روح لمول البستان الموجود فى التحرير وأطلع الدور الثالث هتلاقى فيه محلات مخصوصة لتصليح الابتوب، وأنصحك أحسن أنك تروح للتوكيل نفسه.
عندى 3 لابات محتاجين صيانه .. واحد بيسخن بسرعه وواحد بدوس على البور ينور ثانيه ويفصل وواحد هغيرله الشاشه اتكسرت
اوديهم يتصلحوا فين ؟؟؟
محتااج رائيكوا علشان هنزل بكره او بعد بكره بالكتير .. وشكرا مقدما
روح لمول البستان الموجود فى التحرير وأطلع الدور الثالث هتلاقى فيه محلات مخصوصة لتصليح الابتوب، وأنصحك أحسن أنك تروح للتوكيل نفسه.
محدش هيصلحلك اللاب بسرعة لأن فكه بس وتركيبه بياخد وقت مش زى الكيسة هتفك مسامرين وخلاص، وعلى فكرة الجهاز اللى بيسخن بسرعة محتاج تنظيف بس مفيهوش حاجة، و الجهاز اللى بيفتح ثوانى وبيقفل على طول ممكن يكون بسبب المازربورد ولو محظوظ ممكن يكون بسبب الشاحن أو البطارية فشغل جهازك بدون بطارية عن طريق الشاحن على طول وجرب شاحن تانى.
التعديل الأخير تم بواسطة Ahmed.Elsayed ; 01-02-2012 الساعة 10:54
فى الاول شكرا جدا لرد حضرتك
وبخصوص اللابات
فاللاب اللى بيفصل بعد لما اشغله مباشرة .. فدا كان اتكب عليه ميه او شاى حاجه كدا يعنى وبعد كدا اللاب اتنشف كويس واتحطت البطاريه واشتغل .. ولما شحن البطاريه خلص اللاب بقا ينور اول لما تدوس على البور ويفصل على طول!!
اللاب التانى اللى بيسخن انا فعلا شغلته من غير البطاريه ونفس المشكله .. وفتحته ونظفته باستخدام الـ ALKAI .. ولما ركبته تانى وشغلته لقيت انه بقا بيفصل اسرع كمان !!! بس مجربتش شاحن تانى
انا بكره الصبح هكون فى القاهره .. ياريت حضرتك تقولى اوديهم عند مين او مكان التوكيلات بتاعتهم
وانواع اللابات واحد Compaq والتانى Toshiba
ياريت كمان حضرتك ليه بتفضل التوكيل اكتر من المولات ؟؟
وايه اخبار الاسعار فى التوكيل بالنسبه للمولات !! وقد ايه بيفضل عندهم علشان يتصلح !!
وشكرا مقدما
التعديل الأخير تم بواسطة Ahmed.Elsayed ; 02-02-2012 الساعة 15:31
توكيل توشيبا فى مصر هو توكيل توشيبا العربى ومكانه فى القاهرة هو 10 شارع محمد صبري أبو علم من شارع بيروت - مصر الجديدة ت:\ 2916989 20+ أتصل بيهم الأول وأسئلهم لو فيه فرع أقرب ليك من الفرع ده،
وكومباك تابعة ل HP ودى أرقام وعنواين توكيل HP فى مصر >>> https://www.arabslaptop.net/vb/t46650.html أختار أنسب عنوان ليك أو أتصل بأى رقم من الموجودين وأسئلهم عن أقرب فرع ليك،
ولو عايز تروح على مول البستان بدل ما تروح التوكيل أول ما تنزل محطة رمسيس أركب مترو وأنزل فى التحرير وأخرج من المخرج اللى مكتوب عليه شارع التحرير وبعدين هتلاقى شارع على أيديك اليمين فيه شركات سياحة كتير فى أوله أدخل فيه وبعدين خش فى أول شارع على أيدك الشمال هتلاقى مول لونه بمبى هو ده مول البستان :D وهتلاقى واحد تانى قريب منه أسمه النخيلى أسئل عليه وميت واحد هيدلك.
وأنا بقولك روح التوكيل علشان التوكيل عنده قطع الغيار كلها الخاصة بأجهزتهم وكلها جديدة، غير الناس اللى بتشتغل فيه عارفه عيوب ومشاكل أجهزتهم ويعرفوا يصلحوها أحسن من غيرهم،
والأسعار فى التوكيل أو خارج التوكيل بتكون مولعه نار و الجهاز بتسيبه وبتسئل عليه بالتليفون وهما هيكلموك يقولولك الجهاز فيه أيه قبل ما يصلحوه وهيقلولك تاخده أمتى.
شكــــــــــــــــــــرررااااا .. ربنا يكتر من امثالك فى المنتدى :D:D
تسلم وأبقى قولى على الأخبار لما ترجع بأذن الله من القاهرة.
المفضلات