ما هو الفرق ما بين الضمان الدولى و الضمان المحلى ؟

[Am|r]

اهلا بكم

استفسار كما هو واضح من العنوان ما الفرق ما بين الضمان الدولى و الضمان المحلى ؟

لان امامى موبيل جالكسى اس 2 ضمان دولى و قلقانى حكايه الضمان الدولى دى لانى مش عارف يعنى ايه و لو الموبيل حصلو حاجه لا قدر الله فى فتره الضمان الدولى ده هوديه لمين.... !!!

[ehab7bob]

علي حد علمي ان الضمان الدولي منك للشركة الام مباشرة يعني منك لسامسونج بدون وسيط و طبعا الموضوع صعب جدا خاصة في مصر لان المتابعة صعبة دغير تكلفة الشحن للمنتج هتكون كبيرة . نصيحة بلاش منة ادقع شوية زيادة و تاخد ضمان تعتمد علية

[ua07]

والله ولا المحلي حتي
انا كنت شاري من سنتين n86 عليه ضمان من رايا واشتريت انا ضمان تاني ب300 جنية سنة تانية واكتشفت بعد كده ان كل ده ملوش اي لازمة """" كان الغطاء اللي فوق الشريحة بيتهز كنت من ساعت ما اشتريت الجهاز وانا اصلا مش بتاع فك وتركيب كتير فلما رحت اديهم التليفون عشان يعملوه .... قالي لأ ده عيب استخدام من سيادتك وانت اللي هتدفع الثمن دمي اتحرق ساعتها قلتله طب الضمان ده علي ايه قال لي علي عيوب التصنيع بس : قلتله طب منا عندي 14 يوم اي حاجه غلط هرجع التليفون كله فضل يهبل في الكلام ومرسونيش علي بر ,,,, اذا كان الضمان عشان اعمل سوفت وير بس يبقي بلاها ضمان """"
وطلع اني دفعت الفلوس علي الفاضي بس الاضمن انك تشتريه من هنا عشان الـــ 14 يوم بس

[boss4all]

ضمان دولي يعتبر من غير ضمان

[Am|r]

والله ولا المحلي حتي
انا كنت شاري من سنتين n86 عليه ضمان من رايا واشتريت انا ضمان تاني ب300 جنية سنة تانية واكتشفت بعد كده ان كل ده ملوش اي لازمة """" كان الغطاء اللي فوق الشريحة بيتهز كنت من ساعت ما اشتريت الجهاز وانا اصلا مش بتاع فك وتركيب كتير فلما رحت اديهم التليفون عشان يعملوه .... قالي لأ ده عيب استخدام من سيادتك وانت اللي هتدفع الثمن دمي اتحرق ساعتها قلتله طب الضمان ده علي ايه قال لي علي عيوب التصنيع بس : قلتله طب منا عندي 14 يوم اي حاجه غلط هرجع التليفون كله فضل يهبل في الكلام ومرسونيش علي بر ,,,, اذا كان الضمان عشان اعمل سوفت وير بس يبقي بلاها ضمان """"
وطلع اني دفعت الفلوس علي الفاضي بس الاضمن انك تشتريه من هنا عشان الـــ 14 يوم بس

ما هو المحل الى انا هشترى منه هيدينى 14 يوم ينفع ارجع فيهم الموبيل لو فى اى عيوب فى الصناعه .... بس هو مش الضمان بردو بيبقى شامل الموبيل كله لو حصلو كسر او لو حاجه تلفت فيه من الداخل و لا على السوفت بس

[esorady]

ما هو المحل الى انا هشترى منه هيدينى 14 يوم ينفع ارجع فيهم الموبيل لو فى اى عيوب فى الصناعه .... بس هو مش الضمان بردو بيبقى شامل الموبيل كله لو حصلو كسر او لو حاجه تلفت فيه من الداخل و لا على السوفت بس

الضمان بيبقي علي عيوب الصناعه بس
لو حصل كسر يبقي معناها سوء استخدام فهتصلحه علي حسابك

[Am|r]

علي حد علمي ان الضمان الدولي منك للشركة الام مباشرة يعني منك لسامسونج بدون وسيط و طبعا الموضوع صعب جدا خاصة في مصر لان المتابعة صعبة دغير تكلفة الشحن للمنتج هتكون كبيرة . نصيحة بلاش منة ادقع شوية زيادة و تاخد ضمان تعتمد علية

ضمان دولي يعتبر من غير ضمان

ما انا اثناء بحثى عن الموضوع ده لاقيت ثلاث اراء مختلفين و ده الىنى اضع موضوع هنا :

1- الراى الى قال ان الضمان الدولى معناها ان الموبيل يتصلح فى اى دوله فى العالم طالما الدوله دى بها توكيل لسامسونج و التوكيل ملزم بتصليحه طالما هو توكيل تابع لسامسونج و تابع لسياستها

2- الراى الى قال ان الضمان الدولى ممكن يتحول لضمان محلى و ينفع تصلح الموبيل عادى فى توكيل سامسونج فى مصر بس هتدفع التكلفه ( تكلفه التصليح )

3- الراى الى قال ان الضمان الدولى يعنى من غير ضمان خالص

و انا مش عارف بقى انهى رأى من دول هو الى صح 100% ...

[esorady]

طب ما تحاول كده تشوف مين وكيل سامسونج في مصر ومين مسئول عن الصيانه بتاعته وهات نمرتهم وكلمهم واسألهم بتهيألي احسن حل

[ua07]

ريح نفسك لا ضمان دولي ولا محلي والاتنين هياخدوا منك الفلوس ومش هيعملوا حاجه علي حسابهم وهيقول لك سوء استخدام
الميزة الوحيدة هنا الـــ 14 يوم اي حاجه في تليفون فيها عيب سوفت وير او هاردوير هتغيروا علي طول

[Am|r]

طب ما تحاول كده تشوف مين وكيل سامسونج في مصر ومين مسئول عن الصيانه بتاعته وهات نمرتهم وكلمهم واسألهم بتهيألي احسن حل

انا راسلتهم فعلا و منتظر الرد لسا كان انهارده يوم كمان بالكتير لو مردوش يا اما هعدى على مقر يونيون جروب او هتصل بيهم

[المتحدث الرسمى]

الميزه ال14 يوم اللى الناس هنا بتتكلم عليها مش من الضمان دى من هيئة حماية المستهلك بتجبر التاجر ان لو فيه عيب صناعه فى المنتج من حق المستهلك يرجع السلعه خلال 14 يوم اما موضوع الضمان ده انا عن نفسى بقالى اكتر من 10 سنين لما بغير عده بجيبها دولى لو فرق السعر كبير صدقنى أشترى ومتخفش