ايه الصحرا ده ... ايه يا جماعة هو السؤال حقير لدرجة ده ولا ايه
بسم الله الرحمن الرحيم
ده نوع الهارد
انا الجهاز جايبه جدي من كام شهر ... كان جاي من شركة الكومبيوتر متجمع جاهز و الهارد متفرمت و متحمل عليه كمان
بس كانو مقسمينه تقسيمة ما عجبتنيش الهارد 500 جيجا كانو عاملين البارتيشن c بتاع نظام التشغيل 20 جيجا بس
و ثلاثة بارتيشينات كل واحد 149
انا فرمته و لغيت كل البارتيشنات
وليا كام استفسار كده بخصوص اعادة التقسيم و الفرمتة .... انا عايز اعمل كل حاجة زي ما الكتاب بيقول عشان يديني افضل اداء
1- هل فيه طريقة معينة مفضلة للتقسيم او برنامج .... ولو هفرمت بستخدام اسطوانة النسخة استخدم 7 ولا xp افضل
انا حاليا عامل بارتيشن واحد و منزل عليه 7
2- انا كل عايز اعرف افضل تقسيمة هل اعمل بارتيشنات حجمها صغير افضل للاداء و لا عدد البارتيشنات الكتير غلط
3- هما كانو مقسمينه 4 بارتشنات كلهم بريماري تقريبا ...... فهل البارتيشن الممتد او ما يحتويه من لوجيكال بارتيشن بمعنى اصح هل اللوجيكال اقل من ناحية الاداء
يا ريت اصحاب الخبرة و هم ما شاء الله ما اكثرهم في المنتدى يساعدونا في الاستفسارات ده
و شكرا لكل المساهمين مقدما
التعديل الأخير تم بواسطة ahmedd ; 16-01-2012 الساعة 23:59
ايه الصحرا ده ... ايه يا جماعة هو السؤال حقير لدرجة ده ولا ايه
الله اعلم
ان شاء الله الاخبراء يفيدوك
1- لا توجد طريقة معينة، استخدم ويندوز 7 أو أي برنامج حديث للتقسيم.
2- قسم القرص كما تشاء، ولكن قسم الويندوز اترك له مساحة كافية 50 جيجابايت أو أكثر.
3- لا، الأقسام المنطقية ليست أقل أداءً من الأقسام الأولية.
وعذراً على التأخر في الرد
شكرا جزيلا على الرد يا استاذ طارق على الرد
السلام عليكم ورحمة الله
أفضل البرامج للتقسيم EASEUS partition master
والبرنامج الرائع Mini Tool partition wizard , وده رابط لتحميل النسخه المجانيه https://www.partitionwizard.com/download.html حمل الHome edition المجانيه
يوجد بهذا الرابط لنك لتحميل الBootable CD image وده رائع لو حبيت تقسم من الDOS
افضل وضع للتقسيم , 60 جيجا بارتشن C وتجعله خاص بالويندوز ولا تسطب عليه اى برامج اخرى وتجعل تسطيب كافة البرامج على فولدر (Program Files(x86 على بارتشن D
(عندى الC مساحته 52 جيجا بالرغم من إتى حريص على تسطيب كل البرامج على الD) وده طبعا حسب كمية البرامج اللى هتسطبها
ثانيا بارتشن D مساحته 140 جيجا وخاص بالبرامج والالعاب وممكن تقلل المساحه دى حسب كمية البرامج بتاعتك (خللى بالك لو ليك فى الالعاب لانها بتاكل مساحه كبيره ممكن تعدى ال 10 جيجا للعبه الواحده)
ثالثا بارتشن E مساحته باقى الهارد
اعمل حسابك وانت بتقسم انك تزود 2.5% من المساحه المطلوبه على الاجمالى (بيستهلكها النظام) يعنى لو عايز بارتشن يكون مساحته 100جيجا مثلا يبقى وانت بتقسم تخلى مساحته 102.5جيجا , هتلاقيه بعد التنفيذ 100جيجا بالضبط
الC بيكون Primary والباقى logical فى الextended
فى حالة حضرتك حاليا هتخلى كل حاجه زى ما هيا وتبدأ باستخدام ال mini tool فى resize الC ويعدين تعملcreate للباقى حسب التقسيمه السابقه , الموضوع إن شاء الله يستغرق 5دقائق من داخل الويندوز
طولت عليك , بالتوفيق
التعديل الأخير تم بواسطة bdr33733 ; 18-01-2012 الساعة 00:49
اللهُمَ صَلِى عَلى نَبِينَا مُحَمَدٍ صَلَاةً تُرْضِيكَ وَ تُرْضِيه وَ تَرْضَى بِهَا عَنا
اللهُمَ صَلِى عَلى نَبِينَا مُحمدٍ و عَلى آلهِ وَ صَحْبِهِ و سَلِمْ تَسْلِيمًا كَثيرا
https://uploadingit.com/file/dxokjqg...l sig dark.jpg
شكرا جزيلا على الرد والاهتمام
بس يا ريت توضيح اكتر لأن بصراحة الطريقة اللي بتقول عليها ده غريبة جدا او مرة اسمعها .... ايه الميزة في اني انقل البرامج من ال c لل d اذا كان هي ليها بارتشين خاص بيها لوحدها في ال سي ليه ازحمها مع ملفات تانية في ال d
مفهوم طبعا ان 60 جيجا رقم معقول و ممتاز لل c لكن اذا كانت البرامج اصلا مش هتبقى في ال c .... مش كده يبقى كتير على ال c .. ده كده فيه حوالي اكتر من 40 جيجا للشيطان الرجيم :Dمش هستفاد بيهم خالص
حاجة اخيرة : هو البارتيشن E لما يبقى مساحته باقى الهارد هيبقى تقريبا اكبر من 250 جيجا ... مش كده كبير قوي و هل ده ميزة ولا عيب
التعديل الأخير تم بواسطة ahmedd ; 22-01-2012 الساعة 21:01
سؤال اخير معلش ... انا حاليا منزل 7 شغال بيه مؤقت بس مش عاجبني و مش مستريح معاه خصوصا ان كارت الشاشة بتاعي مدمج و الاداء مش قد كده مع ال 7
فقررت انزل xp بس قبل ما انزل ال xp عايز اقسم و افرمت الهارد ... فيه بارتيشن انشأه ويندوز 7 من نفسه مساحته 100 ميجا و اسمه system reserved امسحه ازاي لان ده تقريبا مش هيبقى ليه لازمة مع ال xp
يا باشا مش غريبه ولا حاجه , طريقه معروفه لتسريع اداء الويندوز وهى الحفاظ على بارتشن الsystem (عادة بارتشن c) اصغر ما يكون والطريقه مذكوره على عدد من المواقع الاجنبيه (لا اذكر تحديدا لانى قرأتها من فتره طويله ومنتظم عليها من وقتها)
مبدئيا يجب ان تعلم ان اى برنامج بتسطبه على اى بارتشن لازم يسيب جزء منه على بارتشن الsystem اللى هو C وبالتالى بيتضخم حجم الC مع الوقت حتى لو محافظ على تسطيب البرامج على الD
حجم بارتشن C عندى 52 جيجا بالرغم من حفاظى على تسطيب البرامج على الD وده باستخدام ويندوز 7
لو هتستخدم ويندوز XP يبقى ممكن تخلى الC حجمه 40جيجا كافى ان شاء الله
وتخلى تسطيب البرامج على الD علشان تحافظ على الC أصغر ما يكون زى ما قلنا (جيم مثل باتلفيلد 3 بتشغل لوحدها حوالى 16 جيجا)
اخيرا بالنسبه لبارتشن E , الموضوع تفضله شخصيه , انا جربت تقسيم الهارد ل3 اجزاء ووجدته عملى جدا لانك بتستفيد من كامل المساحات الخاليه على الهارد بدلا من تقسيمها (المساحه الفاضيه) على اكثر من مكان
وطبعا الموضوع كله حسب تفضيلات شخصيه مش اكتر
معذرة اتأخرت فى الرد لظروف السفر .
اللهُمَ صَلِى عَلى نَبِينَا مُحَمَدٍ صَلَاةً تُرْضِيكَ وَ تُرْضِيه وَ تَرْضَى بِهَا عَنا
اللهُمَ صَلِى عَلى نَبِينَا مُحمدٍ و عَلى آلهِ وَ صَحْبِهِ و سَلِمْ تَسْلِيمًا كَثيرا
https://uploadingit.com/file/dxokjqg...l sig dark.jpg
التعديل الأخير تم بواسطة ahmedd ; 24-01-2012 الساعة 06:42
المفضلات