استفسار بخصوص صفير البروسيسور

[silentassassin]

عندي استفسار بخصوص البروسيسور

هوا من النوع العادي القديم سيليلون 3.2كاش 512

المهم يعني بسمع منو فجأة صوت صفير غريب وبدأ يعلى مع الوقت
مع ان حرارتة عادية من 35 الى 40
ومروحة التبريد تاعتة بتعمل بشكل طبيعي وسرعة كويسة تقريبا 2700
والصوت بيكون موجود حتى مع عدم وجود ضغط علية !!

هل دة طبيعي ولا اية السبب !!

ومحدش يقولي من الرمات او البوردة

انا متأكد انو من البروسيسور

[unexpected]

لن اقول لك من الرامات ولا حتى البوردة لكن جرب مروحة ثانية

[silentassassin]

لن اقول لك من الرامات ولا حتى البوردة لكن جرب مروحة ثانية

يعني حضرتك تقصد ان العيب من المروحة بالاساس؟!
وهي وهي مجرد سبب والصفير اصلا من البروسيسور؟!

لاني عملت تجربة بسيطة كدا

عندي بروسيسور اخر نفس النوع ركبتة مكان الي فية المشكلة والصوت اختفى وعموما الصوت بيظهر فجأة

انتظر ردك

[unexpected]

^^^^^
ماذا تقصد بصفير بضبط؟؟هل مثل الصفير الذي يصدر عندما يوجد مشكلة مع الرامات؟؟؟

[ENG.Bishoo]

غالباً المروحه فيها مشكله جرب تنظفها وتبعد الأسلاك عنها وركبها تانى

[Osama Hisoka]

لا يا جماعه انا كانت عندى نفس المشكله دى بس انا لعبت فى الترمومتر بتاع المعالج من البيوس الى هوة المكان الى انت بتقدر تكشف عن حرارة البروسيسر و سرعه الفانه كمان بس من البيوس عملت كام حاجة تشغيل كانت معموله ايقاف و بعدين سمعت صوت غير متقطع و حتى لما الجهاز بيرستر بيفضل الصوت شغال فى كل وضعيه
لو عاوز الصوت دا ينتهى اعمل الاعدادات الافترضيه للبيوس هترجع كل حاجة زى الاول
وانتظر راى الاعضاء

[mask_of_fear]

انا اعاني من نفس المشكلة تماما ولاكن في كرت الشاشة عندما اشغل لعبة AlanWake يصدر صوت صفير وليس للمروحة اية علاقة بهاذا ابدا

[silentassassin]

^^^^^
ماذا تقصد بصفير بضبط؟؟هل مثل الصفير الذي يصدر عندما يوجد مشكلة مع الرامات؟؟؟

لا يا اخي المشكلة لما بتكون فالرامات الصوت بيصدر من سماعة صغيرة متوصلة بالبوردة كما تعلم

الصوت هنا صوت مزعج للاذن بشكل فظيع على الرغم انو مش عالي وصادر من ناحية البورسيسور

[silentassassin]

غالباً المروحه فيها مشكله جرب تنظفها وتبعد الأسلاك عنها وركبها تانى

جاري تطبيق هذا الحل
للعلم
انا كنت طافي الجهاز
الان شغلتة الصوت غير موجود بالمرة !! (لمدة 10 دقائق تقريبا)
ولكن اعتقد انو على وشك الظهور لاني بدأت اسمعة بس خفيف جدا جدا جدا

[silentassassin]

لا يا جماعه انا كانت عندى نفس المشكله دى بس انا لعبت فى الترمومتر بتاع المعالج من البيوس الى هوة المكان الى انت بتقدر تكشف عن حرارة البروسيسر و سرعه الفانه كمان بس من البيوس عملت كام حاجة تشغيل كانت معموله ايقاف و بعدين سمعت صوت غير متقطع و حتى لما الجهاز بيرستر بيفضل الصوت شغال فى كل وضعيه
لو عاوز الصوت دا ينتهى اعمل الاعدادات الافترضيه للبيوس هترجع كل حاجة زى الاول
وانتظر راى الاعضاء

انا مش مغير حاجة فالاعدادات بتاعت البايوس بس عموما هرستر واشيك عليها تاني و ارجع كل الاعدادات للافتراضي احتياطي لو كنت غيرت شيئ وناسي

[Osama Hisoka]

جرب و قول ايه النتيجه

[Osama Hisoka]

ها وصلت لفين ؟؟؟