كل هم يزول حينما تجد الحلول

[ابن غنام]

السلام عليكم ورحمته وبركاته
واضح الجهد المبذول في هذا الموقع وابسط كلمة تقال في حقكم من لا يشكر الناس لا يشكر الله
------------------------------------------
الحقيقه انا ابشركم عملت راقل وقلت ابطور كمبيوترنا بالعمل وابشركم شريت هارددسك 40 قيقا لكن طلع الهارددسك مش راقل لما خذلني وما ضبط .....ايه المشكله فيه لاحد يقول غير كذا.
المهم كان كمبيوتر عملنا 2 قيقا .
قريت كيف استطيع اثبت 2 هارددسك صراحه محد يعرف يفهم بالنت .......ايه هم مايفهمون لاحد يقول غير كذا.
قلت ابركبه اقصد الـ40 قيقا لحاله فكيت اسلاك الاول حطيتهم بابو 40 قيقا ....سويت فورمات للـ C ونصبت 98 وندوز ورقيته الى 2000 وندوز تمام................وين رايحين اصبروا.
تدرون اني لقيت الهارددسك سعته او حجمه تقريبا 2 قيقا........
وش الحل واتمنى شرح مبسط ودقيق لان خويي فهمه على قد حاله........ايه انا ابقرا الشرح بس هو مايفهم راعو حالته العقليه هو مايفهم..لاحد يقول غير كذا

ملاحظة لاحد يقول لي فين تشتغل
فيييييييين تشتغل

والسلام عليكم ورحمته وبركاته

[ابن غنام]

اقصد ماطلع لي الا تقريبا 2 قيقا واختفت الـ38 الباقيه وين راحت وش الحل وش اخطيت فيه

[vip1]

فين تشتغل انت ؟



لا امزح معك

والله ما عندي خلفيه عن مشكلتك بس عجبني عنوان الموضوع (z)

بايو

[ابن غنام]

خل هالسؤال لين بكره يمكن يفصلوني يقولون اهدار بالمال العام

[Om51]

اقترح تجهز Bootup Disk من اي نظام ويندوز 98 - من لوحة التحكم ستجد ذلك الخيار ..
بوت من الدسك واستخدم FDisk لتقسيم الهاردسك

وربما المذربورد عندك قديم ولا يدعم المساحات الكبيرة


(ونصبت 98 وندوز ورقيته الى 2000 وندوز تمام................وين رايحين اصبروا.)
فعلا اعتقدنا المشكلة انتهت , كويس انك نبهتنا

[أم سامر]

صحيح يمكن الماذر بورد لا يدعم الرامات الكبيره او اللي اكبر عن 2 غيقا...والله اعلم ..

[Khattab]

وعليكم السلام ورحمة الله وبركاته:

ياخي ليش تركب 98 ثم ترقيه إلى 2000؟ ركب 2000 مباشرة.

المشكلة فيما أرى أنك فرمت القرص بنظام FAT16 (اللي ما يدعم مساحة أكبر من 2 جيجا) وبالتالي لم يظهر لديك الا 2 جيجا.

الحل:

فرمت المساحة الباقية باستخدام FDisk ، وربما يمكن ذلك بالضغط على جهاز الكمبيوتر باليمين>إدارة>إدارة الأقراص ، ثم اضغط باليمين على البارتشن الذي تريد فرمتته واختر فورمات.

[اسلام العمرى]

شكرا على الموضوع

[ابن غنام]

شكرا لتفاعلكم ياخوان ولردودكم.
ياشباب مافيكم واحد يتكلم عربي ........وش قاعدين تقولون قايل لكم خويي فهمه على قد حاله......امزح.
ابقولكم وش سويت خذيت الهاردسك وديته للماي هوم وشربت وقلت ابتفاهم معه ثبت الماجيك بارتشن فعلا لقيت الـ38 Unlocated سويت له كرييت وصار عندي تو بارتشن حملت ال98 ورقيته للـاكس بي...تسالون ليه اسوي كذا لسببين الاول فيه واحد يقول انه خبير ينصح بتثبيت ال98 اول وبعدها ترقيه لاي وندوز احدث.
المهم حملت برامج عليه والامور تمام وديته العمل طبعا الهاردسك بيدي بدون كيس عشان الشباب يشفون ويتسالون يقولون بعضهم ماشاء الله خبير والبعض حسدوين ماعليكم منهم...المهم... ركبته تدرون طلع لي disk error....تدرون وش تمنيت ذيك اللحظه ...اني جايبه بكيس...المهم سويت حركه ماعرف وش فايدتها بس قلت يمكن حطيت الستارت اب وشغلته ويوم طلب الA سويت له ريست رجع نفس الوض دسك ايرور سويتها مره ثانيه وكتبت fdisk رغم اني مافهم شي بهذا الامر بس كتب لي حتى انت يامعفن...مسوي خبير....امزح لاتصدقون كتب كلام كثير بس الي فهمت انه مايدعم اكثر من 2 قيقا .........راح اسوي الي قلت لي عليهادارة الاقراص وابشوف بكره.
سؤال اخر كمبيوترنا كومباك هل توجد طريقه للتخلص من رفض سي دي رام لبعض السيديات مايقبلهم يطلعهم برا.

[Khattab]

السلام عليكم:

"فيه واحد يقول انه خبير ينصح بتثبيت ال98 اول وبعدها ترقيه لاي وندوز احدث"
ما عليك من كلامه .. تراك أبخص منه ، ركب الويندوز اللي تبي علطول.


"طبعا الهاردسك بيدي بدون كيس عشان الشباب يشفون ويتسالون يقولون بعضهم ماشاء الله خبير والبعض حسدوين ماعليكم منهم...المهم... ركبته تدرون طلع لي disk error"

المفروض قلت لهم .. أنا جاي أوريكم بعض مشاكل الهاردسكات

المشكلة والله أعلم .. أن الويندوز متعرف على الأجهزة اللي في كمبيوترك اللي في يور هوم .. يوم حطيته في كمبيوتر العمل .. قعد يدور ذيك الأجهزة ما لقاها!!
لذلك .. ركبه في العمل وفرمته ..بعدين ركب ويندوز.

"راح اسوي الي قلت لي عليهادارة الاقراص وابشوف بكره."
ما يحتاج .. طريقتك مضبوطة ، المشكلة من اللي قلت لك فوق.

"سؤال اخر كمبيوترنا كومباك هل توجد طريقه للتخلص من رفض سي دي رام لبعض السيديات مايقبلهم يطلعهم برا."
غيره

[ابن غنام]

شكرا لتفاعلك اخي khattab
شكل كثر الاسئله بتطلعني على حقيقتي ...من جنبها.....رحت اليوم الصباح بدري قبل الشباب بيدي الهارددسك والكيس بجيبي........اوه نسيت تصدقون مع اني جاي بدري ليه ماحطيت الهارددسك بالكيس دامني جاي بدري....اوه نسيت اني خبير.........المهم.
رحت بسيدي الوندوز (اخص بي ) بس عيا مايقبل مسار winxp\loc\setup.exe وفتحت السيدي بكمبيوتر ثاني ابي اعرف مساره لقيت على طول من يوم تفتحه فيه setup وشلون اكتب مساره بهالحاله.
انا داري كثير مثلي يتميلحون بالعمل بس اقول تعلمو قبل تبلشو

[Khattab]

السلام عليكم :

الله يحفظك .. ويندوز "أخص بي" ما فيه Loc ، يعني السيدي يا عربي يا عنقليزي.

وإذا بغيت تركبه رح للبيوس ومن خيارات Boot Sequence خل السيدي هو أول واحد ، ثمين شغل الكمبيوتر والسيدي في وسطه ، وانتبه للشاشة بيقول لك كلام نسيت وشو (الظاهر أنه To boot from CD press any key) وجنبه نقط تزيد حبة حبة .. إذا شفته رص أي زر .. ثمين كمل المشوار.

[ابن غنام]

لسلام
داري ان ابلشتك بس تدري تستاهل محد قالك عطني وجه.......
رحت ياطويل العمر اليوم حاولت ادخل للبيوس ماقدرت ضغطت delete مانفع ضغطت F1 مانفع F2 مانفع F12 مانفع كل الافات مانفعت همن ضغطت ctrl طلع لي خيارات واحد normal اثنين
(boot log.txt\)
ثلاثة safe mode اربعة step-by-step confirmation
مانفع ولا واحد منهم وش الحل طبعا كان ابي اقلع بالسيدي عشان كذا ابي اختار من البيوس
لان وندوز 98 السيدي حقه مايقبله الكومباك

بغيت اغيرالسيدي رام حق الكومباك وقالي واحد يختلف اسلاكه لان فيه ابره pin زايد وش رايك هل لديك خلفية عن الكومباك او تسال احد تشوف اذا امكن تجاوز عدم قبوله لبعض السيديات

[Khattab]

فعلاً شكلي عطيتك وجه

شف يالحبيب .. عشان تدخل البيوس لازم ترص الزر المطلوب من يوم يشتغل التسمبيوتر ، ورصه أكثر من مرة عشان تضمن أنه يدخل البيوس ، جرب هالحركة بـ Delete ومرة F2 ومرة F10.. وان ما نفع عطني مديل هالكمباك الغثيث.

"وقالي واحد يختلف اسلاكه لان فيه ابره pin زايد"

ما هقيته!
لكن عطني مديل الجهاز.

[ابن غنام]

شكرا اخوي
كيف اطلع الموديل
ماعتقد ان معه استماره........امزح