جهاز لا يقبل رمات و كارت شاشه مساعده لحل هذه المشكله ؟

**bebo_007** · 26-01-2012, 23:49

السلام عليكم اخوانى الكرام

عندى جهاز مواصفاته كالاتى :

بروسيسور : AMD Sempron 64 3000
ماذر بورد : K8M800-M2 , V2.0
رامات : عندى رامه مكتوب عليها : 256MB PC3200 DDR 8c

قطع اخرى : صديق لى اعطانى قطع غيار من جهازه القديم عباره عن رامات و كارتين شاشه و مواصفاتهم كالاتى :

الرمات

1- 256MB PC2700 DDR
2- kingston KVR400X64C3A/256

كارت شاشه :

1- ATI RADEON RV100 DDR
2- GF FX5200 128MB DDR

المشكله انى عاوز اركب كارت شاشه من دول و كل ما اركب كارت الجهاز يعمل صوت زى و سعات ميفتحش و يطلع رساله و نفس الكلام لما اركب رامه برضو يعمل صوت و ميشتغلش , مش عارف هل اذا حدثت البايوس يقبل ولا المشكله انه مفيش توافق بين الرامات و الماذر و كارت الشاشه
ياريت تساعدونى احل المشكله دى

**Ahmed.Elsayed** · 27-01-2012, 01:08

المازربورد بها منفذ Agp 8x و تقبل رامات DDR-400 فستقبل القطع كلها التى قمت بذكرها فيوجد أحتمالين :

الأحتمال الأول : أن المازربورد تحتاج إلى تحديث للبيوس.

الأحتمال الثانى : أن القطع التى أخذتها من صاحبك كلها معطوبة.

ولأستبعاد الأحتمال الأول حمل اَخر تحديث للمازربورد من هذا الرابط >>> https://eudownload.ecs.com.tw/dlfile...m2/m2v221a.zip

وهذا رابط لتحميل كتاب pdf يشرح طريقة شحن البيوس للمازربورد التى تستخدمها >>> https://www.mediafire.com/?v99c5vbw231h7v2

**bebo_007** · 27-01-2012, 01:26

هل علشان انا احدث بايوس لازم اعمل الطريقيه بتاعت الفلوبى دسك ( انا معملتش تحديث للبيوس قبل كده ) مفيش طريقه اسهل ؟

**bebo_007** · 27-01-2012, 02:46

بشا انا تصفحت صفحة الماذر و طريقة تحديث البيوس ولقيت طريقة تانى ( WINFLASH ) و نزلتها و فهمت الطريقة بس فى اختيارات على الجنب و هم كالاتى :
1- bootblook
2- PnP Area
3- DMI Area
4- Clear CMOS
انت اذا نزلت ال pdf هتشوف الطريقه و يبقى فى توضيح اكثر WINFLASH ؟ انا اعلم عليهم كلهم ولا لا

سؤال اخر بعد اذنك انت قولت انى اى كارت من كروت الشاشه ينفع يشتغل بس ممكن اعرف مين الاقوى ؟

**Ahmed.Elsayed** · 27-01-2012, 02:46

يمكنك أستخدام أى فلاشة موجودة عندك وجعلها بوتابل بدلاً من الفلوبى والشرح موجود هنا بالكامل >>> https://www.bjorn3d.com/read.php?cID=1844&pageID=8870

وبعدين أنقل فيها ملف البيوس وبرنامج تحديث البيوس،

وبعدين اضغط على f12 للدخول على قائمة الأقلاع وأضغط على Hard disk وأضغط على أسم الفلاشة علشان يبوت منها،

وبعدين أكتب أسم برنامج التحديث وبعديه أسم ملف البيوس اللى نزلته على الفلاشة وبعدين وافق على التحديث و أستنى لم يخلص،

وبعدين أدخل على أعدادات البيوس ورجعها للأعدادات الأفتراضية وكده خلص الشرح.

**bebo_007** · 27-01-2012, 03:15

انا كده تهت اخر توهان
:D:D:D
بص انا وصلت لحد ما خلصت الشرح الى فوق وو قفت بعد كده اعمل ايه بعد كده

**Ahmed.Elsayed** · 27-01-2012, 03:57

خليك فى الشرح الموجود فى الكتاب متركزش معايا :D

**bebo_007** · 27-01-2012, 04:15

طيب بالنسبة لكروت الشاشه انهى اقوى فيهم انت مرديتش عليا ؟ , انا هبدأ عملية تحديث و على بركة الله

**The Mysterious** · 27-01-2012, 10:25

أخي انتبه الذاكرة التي لديك هي بسرعة 400MHz أمّا التي أعطاها لك صديقك فهي بسرعة 333MHz وبالتالي فالتواقيت مختلفة وقد يكون ذلك سبباً لمشكلتك ولن تعمل اللوحة بهما إن لم يتم ضبط التواقيت والسرعة يدويّاً (يشترط أن تكون اللوحة تدعم ذلك)، هل جربت كل ذاكرة على حده ؟؟، بالنسبة لكرت الشاشة فالـRV100 هو جيل البطاقة وليس الموديل وهذه النواة تتضمّن عائلة Radeon 7000 وبالتالي بطاقة Nvidia هي الأفضل.