بخصوص سعر كارت gtx 680

**mohamedsamy123** · 30-03-2012, 17:18

السلام عليكم,

ازيكم الاول يا شباب , طبعا كلنا فرحانين بنزول كروت انفيديا اخيرا بس المشكلة الاكبر كالعادة بتكون في السعر و الاختلاف فيه انا سمعت من بعض الاعضاء الكبار هنا في المنتدى ان سعر الكرت العالمي بيساوي 3000 جنيه مصري بس لما شفت الاسعار في مواقع عالمية كتير لقيت ان سعر الكرت 3800 جنيه و لقيته في مصر 3600 فا ازاي؟؟ :confused:

**yossefzied** · 30-03-2012, 17:34

عادي علشان لسه نازل ..... ودا طبيعي إنك تلاقي الحاجة في مصر أغلي من السعر العالمي علشان إنت بتشتري من موزع مش فرع معتمد للشركة ودا بيحصل تقريبا في أي حاجة موبايلات ... عربيات .... شاشات ... ونصيحة لو ناوي تشتري كارت بالسعر دا يبقي إستني لما النسخ الأحترافية تنزل وغالبا هتكون بنفس السعر دا لكن هتكون أداء أعلي

**unexpected** · 30-03-2012, 17:42

وعليكم السلام
اخي الكريم طبيعي ان يكون السعر مرتفع ويفرق عن الماكن الاخرى لكن الافضل لك الانتظار ان كنت ناوي تشتري الكرت
والافضل تذكر جميع مواصفات جهازك

**samehhero** · 30-03-2012, 17:47

هناك زيادة 600 جنيه عن السعر العالمي، ولا أدرى لماذا اهو استغلال للفرصة ام لعدم وعي من المستخدمين ام ماذا؟؟ فنرجوا من الشركات او التوكيلات التي قامت بتواجد المنتج في الأسواق أو يردو ا على أسألتنا؟؟ فأنا أرى استخفاف بالمستخدم غير عادي وكأننا مازلنا في العصور الوسطى هل لأن كارت HD 7970 بـ 3600 جنيه يبقى اخلي كارت GTX 680 بنفس السعر علشان سحبه ميقلش؟؟

**mohamedsamy123** · 30-03-2012, 17:58

هو تمام كلام حضراتكم بس انا بتكلم على ان في مواقع شهيرة مثل امازون و غيرها بتبيع الكارت بسعر عالي جدا يساوي 3800 جنيه فا دي كانت المشكلة ان اصلا بره رافعيين السعر عالي جدا و هو و لا فيه نسخ احترافية و لا حاجة

**samehhero** · 30-03-2012, 18:03

هتلاقيه OUT OF STOCK يعني المواقع بتحجزة قبل مينزل للأسواق بسعر عالي وبتبيعة قبل ميعاد النزول الرسمي بكام يوم، واول مبينزل سعره بينزل تاني ولو منزلش هتلاقيه OUT OF STOCK

**DreAmO** · 30-03-2012, 20:08

خلي بالك الكارت دة لو عايز تستفاد من امكانياته صحيح

لازم تبني عليه جهاز من اول وجديد .. علشان البورده والبروسيسور يتوافقوا مع الكارت

انا رأي ان الكارت مش مناسب للي عايز يغير كارت الشاشه فقط

لكن مناسب للي هيجمع جهاز جديد

**unexpected** · 30-03-2012, 20:15

المشاركة الأصلية كتبت بواسطة DreAmO

خلي بالك الكارت دة لو عايز تستفاد من امكانياته صحيح

لازم تبني عليه جهاز من اول وجديد .. علشان البورده والبروسيسور يتوافقوا مع الكارت

انا رأي ان الكارت مش مناسب للي عايز يغير كارت الشاشه فقط

لكن مناسب للي هيجمع جهاز جديد

حتى لو كان شخص يملك جهاز مستعمل مثلا معالج 2500K او 2600K
سيستفيد من الكرت ولا حاجة لجهاز جديد