ما رأيكم في sonyericsson Xperia Ray

[A Omar]

السلام عليكم ورحمة الله وبركاته

إيه رأيكم يا جماعة في التليفون ده، هل هو اختيار مقبول في ظل توافر أكثر من بديل ، سبب اتجاهي له هو موضوع جودة التصوير في الإضاءة الضعيفة باستخدام سينسور Xmor R، النقطة التانية هي وزنه الخفيف (100 جرام) والسمك الرفيع وبالتالي سهل يتشال في الجيب ودي نقطة مهمة لإني باركب مواصلات كتير، وآخر سبب لتفضيلي له هو ارتفاع مستوى دقة عرض الشاشة 297ppi

يا ترى يستاهل ثمنه ( 2000 جنيه على الأقل)، ولا ترشحوا لي حاجة تانية في نفس الحدود السعرية مثل النيو في والجالاكسي W والموتورولا ديفي بلس

[samehhesham4]

ارتفاع دقة شاشة لان الشاشة صغيرة اصلا و ده هيقرفك جامد و اسأل مجرب تانى حاجة انت ممكن تجيب neo v و تسعتمل برامج تصوير HDR و هى ممتازة فى تصوير الاضائة الضعيفة و اسأل مجرب برده

[A Omar]

شكرا على ردك، لكن أنا شايف الشاشة مش صغيرة جدا بالمقارنة بموبايلات تانية منتشرة زي السامسونج آيس مثلا، لكن للحق فهي أصغر بقدر ملحوظ أوي من النيو في اللي نصحتني بيه، بس يظل الراي متفوق في نقطة الحجم وخفة الوزن، يا ترى الفرق بينهم كبير فعلا؟؟

[A Omar]

من ناحية المواصفات انحصرت الاختيارات بين الأربعة أجهزة دول:
Xperia Ray يتفوق في الكاميرا
Xperia Neo V سعره أقل (2030 في موبايل شوب)
Galaxy W السامسونج بدأ ينتشر
HtC Desire S (يا ترى لسه فيه منه جديد ولا لأ؟؟؟ يتفوق في جودة الخامة وحسن سمعة التوكيل في مصر

إيه ترجيحاتكم يا جماعة؟؟؟

[samehhesham4]

neo V

[المتحدث الرسمى]

HtC Desire S متفوق فى الصوت كمان

[mostafa_mhmoud7]

النيو فى طبعا الجهاز ممتاز طبعا ومواصفاته عالية يكفى حصوله على اخر تحديث للاندرويد 4.0 هذا رأيى الشخصى من واقع تجربة الجهاز اكثر من 4 شهور

[mask_of_fear]

بلنسبة للجهازين فهما سيحصلون على ايس كريم ساندويش


اما بقية المواصغ=فات فهية متطابقة تماما الا الكاميرا و الشاشة النيو في الكاميرا 5 ميغا بكسل و الشاشة 3.7 انش و الراي الكاميرا 8 ميغا و الشاشة 3.3 يعني صغيرة جدا بلنسبة لجهاز اندرويد ولن تستفيد من الالعاب على هاذا الجهاز لان الشاشة ضيقة جدا و لمن يقول دثة الشاشة اعلى قانا اقول له اذا كنت تحمل مجهرا للنظر به الى شاشة الجهاز ستلاحظ الفرق غير ذالك مستحيل ابدا لان الدقتين مرتفعين

[Aboud_Mokh]

انا عندى الـ ray بقالى حوالى 3 شهور

الحقيقة شغال معايا كويس جداً وممتاز .. يمكن لانه اول تجربى لى فى السمارت فون .. بس انا شايف انه هائل جداً

موضوع صغر حجم الشاشة بقى ده اللى الناس بتقول عليه انا بعتبره ميزة بالنسبة لى لأنى مش محتاج جهاز تكون شاشته كبيرة جداً لانه فى النهاية ده موبايل مش كمبيوتر هلعب عليه
كمان اعتقد ليها تأثير فى المحافظة على البطارية الشاشة الكبيرة هتخلص البطارية اسرع اعتقد
طبعا الكاميرا بتاعته ممتازة بس مش عاجبانى فى التصوير بالليل .. مش عارف بقى هل انا بستخدمها غلط ولا ايه لانى بشوف كلام لناس بتقول انه من مميزاته تصويره الجميل بالليل .. فمش عارف هل انزل له برنامج تصوير عشان كده ولا فى حاجة غلط فى الاعدادات عندى .. اما تصويره فى الاضاءة العادية اكتر من ممتاز
من مميزاته تانى شكله الجميل والانيق ورفعه وصغر حجمه زى ما قلت قبل كده بالاضافة امكانيات بروسيسوره العالية
من مميزاته الهائلة برضه دعمه للاندرويد 4 الجديد
العيوب اعتقد الرامات كانت عاوزة تبقى اكتر شوية بس مش هتلاقى حاجة من الموبايلات اللى انت قلت عليها دى راماتها اعلى منه او اى موبايل فى سعره وراماته اعلى منه تقريباً
العيوب برضه ممكن تكون انه بيجى معاه كارت 4 جيجا بس .. بس طبعا دى سهلة وتقدر تغير الكارت وتجيب حاجة أعلى

خلاصة : انا قعدت ادور اكتر من 3 او 4 شهور فى موضوع الموبايلات ده ولقيت ان الـ ray افضل واحد مقارنة بالسعر
انا كنت جايبه من بره جديد بحوالى 1700 جنيه مصرى وكان ساعتها فى مصر بحوالى 2400 فطبعا يعتبر حاجة ممتازة جداً وهائلة موبايل بالامكانيات والسعر ده وضمانه سنتين بس مش فى مصر

[Pincake]

بص يا سيدي هو مافيش حاجة كاملة والكمال لله وحده
عايز تصور في اماكن منخفضة الاضائه ماقدمكش غير 3 انواع بس Xperia pro . neo . arc
اي واحد تاني مش هايبقى كويس بليل عشان شريحة Exmor R sensor وهى شريحة جباره جدا عن تجربة
للاسف الـ Neo V مش موجود فيه الشريحة دي عشان كده في فرق سعر جامد مع ان المواصفات بينهم مافيهاش اختلاف غير في الكاميرا بس
بالنسبه للـ Ray فا منصحكش بيه لان الكاميرا مش جيده في تصوير الفيديو ولاكن جيده في التصوير الثابت بس طبعا مش زي النيو وحجم الشاشه صغير
وماتقولش انا عايز شاشه صغيره لان الشاشه الكبيره ميزة مش عيب وهاتنفعك جامد جدا جدا في الالعاب و الفيديو وحتى التصوير لان Bravia engine مع شاشه كبيره = صورة جباره
من الاخر هات neo او pro مش mini pro خلى بالك

[A Omar]

متشكر جدا لكل الأعضاء الأفاضل على ردودهم، الحمد لله شبه استقريت على النيو في

[mostafa_mhmoud7]

متشكر جدا لكل الأعضاء الأفاضل على ردودهم، الحمد لله شبه استقريت على النيو في

مبروك عليك مقدما ومش هتندم ابدا و شجعنى نعمل موضوع حلو كده عن النيو فى

[Aboud_Mokh]

بص يا سيدي هو مافيش حاجة كاملة والكمال لله وحده
عايز تصور في اماكن منخفضة الاضائه ماقدمكش غير 3 انواع بس Xperia pro . neo . arc
اي واحد تاني مش هايبقى كويس بليل عشان شريحة Exmor R sensor وهى شريحة جباره جدا عن تجربة
للاسف الـ Neo V مش موجود فيه الشريحة دي عشان كده في فرق سعر جامد مع ان المواصفات بينهم مافيهاش اختلاف غير في الكاميرا بس
بالنسبه للـ Ray فا منصحكش بيه لان الكاميرا مش جيده في تصوير الفيديو ولاكن جيده في التصوير الثابت بس طبعا مش زي النيو وحجم الشاشه صغير
وماتقولش انا عايز شاشه صغيره لان الشاشه الكبيره ميزة مش عيب وهاتنفعك جامد جدا جدا في الالعاب و الفيديو وحتى التصوير لان Bravia engine مع شاشه كبيره = صورة جباره
من الاخر هات neo او pro مش mini pro خلى بالك

الـ Neo V أفضل من الـ Ray ؟؟؟؟؟؟؟؟؟؟؟؟؟!!!!!!!!!

ازاى وبأى منطق ؟ وايه النواحى الافضل بالظبط لأنى مش شايف ولا ناحية ؟

للأخ اللى بيسأل اعمل compare بين الاتنين على موقع gsmarena وشوف المواصفات كلها متوافقة زى بعض مع فارق لصالح الـ ray والفرق كمان فى الشاشة النيو اكبر حاجة بسيطة (3.7 مقابل 3.3 للـ ray)


على فكرة انا جربت اصور بيه بالليل وطلع صورة كويسة جداً بس تكون فى حتة مفهاش نور خالص .. الصورة اللى انا اخدتها قبل كده كانت فى حتة خلفيتها من بعيد فيها اضاءة فكانت الصورة مش مظبوطة .. وبرضه الفيديو بتاعه كويس جداً لو عاوز اصور لك بيه مقطع فيديو وارفعه تشوف بنفسك مفيش مشكلة

[Aboud_Mokh]

وممكن كمان تشوف video compare tool على موقع gsmarena وتشوف الفارق

https://www.gsmarena.com/vidcmp.php3?idType=1&idPhone1=3972&idPhone2=4122

[A Omar]

الراي يتميز عن النيو في بما يلي: الكاميرا (أعلى مع ميزة التصوير في إضاءة ضعيفة) والوزن الأخف وحجم أصغر وارتفاع دقة الشاشة، وهي عوامل قد تكون هامة جدا للبعض لكن لما قارنتها باحتياجاتي واستعمالي للتليفون لم تكن مهمة جدا، لكن بصراحة واحدة من النقاط اللي أبعدتني عن الراي لما شوفته على الطبيعة إن واجهة التليفون كلها زجاج بالكامل وبالتالي توقعت إن أي وقعة للتليفون اكيد هتصيب الشاشة بضرر على عكس النيو في اللي شاشته في منتصف الهاتف وبالتالي ممكن تكون الشاشة بعيدة شوية عن الخبطات المباشرة

أما النيو في فمساحة الشاشة أكبر بمقدار 30% وده فرق كبير هيبان أكيد عند تصفح الإنترنت وقراءة الملفات وهو الاستخدام الأساسي عندي


الهاتف التاني اللي بينافس النيو في في اختياري هو الديزاير إس لو عرفت أجيبه من برة مصر بسعر كويس لإن هنا سعره 3000 جنيه (أغلى 1000 جنيه عن النيو في)، فإذا عرفت ألاقيه في السعودية مثلا بسعر مقارب للنيو في في مصر غالبا هاجيبه، مالقتهوش أو لاقيت سعره مشابه لسعره هنا هاجيب النيو في بإذن الله