اخى كلما زاد ريزيلوشن الصورة او الفيديو كانت الصورة افضل حتى لو انت مثلا عندك شاشة 720p فالافلام 1080p هتبقى اوضح من 720p
يعنى لو مش همك المساحة تجيب اعلى دقة
السلام عليكم ورحمة الله وبركاتة
انا محتاج توضيح اكتر عن فديوهات ال HD
القصة من بدايتها :
انا كان عندى شاشة CRT 14 قديمة وكانت اعلى دقة ممكن اوصلها فى الشاشة 800x600 وكانت كل الفديوهات اللى عندى مساحتها صغيرة وكانت دقتها فى حدود 656x272 لاغلب الافلام اللى عندى وكانت الصورة زى الفل .. المهم الشاشة اتحرقت واشتريت شاشة جديدة LCD/LED -samsung syncMaster sa100 بدقة 1366x768 لاحظت ان صورة الافلام القديمة اللى عندى بقى فيها شوية تشويه لما بشغل الفيلم Full Screen .. دورت على النت على حل للمشكلة وقريت عن تقنية ال HD Video ... وعرفت اشهر مساحات للفديوهات دية اللى هما 720p و 1080p وفعلا جربت انى انزل فديو من على اليوتيوب كان 1080p وكانت مساحتة كبيرة جدا بس فعلا نقاء الصورة عالى جدا على ال Full Screen .. قررت بعدها انى انزل كل الافلام والفديوهات من على النت HD ومش هتفرق معاية المساحة .
اللى عرفتة عن ال HD على حسب موقع ويكيبديا الانجليزى ... ان دقة 720 بتساوى 1280x720 وان 1080 بتساوى 1920x1080 .. عرفت ان الرقم 720 او 1080 معناه عرض 720 خط او 1080 خط بعرض الشاشة ..
استنتجت بما ان الشاشة اعلى دقة عرض عمودية هى 768 فلا داعى لانى انزل فديوهات HD 1080 استكفيت ب 720
الغريب انى بشوف سواء فى المنتديات او التورنيت مكتوب على الفيلم HD 720p ولما انزلة واشوف التفاصيل الاقى الدقة العمودية اقل من 720 قد تكون 1280x544 هى بيكون وضوحها عالى ايضا ..لكن هل 544 هو HD ?? ولا انا غلطت فى فهم معنى الفديو ال HD ولا علشان فية فراغ اسود اعلى واسفل الصورة مش بيتحسب من مساحة عرض الفديو الاصلية مثلا ؟؟
وهل فية متوسط مساحة معينة لافلام ال HD فى حدود الساعتين .. لانى فى اوقات بشوف مساحة الفيلم فى موقع معين 2 جيجابدقة 720 وعلى موقع تانى 5 جيجا او اكتر وبتكون برضو دقة 720 .. ما الفرق ؟؟
انا بس محتاج توضيح ومناقشة كاملة عن الموضوع دة لانى مهتم بية جدا .. ,
اخى كلما زاد ريزيلوشن الصورة او الفيديو كانت الصورة افضل حتى لو انت مثلا عندك شاشة 720p فالافلام 1080p هتبقى اوضح من 720p
يعنى لو مش همك المساحة تجيب اعلى دقة
شكرا للمتابعة أ - عبدلله
بالنسبة للمساحة هى فعلا متفرقش .. بس زمن التحميل هو اللى بيفرق معاية
بس انا عايز اعرف هل انا فاهم ال HD صح ولا لا . لان كما ذكرت سابقا الفديوهات بتكون مكتوب عليها HD وبتكون بدقة 544 .. انا بس عايز افهم الموضوع بالكامل
التعديل الأخير تم بواسطة kahled15486 ; 12-02-2012 الساعة 03:23
بتكون الدقة 544 كدة عشان الفيلم عريض جدا لأن الأفلام الـHD دلوقتى بتنزل يا اما 1280x720 و دى نسبة قليلة لكنها بتملى الشاشات الـ16 : 9 زى اللى عند حضرتك زى مثلا الصورة دى من فيلم Sherlock Holmes
أما معظم الأفلام للأسف بتكون أعرض من كدة و أقل طولا بدقة 1280x544 زى الصورة دى من فيلم Sherlock Holmes 2
لكن كلاهما HD وفعلا الـ720p هو الأنسب لشاشتك ... حظ موفق
شكرا modyGX
انا كدة فهمت قصدك
بس صور الافلام اللى بتشرح عليها مش موجودة XD
عامة انا فهمت ومتشكر جدا ياجماعة
استاذ خالد ممكن اعرف تقييم حضرتك للشاشه لانى ناوى اشترى واحده زيها وجزاك الله خيرا
شاشة ممتازة بالنسبة لامكانياتى المادية طبعا . وصورتها ممتازة مقارنة بال LCD العادية .. كانت وقت ما اشترتها بحوالى 640 جنية تقريبا .. مش فاكر بالتحديد . الله اعلم هل سعرها اختلف دلوقتى ولا لا
name : samsung - SyncMaster SA100
Type No. : LS19A100
Colore : high clossy black
size : 18.5 inch - 47cm - wide LED
[1366x768]
Aspect Ratio : 16:9
Response Time: 5ms
Manufactured : Sep 2011
https://www.samsung.com/levant/consu...A100NS/UF-spec
بالنسبة للعيوب اللى انا قابلتها .. هما 2 فقط
ان قاعدة الشاشة ثابتة مش متحركة [مش فارقة معاية ^^]
الضبط التلقائى وفتح وقفل الشاشة من مفتاح واحد فقط .. وكل الضبط الخاص بالاضاءة والالوان واى حاجة تانية عن طريق برنامج بنزلة من موقع سامسونج
وفية معومة اخيرة ان .. الترنس بتاع الشاشة خارجى .. يعنى عامل زى شاحن اللاب توب كدة .. وفى الشركة اللى اشتريت منها قالولى كل شاشات ال LED الترنس خارجى .. يعنى مش جوة الشاشة ولا مع الفيشة
بالتوفيق ...
التعديل الأخير تم بواسطة kahled15486 ; 16-02-2012 الساعة 12:32
برضة لسة متلخبط فى موضوع مساحة الافلام
لية بلاقى فيلم بدقة 720p بمساحة 5 جيجا واشوف نفس الفيلم فى موقع تانى بنفس الدقة 720p بمساحة 900 ميجا
طيب اية الفرق ؟؟؟
بص حضرتك فى افلام بتكون مضغوطه من الصيغه فبيقل الحجم بتاعها عشان كده ممكن تلاقيها 900 ميجا او 2 جيجا حاجه كده يعنى انما المساحات الكبيره دى بتكون نازله من المساحه الاصليه من ملف التورنت المرفوع على المواقع دى لان النسخه الاصليه بتكون حوالى 60 جيجا وصاحبها بيضغطها مره وبيرفعها فبتكون بالحجم الكبير ده اما التانيه مضغوطه كذا مره اتمنى اكون افدتك وشكرا لانك افدتنى
لا طبعا الضغط بياثر فى الكواليتى بتاعه الصوره واكبر دليل ان انت بتشوف الافلام اللى على المواقع اللى زى myegy و arabseed والكلام ده بتبقى مضغوطه كذا مره لحد مبتوصل للحجم القليل ده اما النسخه الاصليه او الكوبى من الصفحه الاصليه فبتكون صورتها عاليه جدا بس يكفيك فيلم بحجم 5 جيجا او 7 جيجا عشان تشوف كواليتى عاليه جدا فى الصوره
وغالبا حمل الحاجات ده تورنت اسهلك ببرنامج u torrent اتمنى اكون افدتك
انا كدة فهمت .. ربنا يسهل كدة ويرخصو سعر الانترنت فى مصر علشان اعرف احمل براحتى XD
اخى ليس فقط الضغط واعتقد ان الضغط ملهوش دعوه بالموضوع ولاكن الفيديو بيكون مكون من صورة وصوت فى نفس الوقت الافلام الى بتب4قى حجمها من 500 ميجا 1.5 جيجا بتكون فعلا مضغوطة وبنفس الرزيلوشن 720 لاكن جودة الصورة اقل وجودة الصوت بتبقى قليلة جدا مثلا هتلاقيها عبارة صوت لقناتين فقط و نوعه mp3 ردى انما الى حجمها من 2.5 جيجا الى 5 جيجا دى بتكون مش مضغوطة وبتكون صورتها جيدة جدا وكمان الصوت فيها بيبقى 5.1 قناة وفى ونوعه ac3 وده نوع جيد الى حد ما انما الافلام الى مساحتها 6 جيجا لما فوق بتكون صورتها ممتازة جدا وجودة الصوت فيها 7.1 قناة ونوع الصوت dts والنوع ده خرافى بس اتقد لازم يكون عندك كرت صوت و صب غللى جدا عشان تشغل الصوت ده باعلى دقة
تمام جدا .. زيادة المعلومات خير
لا اعتقد انى هحتاج جودة صوت اعلى من 2 قناة لانى بستعمل هيدفون مش صب فى الاستماع للافلام
طيب بالمناسبة حد يعرف برنامج اجيب منة تفاصيل الفديو بالتفصيل الممل
زى التفاصيل اللى بشوفها وصف للفديوهات على مواقع التورنيت .. علشان اقدر احدد الفرق فى الفديوهات اللى عندى عملى
المفضلات