معلش عايز أعرف طريق سوق العصر ؟؟
السلام عليكم يا شباب معلش أنا مش عارف أحط الموضوع فين يا ريت المشرفين يستحملوني ^_^
بإختصار شديد عايز أروح مول سوق العصر اللي في شارع الخليفة المأمون بس مش عارف المواصلات ... أنا رحت قبل كدا مرة بس مش مواصلات ... دلوقتي أنا من الشرقية ممكن أوصل القاهرة عن طريق زراعي أو صحراوي .... الزراعي هنزل عند محطة مترو الزراعة والصحراوي هنزل في موقف السلام ؟؟ وبعد كدا أركب إيييييييييييه ؟؟؟
لو نزلت عند محطة مترو الزراعة اركب المترو و انزل محطة الدمرداش و بعد كده اركب اى اتوبيس رايح روكسى او مصر الجديدة و انزل عند سوق العصر
و لو نزلت عند موقف السلام اركب اى حاجة رايحة رمسيس او غمرة و بعد كده اركب اى اتوبيس رايح روكسى او مصر الجديدة و انزل عند سوق العصر
ألف شكر .... محطة الدمرداش دي علي أنهي خط مترو ؟؟ يعني هغير الخط ولا لأ ؟؟ أصلي مش فاكر إنها علي خط شبرا الجيزة :confused:
لو نزلت محطة كلية الزراعه : انزل محطة الشهداء ( المخلوع سابقا ) اطلع فوق الشارع حتلاقى تروماى قديم اركبه و انزل روكسى و اسال هناك حايدلوك على سوق العصر و السخاوى و ده اسرع من المواصلات العاديه عشان زحمة الطريق
ألف شكر:ah7:المشاركة الأصلية كتبت بواسطة mohamed_abdall
طبعا ده اسهل بكتير
الطريقة الثانية اركب يا عم يوسف اتوبيس شرق الدلتا صحراوى وانزل عند كبرى الفنجرى 5 دقايق بالتاكسى وتكون فى سوق العصر .... لو رجليك حلوة تمشيها :D
ياااااااااااااه فينك يا راجل من زمان كنت ناوي أتصل بيك أسألك بس قلت بلاش أزعجك ^_^
أنا شخصيا مش بحب الأتوبيسات بس وغالبا هاخد التروماي دا وخلاص
خلاص أنا هقوم أجهز بقي وهنزل .... دعواتكم إن الطريق يكون سالك ^_^ .... بجدد شكري للكل :ah7:
يغلق
يجب عليك عمل الموضوع في القسم الصحيح حتي لا تتعرض لمخالفة
التعديل الأخير تم بواسطة Ahmed Abdelwahab ; 31-03-2012 الساعة 15:18
ضوابط المشاركة
المفضلات