع حراره منه جامده شويه. فهل ده عادي وانا بلعب اللعبه على الهاي .
ياريت تفيدوني
وكمان بشغل بعض انواع الالعاب اللي مش محتاجه جرافيك عالي وبتوصل درجه الحراره ل70 درجه سيليزيه
المفضلات