الاعتماد على البطاريات كمصدر طاقة
السؤال ممكن يكون بعيد شوية عن الكمبيوتر بس انا عارف ان فى المنتدى مهندسين كتير فى مجال الطاقة الكهربائية
انا عايز مصدر طاقة اقدر اعتمد علية فى وقت انقطاع الكهرباء او فى الاماكن اللى مفهاش كهرباء فقط للاضاءة والكمبيوتر .. لانى اكيد مش هأجر مولد واجيب سولار علشان اشغل كمبيوتر واضاءة
الفكرة جات فى دماغى بسبب انقطاع الكهرباء عندنا .. طبعا مش بتقطع كل يوم لكن اليوم اللى بتقطع فية بتقطع وقت كبير شوية ممكن يوصل اكتر من 5 ساعات والموضوع دة بيعملى مشاكل كتير فى الحاجات اللى بعملها .
فكرت فى فكرتين
الاولى انى اشترى بطاريات 12 فولت ليثيوم باكبر امبير متاح فى السوق .. واشترى انفنتر بالوات اللى هكون محتاجة
اقصد البطاريات زى دى :
https://ram-e-shop.com/oscmax/catalo...attery6100.jpg
المشاكل اللى قابلتنى :
1-ازاى هشحن البطاريات .. هل ليها شاحن خاص ؟
2- ازاى هعرف الزمن المتبقى لانتهاء البطارية ؟
3- الانفنتر سعرة غالى جدا بالنسبة للواط اللى بيخرجة
التانية انى اشترى UPS واشترى بطاريات من نفس نوع الموجودة بالداخل واوصلها مع اللى موجودة بالتوازى علشان ازود الامبير
هل دة هيأثر على كفاءة الشحن فى ال UPS ؟
الاسئلة العامة اللى انا مش عارفلها اجابة :
1- انا مش عارف جهاز الكمبيوتر بيسحب كام وات بالظبط للحد الاقصى .. وجربت اقيس الامبير بالافوميتر الديجتال .. بس مكتوب على خانة الامبير فى الافوميتر 10sec max وعلشان اخلى الجهاز يوصل للحد الاقصى من الاستخدام اكيد مش هعرف اعمل كل دة فى 10 ثوانى وغالبا بعدها الافوميتير بيبوظ
2- انا عايز جهاز اميتير اركبة فى الدائرة يقيس الامبير بشكل دائم علشان اعرف انا بسحب كم وات بالظبط .. اشترية منين من مصر والحد الاقصى للقياس بيكون كم؟
وياريت اللى يعرف الحل الامثل للموضوع دة يقولى ... بس هدفى الاكبر هو زمن تشغيل كبير جدا ممكن يوصل اكتر من 7 ساعات .. يعنى عايز اكبر كمية من الامبير تكون معاية
مفيش حد عارف ؟؟
ضوابط المشاركة
المفضلات