محدش رد من امبارح !!
UP
السلام عليكم ورحمة الله وبركاته
مساء الخير عليكم
دلوقتى يا جماعه انا عمرى ما اقتنعت ان فى فرق بين الماوس التجارى والماوس الاحترافى والجيمينج ماوس
اللى اعرفه ان كلهم بيحركو المؤشرات وخلاص ( ده الفكرة اللى بتراودنى )
فمش حاسس ان هيبقى ليه لزمة مهمه لاكن بعد ما قريت الموضوعين دول
https://arabhardware.net/forum/showthread.php?t=219966
و
https://arabhardware.net/forum/showthread.php?t=205298
ابتديت اقتنع شوية !
استخداماتى هتكون للألعاب معظمها و شغل الجرافيك
وبرضو بقيت الاستخدامات العادية زى النت وكده
والماوس اللى عينى عليه واللى شوفتله مراجعات فى الروابط اللى حاططها فوق ^^
اسمه كده
A4tech Anti-Vibrate Laser Gaming Mouse XL-747H
ودى صورته
[IMG]https://www.********.com/images/large/A4TECH_XL-747H.jpg[/IMG]
مرعب مش كده :D
..
المهم هحس بأختلاف يستحق فرق السعر الكبير بين سعر الماوس ده ^^
والماوس اللى معايا حاليا ؟ ( تجارى تمنه 30 جنية )
اللى من نفس الشركة برضو بتاعت الماوس اللى فوق ^^
a4tech
والموديل كامل A4tech op -50d ودى صورته
بس اللى عندى لونه احمر :D
هحس بأختلاف بين ده والاحترافى الماوس جيمنج ؟
ولا الحكاية كلها ماركات بس ؟؟
عايز اخود ارائكم عشان لو كده ممكن اجيبه خلال الاسبوع الجاى بأذن الله
التعديل الأخير تم بواسطة @7oud ; 27-02-2012 الساعة 20:38 سبب آخر: التنسيق
محدش رد من امبارح !!
UP
مبدئيا أنا كنت بفكر زيك بظبت لحد ما من شهر تقريبا قررت أني أشتري ماوس احترافي و بال فعل اشتريت ال Kova +
و أكتشفت بعدها ان كنت غبي كل الغباء اني خلصت كل الالعاب التحفة بتاعت السنة اللي فاتتت بدون الماوس ده
بجد فرق السماء للارض
اشكرك جدا على ردك وعلى التوضيح
وبأذن الله قريبا جدا هشتريه خلال الاسبوع ده او اللى جاى بالكتير
لو عايز ماوس رخيص في موس اسمو styx gaming mouse ب 150 جنيه بس الdpi 2200 مش 3600 بس مش هتحس الفرق و كل الزراير قابلة لل برمجة و في خاصية الماكرو و كل حاجة و حجمة الكبير مريح جدا كأنة متفصل علي الايد انا شاريه من هنا
https://www.nefsak.com/Styx-Gaming-M...peed-Link.html
ملحوظة :دة مجرد اقتراح
نصيحتي بكل امانه
قصة الماوسات الإحترافيه دي خدعه كبيره
انا جربت ماوس ب 425 جنيه .. وكانت تجربه سيئه جدا جدا
وتوصلت الى ان الماوس طلع نزل اتشقلب .. في النهايه اسمه ماوس بيحرك المؤشر عالشاشه ليس اكثر
اشتريلك ماوس عادي ب 30 جنيه ولا حتى 50 جنيه .. احسنلك
ياعم اشتريلك عشر ماوسات بسعر ماوس من اللي اسمه احترافي
اللي استخلصتوا من قصه الماوسات دي لأني جربت وجبت ماوسات كتير جدا .. ان الماوس لازم يكون حجمه كعرض وطول وارتفاع وتصميم .. مريح ليدك
وسيبك من حكايه ال DPI مجرد تسريع لحركة الماوس .. ودي تقدر تتحكم فيها من الويندوز .. هي ليها دقه حركة طبعا .. لكن ملهاش اي تأثير مع الرزيلوشن الحالي
وكل اللي بيجيب ماوس احترافي بيطر يقلل ال dpi وفي النهايه بيبقى الماوس زيه زي العادي
...سبحانك ربي ... لا اله الا انت
انت كده هتخلينى اعيد النظر فى الفكرة كلها وهبتدى اشيل فكرة الماوس الاحترافى من دماغى :confused:
اعترض على الكلام اللي فوق ده .....
في فرق كبير جدا بين ماوس احترافي وأي حاجة تانية .....موضوع ال dpi هيفرق معاك كمان عشان موضوع الجرافيك والرسم و كده نصيحة لو عايز حاجة جامدة آخر الخط بص على ال kone + أو على أي حاجة من razer ال kova كمان ماوس حلو كمان متنساش تجيب باد نضيفة عشان تحس بالفرق أكتر
انت لو جبت ماوس عادي ب 20 جنيه وباظ .. مش هتزعل
ولو ماعجبكش او ريحك في ايدك .. ممكن تشتري غيره وغيره وغيره
لكن لو جبت ماوس ب 400 جنيه وباظ .. هتزعل اوي اوي اوي
ولو ماريحكش .. هتزعل وتتعب نفسياً .. وهتغصب على روحك تستخدمه حتى لو مش مريحك ودي النصيبه ( لأنك هتبقى في حاله عد راحه دائمه )
.. لأنه غااالي ولازم يعمله بحقه
واقسملك بالله .. والله كل دة هجص وضحك عالدقون
اهم حاجة مسكه الماوس في ايدك تريحك .. الي يريحك دة هو الاحترافي بالنسبالك
وعلى فكرة .. الماوسات الغاليه اللي اسمها احترافيه دي .. بتبوظ والكليكه بتعمل كلكتين وشغل التهييس دة موجود فيها بردو
فكر كويس في سعر الماوس .. وشوف ان بحقه تقدر تعمل ايه لجهازك يكون مفيد بجد .. دة سعر ماوسين يجيبو شاشه LED يا جدع
تقدر تزود رامات .. تقدر تركب كارت شاشه مع كارتك للفزيكس .. تقدر تزود هارد
الموضوع كله اغراء وهسهسه في الدماغ من الصور والفيديوهات والمراجعات
...سبحانك ربي ... لا اله الا انت
على فكرة .. انا جبت الماوس اللي معموله مراجعه رسميه هنا من فريق عرب هاردوير
وطلع ماوس استغفر الله العظيم يارب .. الماوس التجاري والله برقبته .. وقدر الله والحمد لله انه ظهر فيه عيوب تصنيع ( عيوب مش عيب واحد )
ورجعته بالخناق والمشاكل .. وكنت جايب معاه باد ماوس ب 125 جنيه .. محتفظ بيها
هي حلوه .. لكن ماتستحقش السعر دة .. انا في النهايه مش بستخدم تلت مساحتها .. وكان ممكن اجيب باد ماوس حجم اصغر مثلا بجوده مناسبه بسعر اقل بكتير
انا مهتم جدا بالماوسات لأنها عقدتني وصرفت عليها كتير .. وراكن عندي ماوسات كتير جديده
وبشتغل في الجرافيك وبلعب بتل فيلد اون لاين .. علشان كدة بهتم ان الماوس يريحني في ايدي
ودقه ال DPI بتاعة الماوس العادي كافيه جدا جدا جدا .. بل سعات بيطلع سريع وبقلله من الكونترول بانل .. وتقدر تسرعه لو حابب
وفي الالعاب كمان بيبقى في مؤشر لسرعه الماوس
انت لو ظبط ماوسك على دقة 3200 .. هتلاقيه سريع عالشاشه بطريقه مبالغ فيها وتحس انه عايم .. فهتروح مقلل سرعته من الويندوز
علشان يبقى اسمك مستخدم دقه 3200 .. لكن انت في النهايه ماستفدش بيها
الدقه العاليه دي تفيد مع شاشات كبيره شغاله على رزيلوشن عالي جداا اعلى من اللي متوفر حاليا كمان بكتير
وفي النهايه محدش بيقتنع غير لما يجرب
...سبحانك ربي ... لا اله الا انت
اخى العزيز الموضوع مش خدعة ولا حاجة الموضوع ابسط مما يكون انه مايفرقش ماوس ب 30 جنيه او ماوس ب 1000 جنيه حتى
المهم هيه اللى يناسب وضعيت كف ايد حضرتك بمعنى اخر لو حضرتك من الناس الرفيعين فى الجسم فغالبا ما تكون اصابع ايديهم طويلة فيسهل وصول اصبع الابهام لزراير
الهوت كى ( HOT KEY ) الى بيتم استخدامها بكثرة فى العاب الشوتنج بزات ( MELLY ATTACK )
اما لو كنت من الناس التخان ( عفوا لا اقصد الاهانة لاحد ) زيى كده فغالبا ما تكون اصابع ايديهم قصيرة فيصعب وصول اصبع الابهام لزراير ال HOT KEY
وانا شخصيا اشتريت موسات كتير الغالى و الرخيص لغاية ما وصلت لماوس يناسب كف ايدى و حاليا انا بستخدم ال ( MAD CATZ : RAT9 )
ودى VIDEOS حتعجبكم فيها الماوس بتاعى و ده رقم تليفونى 0190977642 لو عايز استفسارات او نصائح قبل ما تشترى
https://www.youtube.com/watch?v=Ni4YT...eature=related
https://www.youtube.com/watch?v=AXlmE...eature=related
https://www.youtube.com/watch?v=Kv4oc...eature=related
شكرا عالفيديوهات يا اشرف
انا لاحظت عندك 3D ... ممكن تكلمنا عنه .. لاني مهتم بيه حالياً
...سبحانك ربي ... لا اله الا انت
المفضلات