اشتريت تانى الـ Samsung SyncMaster T23A350 يانا يا سامسونج :)

**look344** · 19-01-2012, 14:38

الحمد لله اشتريت تانى الموديل الـ
Samsung SyncMaster T23A350

صراحة انا شوفت شاشة غيرها 3d بس وجدت مثلا السامسونج مختلفة واحلى كمان من الشاشة الثرى دى فى الاتى :

1 - الشاشة بها سماعات SRS مدمجة
2 - الشاشة السامسونج تعتبر سولوشن محترم لجميع تطبيقات المالتى ميديا
3 - الالوان تقدر تخليها مثل الـ lcd تقريا باختيارك الالوان cool فقط ( اعدادات شاشة )
4 - الشاشة الثرى دى ممكن اصدع منها
5 - الشاشة السامسونج بها مداخل كمبونت ومدخل audio in ومدخلين HDMI ومدخل pc القديم ومخرج اوديو اوبتكال ومدخل usb - يعنى تشغل رسيفر - موبايل - بلاى ستيشن - اكس بوكس - واى - كاميرة ديجتال - كاميرة فيديو - فلاشة
تعتبر حل مثالى

انا كنت اشتريت الموديل ده لانه قابلتنى مشاكل مع مدخل الكمبونت ولكن اشترتها تانى من محل محترم فى سوق العصر فى الخليفة المامون - هاى اند
وجربتها هناك والناس هناك محترمين جدا ومدخل الـ AV اشتغل تمام والكمبونت تمام وناس 10/10 اعتقد ان حظى مع الشاشة الاولى انى اخذت الشاشة الى هيا واحد فالمليون الى فيها ارور

الشاشة الوانها روعة وفوق الروعة لو بتلعب جيمز مثلا بالديناميك كلر

ودا الى خلانى اجيب الشاشة تانى
فيها خاصية عجبيتنى جدا جدا اسمها auto contrast الخاصية دى بتعمل تباين وظبط لاى شىء معروض عليها

طبعا هتبان جدا لما تكون بتلعب جيمز وتدخل فى منطقة فيها ظلال مثلا هتقدر تشعر انك فى منطقة مظلمة ولكن درجات الاضاءة بها مختلفة
فيها مؤثرات صوتية سروند على الافلام والاغانى وغيره
بتشغل من الفلاشة امتدادات mp4 و fla مثلا مباشرة وبتشغل افلام الـ DVIX من الفلاشة مباشرة وافضل صورة هى 1080p لو انت بتنزل مثلا من اليوتيوب او 0.arenabg

من ضمن الحاجات الى قابتلنى مثلا ان لو انت موصل كابل الاوديو بتاعها على خرج الصوت عندك وموصل كابل hdmi الصوت مش هيشتغل من خرج الفيديو - ليه ؟ لانك لازم توصل كابل DVI وبعد كدا الصوت هيشتغل عادى
لان الشاشة فاهمة ان حضرتك مشغل HDMI ومنتظرة اشارة الصوت مع الصورة لعرضها

بجد شاشة ذكية