ما هو مرتب حامل شهاده MCITP + CCNA ؟

[green_oasis]

السلام عليكم يا اخوتى الكرام
انا زيى زى ناس كتير هنا فى المنتدى كنت بحب الكمبيوتر اوى
بس مكنتش عارف انى ممكن حبى ليه يخلينى اتخصص فيه ويبقى هو مصدر رزقى وطريقى لبناء حياتى كلها
انا اشتغلت كذا شغلانه اعمال كتابيه واخرها كنت محاسب
بس من كتر حبى للكمبيوتر مش عرفت اكمل فى المحاسبه واتجهت لدراسة شهادة MCITP
بس انا مرتبط وبجهز للجواز وكان نفسى اعرف مستقبلى هيبقى ازاى فى المجال ده عشان اعرف اخطط لحياتى الجايه
واهم سؤال ممكن اسأله لنفسى وانا بخطط لحياتى فى المستقبل انا دخلى هيبقى كام
عشان اقدر اخطط واقول هكسب كام كل شهر وعلى اساس كده اقدر اعرف همشى ازاى فى حياتى
بتمنى انكم تساعدونى انا وكل اللى عايزين يخططوا حياتهم بعد ما حددوا ان مجال الشبكات يبقى مصدر رزقهم ودخلهم
انا اسف انى طولت

سؤالى اللى بتمنى كل الناس اللى تقرى الموضوع ترد عليه فى مصر خصوصا وباقى الدول العربيه كمان هو
ما هو مرتب حامل شهادة MCITP
وما هو مرتب حامل شهاده MCITP + CCNA
انا عارف ان المرتبات بتختلف من مكان لاخر
بس انا بتكلم عن المتوسط لحامل الشهادة بدون خبرة سابقة ، وايضا لحامل الشهادة مع وجود خبرة سابقة
ياريت يا جماعه تساعدونا زى ما اتعودنا منكم فى المنتدى الكريم ده
وربنا يوفق الجميع يارب

[Michael Youssef]

أهلا أخي الكريم
أولا الموضوع ليس مجرد شهادات و لكن الشهادة هي اثبات انك تعرف ما تفعل او ما تدعي انك تفعل. هحاول اساعدك علي قدر استطاعتي
بالنسبة للمرتب هقولك متوسط 1000 و يمكن اي يقل او يزيد ، و لكن اذا كانت الوظيفة في شركة كبيرة يمكن تكون 3000 او ما شابه ذلك
نيجي للشهادة
المشكلة ان اغلب المبتدئين يعتقدون ان الشهادة هي نهاية الطريق و في الواقع هي مجرد بداية البداية ، اذا كنت تريد النجاح في المجال فعلا عليك بقراءة العديد من الكتب عن مباديء الشبكات و نظام الويندوز و ليس فقط حضور كورس MCITP فلن تتعلم 10% من المطلوب لتأدية عملك
ايضا يجب ان يكون لديك جهاز قوي لانك سوف تحتاج برامج ال virtualization لانشاء شبكة كاملة بخوادم عدة علي هذا الجهاز للتدريب ، الرامات يجب ان تكون 8 جيجا
المجال فعلا مفتوح و التميز ممكن جدا و مطلوب و نادرا ما نقابل شخص فعلا فاهم بيعمل ايه
هذا رأيي الشخصي و ممكن البعض يختلف معايا ، عموما انا اشجعك لو لديك الصبر و المقدرة و الله الموفق طبعا و انا مستعد لاي مساعدة اخي الكريم

[green_oasis]

متشكر جدا للاخ Michael Youssef
وبتمنى باقى الاخوة يردوا علينا برضه عشان نعرف برضه ارائهم ايه ونستفيد من خبراتهم بسوق العمل زى ما الاخ يوسف افادنا
وربنا يكرم الجميع يارب

[Michael Youssef]

ان شاء الله هيردوا عليك ، المجتمع هنا في النتدي فعلا شيء نادر جدا و كلهم احسن من بعض

[Eng\M.said]

السلام عليكم ورحمة الله وبركاته

بوص ياباشا هندخل فى الموضوع على طول ومش هقعد اقولك على حسب الشركة هنقول المفيد العمل فى مجال الشبكات بدون خبرة بتكون فريسة ليهم بمعنى انه لو عايز حد ضرورى وانت معندكش خبرة بقصف المرتب

المعتاد عليه يعنى لو حضرتك معاك CCNA ,MCITP بدون خبرة بره مصر مثلا فى السعودية هتبداء من 3000 ريال الى 5000 بحد اقصى طيب نفس الشهادات دى بخبرة عملية لا تقل على 3 سنين الحد الاقصى 7000 ريال

تمام طيب نذود شوية ونقول كمان CCNP , CCIP مثلا بحد اقصى ومش من اول تعين + خبرة برده 9000 ريال طيب ليه كده لان اساسا CCIE بيتعين على 10000 ريال ودى اعلى شهادة تمام

نصحتى ليك بعد الكلام ده انك تحاول توصل لاقصى الشهادات الممكنة فى المجال ده كفاءة مش ورق لان التميز دلوقتى فى تعدد الكفاءات مش زى زمان التخصص فى مكان واحد وربنا يوفقك

واعلم ان الله لا يضيع اجر من احسن عملا

[Michael Youssef]

معلش تقصد ايه بكلامك
التميز دلوقتى فى تعدد الكفاءات مش زى زمان التخصص فى مكان واحد

[d587521]

......:D شكرا :D .......

[green_oasis]

انا متشكر اوى للاخ مشرفنا الكريم Eng\M.said
اللى عرفنا المرتبات عامله ايه فى السعوديه
وانا مبسوط الحمدلله ان فى ناس اهتمت بسؤالى وتعبت نفسها ورديت عليا
ربنا يكرمهم جميعا يارب ويوفقنا كلنا ان شاء الله

[green_oasis]

ياريت لو فى حد عنده رأى تانى بخصوص موضوعنا يرد
الموضوع مفتوح للمناقشة

[Dr.MHafez]

تم تعديل العنوان لما يتناسب مع محتوي الموضوع

برجاء الأطلاع علي القوانين و الشروط الخاصة بالمشاركة في قسم الشهادات العام

https://arabhardware.net/forum/showthread.php?t=281173

شكراً لك .

[يسرى م]

متشكر جدا