السلام عليكم ورحمه الله وبركاته
انا كان عندى استفسار صغنن عايز اعرف اجابته من الخبراء
وخير الناس انفعهم للناس وجزاكم الله كل خير مقدما ^_^
ايه آرائكوا عن الماك انا نزلت نسخه ماك Mac OS X 10.6.3 retail.iso
7.5 جيجا
وانا عمرى ما اتعاملت مع الماك او بتعبير ادق معرفش حاجه عنه نهائى
فأولا : هحط النسخه دى على اسطوانه 8 جيجا واحرقها وأبوتها زى اى اسطوانه ولا فيه حاجه تانيه
وثانيا لاحظت مصممين جرافيك كتير بيشكروا فيه وانا مش مصمم ولا حاجه اخوكم فى قسم هندسه مدنيه بس انا بعشق الجرافيك
فكنت حابب انى اسطب الماك ومعاه ويندوز 7 عشان اعرف اشتغل ع البرامج الانشائيه بتاعتى وياريت من غير ما أعد اعمل ريستارت للجهاز من خلال برنامج وهمى او ما شابه
وايه هى مكونات الجهاز الشخصى اللى مطلوبه ؟؟؟؟
وياريت لو فيه برامج تشغيل فيديو و برامج فك ضغط ومتصفحات ومجموعه الاوفيس والبرامج اللى موجوه ع مايكروسوفت بالنسبه للماك
ولا طالما هسطب مايكروسوفت معاه يبقى مش لازم ان كل البرامج اشغلها ع الماك بس ؟؟؟
وازاى اعرفه ع المازربورد وايه التعريفات المطلوبه ؟؟؟؟ واسطوانه التعريف بتاعت المازر ليها فايده ولا ؟؟
طب وبالنسبه لبرنامج فوتوشوب واليستريتور والفرش والاستيلات العاديه اللى على الويندوز العادى هى هى ع الماك ولا لأ ؟؟
وازاى اسطبه من غير ما الهارد كله يتفرمت ؟؟؟
اصلى جربت قبل كده كحب استطلاع اسطب ويندوز لينكس من غير ما اشوف اى طريقه لتنصيبه بالتجربه والهارد كله اتفرمت وبقى بارتشن واحد بعد اما كان 5 هههههههههه
وهل فيه برامج بتشتغل ع الويندوز العادى وع الماك وهى "نفس الاصدار من غير اختلاف "
والسؤال الأخير انا نزلت النهارده نسخه الاوتوكاد 2013 لويندوز الماك من اوتوديسك هل لما اعمل شغل واحفظه من البرنامج واروح اطبعه فى اى مكتب طباعه شغال على ويندوز مايكروسوفت هيطبع عادى ولا لأ
واستخدم كاد مايكروسوفت ؟؟؟
ياريت لو تعلمونى وتساعدونى بفيديوهات
وجزاكم الله خير الجزاء
المشاركة الأصلية كتبت بواسطة piooneer
جزاك الله كل خير ^_^ بس انا فى حاجات مش فاهمها ^_^
ضوابط المشاركة
المفضلات