انا عايز اجيب شاشة للكمبيوتر تكون ال سي دي او ال اي دي ، الاسعار عالية اوي
ففكرت اشوف المستعمل وعايز اقارن بقي بين الاستيراد والجديد الي في السوق
استغربت الشاشة الجديدة بتبقي اغلي من المستعملة بفرق بسيط
، يعني الديل 17 استيراد ب 450 ، وال 19 ب 600 ، طب ازاي الاستيراد مستعملة و كمان موديل قديم تمنه اقل من الجديدة بالسلوفانة بميت جنيه او متين لو هجيب سامسونج جديدة مثلا ال سي دي ، هل دا عشان المستوردة افضل في الجودة ، ولا عشان التاجر حرامي قصدي اقول هل يعني السبب الاستيراد تمنه مش رخيص عشان بيبقي ماركات جمدا ديل واتش بي مثلا
ولا عشان بيبقي اصلي ومش صيني زي الجديد (انا معرفش مصنوعين فين المستوردين)
ولا هيا اصلا بتبقي مستوردة ب 300 جنيه والراجل بيغلي 150 جنيه ، مش عارف ، بس الي اعرفه ان حاجة استيراد تبقي رخيصة مش اقل من الجديدة بفارق بسيط ، يعني الكيببورد الاتش بي والدل المستورد ب 15 جنيه
وياريت لو حد عنده خبرة في اسعار الشاشات المستوردة يقولي موديل ايه وبكام ومنين عشان محدش يشتغلني
وسؤال بقي تاني ، هل الشاشة القديمة ممكن تبقي افضل من الجديدة ؟؟ بمعني انها ممكن تبقي قديمة وموديل قديم بس تبقي زي ما بيقولو حجات زمان احسن (زي لما تيجي تجيب برنتر يقلك كل الجديد صيني صيني والقديم هوا الاصيل) ولا ديما الجديدة احسن عشان التكنولوجيا حتي لو ماركة تعبانة ايسر ا مثلا والقديمة ماركة ديل او اي بي ام ............................... وشكراااااااااااااااا
ضوابط المشاركة
المفضلات