السلام عليكم ورحمة الله وبركاته..
يارب الكل يكون بخير وبصحة وبأفضل حاااال ان شاء الله..
أمس..
نجت فى امتحان ال BGP من كورس CCIP وخاصة ان الامتحان دا كنت حاسس ان
هوا منحووووس أو ان فى حد عامل له عمل..بجد
بس الحمد لله..
لأن كان بقالى فترة طويلة تقارب ال 5 أو 6 شهور وأنا أقول هذاكر...هذاكر..وكل مرة لا بيكون فى وقت
ودايماً يحصل حاجة تعطل الموضوع..
الحمد لله..
وزى ما اتعودنا..
هيبقى فى موضوع كااامل بخصوص التراك دا..وكل اللى ممكن تعمله عشان تذاكر وتنجح.
بحيث ان لما أى حد يفكر يدخل الامتحان دا..ويشوف الموضوع دا..هيلاقى فيه رد لكل سؤال ممكن يتوقعه..
ولكل موقف ممكن يقابله....ان شاء الله.
===
بالنسبة للبدء فى المذاكرة الأوليه للكورس ومعرفة محتوياته...ف بالتأكيد هو تراك من ضمن 4 تراكات
CCIP Course
Route - BGP - MPLS - QOS
ف البداية لازم - من وجهة نظرى - ب تراك ال BGP عشان تعرف تتعامل بعد كده مع ال MPLS
اضافة لأن لازم تكون مخلص تراك Route من كورس CCNP
*** ذاكر لل CCIP مذاكرة ال CCIE ***
يعنى ايه....!!
تابع..
بدأت بمراجعة جزء ال BGP من كورس CCNP-Route لأنه مهم جداً ولو انت متقنه بنسبة لا تقل عن 95 %
يبقى تقدر تقول ان فى 30 - 40 % من تراك ال BGP انت عارفه..
دا كان جزء سهل..بس أخد منى وقت طويل شوية..تقريباً أسبوع أو 10 أيام..لأن كان شغلى مفيش فيه وقت أصلاً
وكنت دايماً مسافر..
بدأت بعدها مباشرة مع كتاب CCIP-BGP Student Guide Vol1, Vol2
كتاب لذيذ وجميل جداً وبيعرض المعلومة ببساطة ووضوح..بس فيه عيبين مش كويسين
الأول..ان المعلومة فيه مختصرة..يعنى فى مواضيع كتيرة هتلجأ ل Google و Cisco Learning كمرجع أساسى وأى Resources
على الانترنت تانية بتتكلم عن الجزء دا..
والعيب الثانى..الترتيب..الترتيب سيء جداً..لحظت ان ترتيب المواضيع - من وجهة نظرى - غير جيد بالمرة
لكن ناخد الميزة منه ان هوا بيقدم Brief كويس عن المواضيع وال Techs اللى بتغطى المنهج..ودا حاجة كويسة
أول ما خلصت ال Vol 1 , Vol 2
بدأت مع كتاب Cisco BGP Design and Implementation
ودا كتاب جميييييل جداً...وفيه معلومات أكثر من رائعة..وهتلاقى فيه حاجات أكتر من اللى تتوقعه..وخارج المنهج..
يعنى مش هتلاقى ال Topics دى فى ال Exam..لكن مفيد جداً..والأهم مرتب بطريقة جيدة جداً ويستعرض المعلومات
فى سياق متصل ومتسلسل..لكن برده فيه حاجات كنت شايفها معقدة شويتين..وربنا يخليلنا Jeremy Stretch
تناول المواضيع دى بصورة جيدة جداً..فوق الوصف.
انتهيت من هذا الكتاب..وتقريباً..أصبحت ملم ب أكثر من 90% من المنهج...لكن هناك بعض النقاط اللى فيها Drops أو عدم
وضوح بنسبة كبيرة..
بدأت مع INE - BGP ل Kieth Barker وشرحه يعد أكثر من رائع..والأفضل من ذلك...KEEP IT SIMPLE
دا اللى هوا بيعمله...كل حاجة على أبسط Scenario ليها..مع ان ليا شوية نقد على هذه الفيديوهات..لكن نبقى نتكلم عليها فى وقت تانى.
بعد فيديوهات INE وتطبيق ال Labs كلها..وخاصة ان فى المرحلة الأولى للمذاكرة كانت معظم ال Labs هى لابات على كل Technology أو Feature على حده اةو عمل Migration لأكتر من حاجة فى Lab واحد..
لكن بعد ال INE..كنت هضمت المنهج كويس..وبنسبة الحمد لله عالية...بدأت بتطبيق لابات كاملة..وعملت Topology تقدر تطبق عليها كل اللى
عارفه وتعلمته فى lab واحد..من غير ما تقعد كل شوية تعدل فى ال Topology
بعد كده نوصل للكتاب الداهية...وهو Advanced BGP for Sam.Halbi
الكتاب دا محصلش..بس بشرط انك مش تقرأه الا لما تكون ملم بصورة كبيييييرة جداً لل BGP عشان تستفاد منه صح.
قرأت الكتاب..واستفدت منه كتييير جداً..وكمل لى نقص كبييير جداً فى المعلومات..وهو فوى جداً من الناحية النظرية والمعلوماتية والتاريخية
أيضا لل BGP ..وليس ال BGP فقط..وانما لل Internet Routing عامة..وعن ال Physical Infra للعملية دى..
كتاب جميييل جداً أنصح الكل بقراءته.
وأخيراً...
كتاب CCIE R-s Official Study guide ..اللى هوا ال Cisco Press لل CCIE R&S
فتحته...وقرأت فيه شويه,,ولم ألاحظ جديد..حاجات بسيطة جداً..بس كانت قرائتى لجزء ال BGP فيه سرعة..يعنى Overview بس كده.
....
نيجى بقى لموضوع الامتحان...مفيش أى Brain-Dumps Valid للامتحان دا..أخر Brain-dump لقيته وكان أخر واحد قايل ان دا Valid كان تقريباً 25 أغسطس 2011 ....هههههه
عملت Download للفايل دا..وتقريباً كان 200 سؤال...قرأت فيهم..ولقيت الموضوع مش فيه أى صعوبة خاالص..دا عن الأسئلة ال MCQ
طيب...عن ال Labs اللى هتيجى فى ال Exam..!!!
قررت حجز الامتحان..وطبعاً..وكالعادة..كنت عامل زى ان بطوطة - رحالة مصر - ومسافر ل 50 مكان قبل الامتحان...
وأخرهم كنت فى الاسكندرية باكل فراخ عند سعيد يوسف...ربنا يكرمه يارب..وعلى فكرة..انت واحشنى جداً..
يوم الامتحان الصبح..كان عندى مشكلة فى ال Community وحاسس انها ملخبطة..راجعت عليها تانى..وقلت اطبقها وتنقل ل موضوع تانى أغبى منه وهو ال A.S Path Filter وال RegExp..غبى فعلاً...فتحت ال Lab بتاعى الساعة 12 الضهر..وقمت عشان أنزل ال Exam وأوصل لل Test Center على الساعة 4.30 العصر..ومكنتش عرفت أطبق أى من الموضوعين..طوول الوقت كنت قاعد أحل فى مشكلة LOOOOOOOOP فى ال Lab بتاعى..هههههههههه
ال Exam كان الحمد لله كويس...ومفيش فيه صعوبة كبيرة..لكن المشكلة الوحيدة..واللى مش عارف أعمل فيها أيه مع Cisco !!!!!!
**** BUGS ****
والله اتخنقت منهم على الأخر...وال Sim اللى بيستخدموه فى ال Exam مش كويس خالص..وفيه مشاكل كتيير,.
دايماً موعود فى ال Exams بتاعتى ب Bug فى ال Lab ..وبسببه ضيعلى وقت كتيير.
كان ال Lab عبارة عن Router بيعمل Filter ل 10.0.0.0/8 من ال neighbor عن طريق Route-map فى ال Direction - IN
يعنى كانت عاملة كده..
IP Prefix-list 1 seq 5 deny 10.0.0.0/8
Route-map test permit 10
set local-preference 120
Router BGP 65001
Neighbor x.x.x.x prefix-list 1 in
neighbor x.x.x.x route-map test in
وكان بيقول ليه ال Router مش بيستقبل من جاره Routes
واضح جداً ان هوا من سطر ال Prefix-list...كان لازم يضاف سطر
IP prefix-list 1 seq 10 permit 0.0.0.0/0 le 32
مش دا مظبوووووووووط....غلط...!!!!!!!
ايه الغلط بقى...!!! ان انت حضرتك لما تيجى تكتب سطر ال Permit دا مش تحط ال Seq
يعنى تكتبها كده..
IP prefix-list 1 permit 0.0.0.0/0 le 32
وهوا اللى بيحط ال Seq لوحده...
MMmmmMMMmm
الحمد لله...اكتشفتها...وعدت.
دا كان Brief صغير كده عن ال Exam وازاى تذاكر وتعديه وتنجح فيه.
روابط الكتب اللى ذاكرت منها..والفيديوهات..
BGP Design And Implementation
https://www.4shared.com/file/188542816/d2bbdbb5/BGP_Design_and_Implementation.html
Student-Guide Vol 1 , Vol 2
https://www.4shared.com/file/eKiYExTY/BGP-student-guide-vol1.html
https://www.4shared.com/file/fGxzjlx...uide-vol2.html
Advanced BGP for Sam-Halbi
https://www.mediafire.com/?ljj5evrfioyqjd9
INE BGP Videos
https://arabhardware.net/forum/showthread.php?t=276519
====
دا كان ملخص عن التجربة...وأتمنى ان تكونوا استفدتم.
دعواتكم..
المفضلات