يا جماعه انا في حيره ومحتاج حد ينصحني

**mohammedshaalan** · 24-01-2012, 21:50

اولا بأشكر القائيمين والمشاركين في المنتدى العلمي الجميل ده
ثانيا ندخل في الموضوع منعا للإطاله
انا CCNP وعايز ابدأ في حاجه جديده بس مش عارف ابدأ وعندي اختيارات

اولا أبدأ في CCDA بعدين أمتحن ARTC عشان اكون CCDP وبكده هيكون معايا (CCNA, CCDA, CCNP & CCDP)
ثانيا أبدأ اخد CCIP طبعا انا معايا BSCI يعني أخد QOS وبعدين MPLS & BGB ويكون معايا (CCNA, CCNP & CCIP)
ثالثا اسيب ده كله وأبدأ في الكبيييييير CCIE يعني أبدا في written وبعدين يحلها حلال في LAB لان انتم عارفين انه مكلف جدا وهيحتاج مصاريف كتير عشان اخد bootcamp

ياريت الشباب يشاركوا معايا رأيهم ونصايحهم
(وامركم شورى بينكم)

**mohammedshaalan** · 25-01-2012, 13:22

يا جماعه هل من ناصح؟؟؟
هل من مجيب؟؟؟؟؟

**محمد19900** · 26-01-2012, 18:45

اعتقد انى شايف ان اختيارك لل certificates و ال exams يبقى مبنى على طبيعة شغلك فمثلا لو شغال و شغلك متعلق بال design يبقة تكمل CCDA & CCDP
و لو شغلك له علاقة اكثر بال routing&switching يبقى CCIP و من ثم بغدها بال CCIE

ولو انت لسه مشتعلتش او شعلك محدود فى concepts معينة اعتقد انك يبقى تختار اللى انت حابه وشايف نفسك فيه واللى حاسس انك لو كملت فيه هتبقى مبدع فيه وهتبقى متميز عن غيرك وهتفرق عنه فيه و حاول لو مش شايف انك قادر تحدد اوى حاول تستخدم سياسة الاستبعاد ملا مش بحب ال voice وبحب ال design او ال securit

واللى تحس انك حابب تتوعل فيه ابدا فى ال track بتاعه من CISCO وبعد كدا خد نفس الطريق منه من brand تانية مثلا JUNIPER او AVAYA لو فى ال VOIP

نصيحة على قدى وانا لسه فى الجيش ومحتكتش بسوق العمل لعلها تنفعك و ارجو من الاخوة الا يبخلوا بالرد ...

**mohammedshaalan** · 26-01-2012, 21:09

الف شكر ليك ولردك عليا بكلامك الجميل
هو انا شغال مهندس شبكات بس الاحتكاك بالشبكات مش كبير لاني شغال شبكات وسيرفرات وانا بالنسبه للشبكات مسئول عن سويتشات سيسكو بس في الشركة وبحاول اغير شغلي واشوف حاجه متخصصه في الشبكات ومش لاقي ولا عارف اخرج من مكاني وحاولت اضغط على نفسي عشان اخد مايكروسوفت بس مقدرتش لاني بصراحه بكره مجال السستم عشان كده بحاول اخد شهادات تاني عشان اقدر الاقي شغل في حته تاني ده غير اني حابب جدا مجال سيسكو

ياريت باقي الشباب يرد عليا
يا جماعه انا بأدفع خمسه جنيه في النصيحه الواحده

**mohammedshaalan** · 28-01-2012, 12:05

ايه يا جماعه مفيش حد عنده رأي تاني

**abdo_20_9** · 29-01-2012, 19:33

بعد السلام عليكم
والله يا اخي انا مثلك تمام معايا CCNP ولكن انا عملت انترفيو في شركة ISP فوجدت انهم في اسئلنهم بيركزوا على ال BGP & MPLS
فوجدت اني لابد ان ادرس CCIP وكمان مطلوبه في شركات الموبيل ودي نصيحتي لك لو عايز تشتغل في هذه المجالات والله اعلى واعلم وبالتوفيق دائما
والسلام عليكم ورحمة الله وبركاته

**mohammedshaalan** · 30-01-2012, 09:30

الف شكرا لردك ونصيحتك الغاليه واتمنى من باقي الشباب يردوا حتى لو مش معاهم الشهادات دي بس اكيد شافوا امثله كتير

**e_amr** · 05-02-2012, 08:20

بما انك ناوى تشتغل سيسكو وفي مصر
اختار ccip or voice

**mohammedshaalan** · 05-02-2012, 19:43

والله يا عمرو رأي سديد
واتمنى من باقي الشباب يشاركونا برضو

**diligent1** · 06-02-2012, 21:53

بسم الله ,,

والله يا اخى انا اضع حيرتى على حيرتك و لكن فى اتجاه اخر انا محتار من انى اكمل فى مجال ال voip او ال security و الله بقالى فتره كبيره موش قادر اقرر لانى موش قادر اصنف بالنسبه للى احبه و محبوش معنديش النقطه دى . ,, لكن بصنف على ان VOIP هو مثلا المطلوب خلال الفترات القادمه لكن برده ال security مطلوبين لانهم مميزين لكن نيجة و نقول ان اللى يشتغل security موش ينفع يقتصر على brand واحد اللى هو cisco لان علم security واسع والله ما عااارف !!

لكن بالنسبه ليك اعتقد ان رأى الاخ abdo هو الراجح ليك انك تاخد ال CCIP

اتمنى برده من الشباب لو ليهم راى فى حالتى الصعبه دى برده