Unboxing : HTC Sensation XL

[Ma7moud9]

تمكنت بإذن الله من الحصول على ال Sensation XL

و إعترافاً بفضل المنتدى علي ... قمت بال Unboxing للمساعدة و الإفادة

HTC Sensation XL



......................................

أولاً: المواصفات


....
ثانياً : الجهاز نفسه


* علبة الجهاز



نبدأ الشغل ... بسم الله :


=> الموبايل جوة العلبة و برة العلبة ( باللزقة )


محتويات العلبة من شاحن و أوراق الضمان و.....

Headphone ( handset) case
مش عارف اسمها ايـــه بالعربي بصراحة ؟؟
بس أعرف ان المفروض أنه ال Head Phones بتتحط جواها
دا غير أن فيها كيس للEarTips بأحجام مختلفة علشان الناس اللي و دانها صغيرة زي كدا


الموبايل في إيد أمينة ( في إيد أخويا )



الHeadphone : مصنعة من beats by Dr.dre
تتميز بنقاء الصوت التام ( الصوت جاحد من الآخر )
U will hear every single beat


الموبايل و هو متوصل بالكومبيوتر


جنب ماوس Tt .... w pad Tt


Unlock screen and Htc Sense


اللمبة الحمرا المنورة دي بتنور مع الشحن و بتنور آخضر لما بيخلص شحن


علامة Htc و ال sensor و الكاميرا الأمامية 1.3mp


ظهر الموبايل مع علامة ال Beats
ومن بعيد تظهر الكاميرا ال 8mp و 2LED flashs


Camera


power Button


صورة ملهاش أي تلاتين لازمة


مدخل الMicro usb من الجنب ...
و في الجنب الآخر يوجد ازرار مستوى الصوت


مقارنة مع الNokia 6120


سمك الXL بالنسبة لل 6120

................................................
و بكدا نكزن وصلنا لنهاية الUnboxing
نشوفكو على خير بعد تلت أربع خمس سنين أكون غيرت الموبايل بإذن الله ... دا إذا كان لنا في العمر بقية

-------------
تقديري للموبايل عامة :
الموبايل سريع جداً ... أنا جربت ال S II و حاسس ان ال XL أسرع منه على الرغم من أنه One Core
متين الصنع
كبير الحجم
و يقدس الحياة الزوجية !!!

الألعاب عليه في منتهى السلاسة و الأربعة كمان

سمعاته حدث و لا حرج

في النهاية تقييمي له : 8.5/10
و دي تقييم ممتاز جدا في تقديري

وفقنا الله و إياكم و سدد خطانا و خطاكم

[Mr.pOPo]

مبورك على الجهاز، موبايل رائع و Unboxing جميل جدا

تتهنى بيه ان شاء الله.

تم التقييم.

[HESHA2015]

unboxing رائع وربنا يباركلك فية و تتهنى بية

[is master]

تتهنى بيه انشاء الله بس رايك فى البطاريه ايه ومقاومه للخدوش ومدة الشحن وخلافه لييك احلى تقييم منى تقييم

[Ma7moud9]

تتهنى بيه انشاء الله بس رايك فى البطاريه ايه ومقاومه للخدوش ومدة الشحن وخلافه لييك احلى تقييم منى تقييم

البطارية كويسة جدا ..
انا بشحن الموبايل مرة في اليوم أو كل يومين و دا على حسب الإستخدام ( أنا عايش جوا الموبايل يعني إستخدام 24 ساعة )
دا معدل كويس في البداية لكن عمر البطارية الإفتراضي بيقل مع الزمن !!!
..
المقاومة للخدش => هو الشاشة Gorilla Glass ... فأكيد مقاوم للخدش ( لسا مجربتش أخدشه بصراحة !!)

[MrTom]

موبايل رائع جدا و Unboxing أروع

وتم التقيم و عم سمعة بياخد شور :p

[Mr VERRO]

موبايل ممتاز وتتهنى بيه يارب ,واحسن حاجة عجبتنى السماعات:ah7:

[Ma7moud9]

موبايل رائع جدا و Unboxing أروع

وتم التقيم و عم سمعة بياخد شور :p

بلاش عم سمعه:D:D
دا أنا لسا كنت بتكلم عنه في قسم تاني كدا

[DoCToR.TaHeR]

الف مبروك الوحش الجديد يا أخ محمود , ربنا يباركلك فيه وتتهني بيه يارب

انت جايبه بكام ؟ عشان سعره حالياً 4450 جنية , يعني أغلي من ال Galaxy SII ب 1000 جنية كاملة ! هل يستحق الفرق ده ؟ علي الرغم من ان ال SII المفروض انه هاردوير أفضل .

تم التقييم بالتأكيد

[Ma7moud9]

الف مبروك الوحش الجديد يا أخ محمود , ربنا يباركلك فيه وتتهني بيه يارب

انت جايبه بكام ؟ عشان سعره حالياً 4450 جنية , يعني أغلي من ال Galaxy SII ب 1000 جنية كاملة ! هل يستحق الفرق ده ؟ علي الرغم من ان ال SII المفروض انه هاردوير أفضل .

تم التقييم بالتأكيد

ربنا يبارك في حضرتك و شكراً على التقييم !!

هو جالي هدية .... بس أنا اعرف سعره ( الأصلي ) لأني سألت عليه ... هو سعره في Raya و mobile shop : ب 4450 فعلاً !!
و سعره في وسط البلد ب 3400 .........ال 1000 جنيه دي فرق الضمان ( الضمان عندنا في مصر لا يسمن و لا يغني من جوع لأنه فب النهاية بيقولك دا عيب إستخدام ... لكن في وسط البلد ليك الحق إنك ترجع الموبايل لو فيه أي عيب من أي نوع في 14 يوم ( للمستهلك ) )
سعر S II : بالضمان 3800 و من غير ضمان 3250 !!
يعني الفرق الأصلي 200 جنيه مش 1000 أو 600 جنيه حتى !!!
من Quadrant benchmark :
ال S II ال score بتاعه كان : 2800 ( dual core )
ال Sensation XL كان : 2000 ....(single core) !!!!
من الآخر كدا : لو فيه حد محتار بين الإتنين :
1- لو عايز موبايل سريع جداً في الإستخدام : يبقى ال S II او ال Sensation XE !!!
2- لو عايز موبايل شاشته اكبر و البطارية احسن و الإنترنت و browser و sensor أحسن يبقى الإختيار هو ال Sensation XL !!
.....
و بما إني اخترت الهدية فكان Sensation XL احسن بالنسبة لي !!!
-------------------------------------
للتوضيح : سعر النوت في وسط البلد ب 3950 !!!

[DoCToR.TaHeR]

أشكرك علي التوضيح

بس ايه الأسعار الحلوة دي , عندي في اسكندريه الأسعار مرتفعه ليه كده !
أنا عندي السامسونج جالاكسي SII عامل 3500 جنية من غير ضمان !! , وبالضمان 3800 - 3900 جنية ( تقريباً زي منتا قولت ) .

وال HTC Sensation XE عامل 3900 جنية بالضمان , لكن مش عارف من غير ضمان بكام؟! ( لو تعرفلي يبقه كويس جداً ) .

أنا أكتر جهاز عاجبني في كل دول هو ال Sensation XE . أتمني يكون سعره من غير ضمان مس أكتر من 3400 جنية .

[Ma7moud9]

أشكرك علي التوضيح

بس ايه الأسعار الحلوة دي , عندي في اسكندريه الأسعار مرتفعه ليه كده !
أنا عندي السامسونج جالاكسي SII عامل 3500 جنية من غير ضمان !! , وبالضمان 3800 - 3900 جنية ( تقريباً زي منتا قولت ) .

وال HTC Sensation XE عامل 3900 جنية بالضمان , لكن مش عارف من غير ضمان بكام؟! ( لو تعرفلي يبقه كويس جداً ) .

أنا أكتر جهاز عاجبني في كل دول هو ال Sensation XE . أتمني يكون سعره من غير ضمان مس أكتر من 3400 جنية .

سعر ال XE في وسط البلد ب 3300 أو 3350 بالظبط !!! لو كده أقول لحضرتك ألف مبروك
أنا كنت زي حضرتك كده لما شوفت الأسعار دي .... !!!
لو حضرتك ناوي تنزل القاهرة و تجيبه أنا ممكن اقولك اسم المحل اللي جبت منه الموبايل
و مبروك عليك ال701 .... !!!
( سؤال بسيط : هو انت دكتور و لا مهندس ؟؟ )

[DoCToR.TaHeR]

في الحقيقة بعد البحث ومشاهده العديد من المقارنات والمراجعات , لحد ما عيني طلعت :D

أقتنعت بال Galaxy SII عن موديلات ال HTC . لكن المشكله ان سعره عندنا بدون ضمان 3500 جنية .
في نفس الوقت مستخسر أدفع مبلغ زي ده في موبايل :D . تقريباً كأني جبت لابتوب بأمكانيات جيدة :D

لا أنكر ان مواصفاته رائعة جداً , لكن شكلي هنتظر لبعض الوقت لحد ما يرخص شوية , خصوصاً وان ال SIII هينزل السنه دي ( يارب أرحمنا بقه :D ) .


اجابة السؤال البسيط : أنا معيد بالجامعه , البعض ينادوني بدكتور , والبعض ينادوني بباشمهندس

[Ma7moud9]

في الحقيقة بعد البحث ومشاهده العديد من المقارنات والمراجعات , لحد ما عيني طلعت :D

أقتنعت بال Galaxy SII عن موديلات ال HTC . لكن المشكله ان سعره عندنا بدون ضمان 3500 جنية .
في نفس الوقت مستخسر أدفع مبلغ زي ده في موبايل :D . تقريباً كأني جبت لابتوب بأمكانيات جيدة :D

لا أنكر ان مواصفاته رائعة جداً , لكن شكلي هنتظر لبعض الوقت لحد ما يرخص شوية , خصوصاً وان ال SIII هينزل السنه دي ( يارب أرحمنا بقه :D ) .


اجابة السؤال البسيط : أنا معيد بالجامعه , البعض ينادوني بدكتور , والبعض ينادوني بباشمهندس

أنا كنت زي حضرتك كده !!!
انا جربت ال S II مع اصحابي : هو حلو جداً بس مأقنعنيش بصراحة ( رأيي الشخصي ) ... بس المتانة في الصناعة أحسن في ال HTC عن السامسونج !!
فHTC الومنيوم ماعدا عند الحواف فهو مصنع من البلاستيك لأمتصاص الصدمات !!
و لو حضترك ها تستنى ال S III يبقى هاتستنى كتير :Dلأن الموبايلات بتنزل بسرعة كبيرة ... مثلاً الHTC one X نزل و بصراحة حاجة تحفة !!!
ربنا يكون في عونك يا باشمهندس :D

[DoCToR.TaHeR]

فعلاً أتفق معك ان جودة التصنيع بال HTC أفضل .

أنا مش هستني ال SIII عشان أشتريه , أنا هستناه عشان أشتري ال SII :D
هو غالباً هيتم الأعلان عنه خلال شهر 4 - 5 . وهينزل الأسواق بعد الأعلان بشهر او شهرين كمان , يعني علي شهر 6 - 7 القادم هنلاقي ال SIII في الأسواق .