أريد لابتوب بشاشة مميزة

[HishamShafai]

الإخوة الخبراء , أريد شراء لابتوب بشاشة من نوع IPS و ليس من نوع TN (الشائع الإستعمال لرخص ثمنه ) لأن النوع الأول يعطى صورة و ألوان حقيقية و اضحة من جميع الزوايا و هذا النوع مفضل للمتعاملين مع الصور و الفيديو , لذا أرجو ممن يعرف طلبى موجود بأى موديل متوفر بمصر و يفضل معالج I5 أو I7 و لكم الشكر.

[HishamShafai]

بجد ياجماعة إتصدمت عمالقة الهاردوير مش عارفين أجهزة بشاشات isp و تكون متوفرة بمصر , طيب بلاش الطلب الرخم ده , حد يعرف موديل لابتوب لفت نظركم بصورته و ألوانه الزاهية و عجبكم من النظرة الأولى .

[صلاح9]

والله سؤالك صعب جداً جداً.. انا كنت ابحث مثلك على لابتوب بشاشة IPS ولكن اتضح ان الشركات تنتج موديل معين من لابتوت ولكن تنزل مجموعه من نفس الموديل بشاشة TN ومجموعه اخرى بوقت اخر بشاشة IPS!!

اذا مصر على شاشات IPS، فتقدر تشتري لابتوب من ماركة Apple ولكن سعرة غالي جداً

[HishamShafai]

والله عندك حق لكن المشكلة فى التجار الذين يبحثون عن الرخيص ليحققوا أكبر ربح و لاهم فاهمين ips من TN أهى حاجة تجيب صورة و خلاص.

[HishamShafai]

الإخوة الأعزاء خلاص وجدت طلبى و إشتريت samsung RF511 S06 بشاشة ماشاء الله رائعة و إمكانيات خارقة معالج I7 2670QM كاش 6 ميجا , رامات 8 جيجا , هارد 1 تيرا , و محرك إسطوانات بلو راى , بالإضافة لويندوز7 نسخة أصلية طبعا السعر عالى لكن يعتبر كويس بالنظر للمواصفات كان سعره 6500ج و كان يوجد خصم عام فأصبح 6300ج و على فكرة دى أعلى مواصفات فى هذا الموديل و جميع المراجعات تمدح هذا الموديل , حبيت أبلغكم لتعم الإستفادة.

[Gestapo]

مبروك عليك الجهاز .... حقيقة ما شاء الله مواصفات رائعة

تقبل تحياتي اخي الكريم

[HishamShafai]

شكرا أخى الفاضل

[Mero2x2]

يا ريت لو تعملنا رفيو للجهاز مدعم بالصور ... والف مبروك علي الجهاز

[Gestapo]

يا ريت لو تعملنا رفيو للجهاز مدعم بالصور ... والف مبروك علي الجهاز

اضم صوتي لصوت الاخ Mero2x2

[HishamShafai]

يا ريت لو تعملنا رفيو للجهاز مدعم بالصور ... والف مبروك علي الجهاز

والله كنت أتمنى ذلك ولكن وقتى ضيق على العموم الموديل ده مشهور برة و الكل بيشكر فيه هو بس عيبه الوحيد إن شكله كلاسيكى شوية و مافيهوش بهرجة زيادة حتى فى المنتديات الأجنبية واحد يشبهه بالخطيبة اللى مش جميلة قوى و لكن شخصيتها قوية جدا و هو فعلا كذلك , يكفى أن شاشته لم أرى مثلها فى أى لابتوب و ده اللى يهمنى , و الجهاز له عدة إصدارات كل شوية يطوروه و يعطوه رقم جديد حسب الهاردوير الموجود أو الدولة التى يباع فيها يعنى الموديل الأساسى هو SAMSUNG RF511 ثم يأتى بعد ذلك الرقم المتغير حسب الهاردوير و البلد و هذا الرقم هو S01 إلى S09 الموديل الذى معى هو S06 و لكن إذا دخلت على جوجل للبحث يظهر لك لغات غريبة يبدو إنه يباع فى اليونان و لكن نفس الموصفات اللى عندى و جدتها بالبحث فى رقم S09 و يبدو إنه يباع فى أمريكا تحت هذا الرقم يعنى لو عاوز تشوفه خش على جوجل ب SAMSUNG RF511 S09 و شكرا لإهتمامك.

[karimkapo]

والله كنت أتمنى ذلك ولكن وقتى ضيق على العموم الموديل ده مشهور برة و الكل بيشكر فيه هو بس عيبه الوحيد إن شكله كلاسيكى شوية و مافيهوش بهرجة زيادة حتى فى المنتديات الأجنبية واحد يشبهه بالخطيبة اللى مش جميلة قوى و لكن شخصيتها قوية جدا و هو فعلا كذلك , يكفى أن شاشته لم أرى مثلها فى أى لابتوب و ده اللى يهمنى , و الجهاز له عدة إصدارات كل شوية يطوروه و يعطوه رقم جديد حسب الهاردوير الموجود أو الدولة التى يباع فيها يعنى الموديل الأساسى هو SAMSUNG RF511 ثم يأتى بعد ذلك الرقم المتغير حسب الهاردوير و البلد و هذا الرقم هو S01 إلى S09 الموديل الذى معى هو S06 و لكن إذا دخلت على جوجل للبحث يظهر لك لغات غريبة يبدو إنه يباع فى اليونان و لكن نفس الموصفات اللى عندى و جدتها بالبحث فى رقم S09 و يبدو إنه يباع فى أمريكا تحت هذا الرقم يعنى لو عاوز تشوفه خش على جوجل ب SAMSUNG RF511 S09 و شكرا لإهتمامك.

طيب الجهاز عامل معاك ايه ما شاء الله؟؟؟

[karimkapo]

وماشاء الله بيشغل ثري دي

[HishamShafai]

الحقيقة لم أجرب لأنى ماجبتش ألعاب حديثة و يوجد مقاطع عل اليوتيوب جايبة الجهاز شغال أحدث الألعاب أقصى مستوى . الشيء الذى يميز هذا الجهاز هو صفاء الشاشة و التباين و الكونتراست و هذا لم أجده فى أى لاب آخر وده إللى كان يهمنى و أبحث عنه قبل الشراء .

[karimkapo]

طيب معلش عاوزين معلومات اكتر عن الجهاز وهو شغال معاك ربنا يحيمك ويحميه المهم عامل معاك ايه فى الشغل بيسخن معاك بيقعد كام ساعه من غير شحن لحظت فى اي عيوب مثلا والضمان قد ايه واشتريته من اني مكان ؟؟ياريت متبخلش علينا فى المعلومات بارك الله فيك

[HishamShafai]

الملاحظ حتى الآن أن مافيش ريحة السخونة خالص بالمقارنة بلاب hp عندى بيولع أثناء التصفح , ده غير ملحوظة غريبة جدا و هى الهدوء الشديد للجهاز فلا أسمع صوت الهارد أو البلوراى أو المروحة لدرجة ساعات أفتكر إن الجهاز باظ , مكان الشراء مول السخاوى , الدور الأرضى و مش حقدر أقول إسم المحل علشان قوانين المنتدى .