مساعدة من الاخوه الاعزاء

**Ramy.cs85** · 02-04-2012, 13:14

يا جماعه لو سمحتوا ممكن حد يقول لى ايه هى افضل طريقه للبحث عن عمل فى مجال الIT وايملات وعناوين الشركات؟ واشهر المواقع الفعليه "لان فى مواقع كتير ملهاش لازمه"

ولكم جزيل الشكر على المساعده يا اخوان

**Michael Youssef** · 02-04-2012, 14:15

هو في طرق كتيرة بس بترجع للشخص و خبرته في المجال ، الاصعب طبعا للمبتدئين و لكن في شركات كتيرة محتاجة كل يوم. انت بتدور علي وظيفة ايه بالظبط؟

**Ramy.cs85** · 02-04-2012, 16:02

انا خريج علوم قسم علوم حاسب وحاصل على ccna certificate وشغال مهندس كمبيوتر فى مصنع دهب وعملت self study لل mcse و الشركه اللى شغال فيها حاليا فيها :

domain server 2008
exchange server 2007
isa 2006
oracle11

بجانب صيانة اعطال الاجهزه العاديه والطابعات

**Michael Youssef** · 02-04-2012, 16:20

جميل بس انت محتاج MCITP ENTERPRISE ADMIN علي الاقل علشان تلاقي شغل

**Ramy.cs85** · 03-04-2012, 18:01

شكرا جزيلا اخ مايكل على التواصل بس هو :
لازم certificates ولا ممكن اعمل لها Self study؟
وبعد ما اخد الكورس ايه اسهل طريقه للبحث عن عمل؟

**Michael Youssef** · 03-04-2012, 18:12

أخ رامي الشهادة مش لها دعوي انك واخد كورس او ذاكرت لوحدك ، الكلام ده في شهادات تانية خالص زي CEH. في الشهادة د مش هينفع تروح تمتحن غير لما تاخد الكورس او يكون عندك خبرة في مجال امن الشبكات سنتين علي الاقل.
لكن مع MCITP انت قدامك الخيارين ، لو تقدر تذاكر لوحدك و تمتحن خلاص مفيش مشكلة. لو عايز توفر وقت جامد خد الكورس بس المشكلة هتخده فين؟ اغلب المراكز العملية تجارية بحتة بالنسبة لهم فخلي بالك كويس اوي.
مش في طريقة سهلة تبحث عن عمل في الوقت و الظروف الحالية بس خلي بالك انك بتتعلم علشان تطور من مهاراتك لغاية متيجي فرصة كويسة.
لو انت مبتدأ هتحتاج تدور في المنتديات و في الجرايد عن عمل ، استغل كل فرصة متاحة و مش تقول مفيش شغل لان في شغل بس عايزين ناس فعلا فهمة مش مجرد معاها شهادة
بالتوفيق بس ركز و ابدأ و توكل علي الله