الموضوع
انا عندي سي دي روم وعندي نسخة ويندوز اكس بي علي اسطوانة
بس انا جيبت نسخة كويسة للجهاز وحديثة أحدث من اللي عندي
المهم كنت نفسي انسخها علي اسطوانة عشان اسطبها بس للاسف السيدي ريتر اتحرق
فمش هعرف انسخ عليه فاضطريت احاول اسطبها من الفلاشة انا بسطب نسخة اكس بي عشان عندي مشكلة في النت
المهم كان بيبدا تسطيب عادي جدا بس جه عند اختيار الفرمتة ودوست انتر لقيته بدل السي بيفرمت الدي وعليه داتا مهمة جدا بالنسبة ليا وكتيرة فخوفت وقفلت الجهاز وفتحته تاني من زرار الباور عشان الحقه قبل ميفرمت الدي
فجربت اعيد تسطيب الويندوز من نفس الفلاشة هنا بقا المشكلة ظهرتلي اول صفحة بيقعد ينزل الملفات العادية دي عادي جدا وبعدين يجيبلي الاختيارات اللي هيا ريبير ايسكيب نوت ريبير اللي هيا اول خطوة في اول صفحة
فلما بجي ادوس علي اي اختيار مش بيستقبل اي امر جربت اعمل ريستارت
بالزراير كنترول الت ديليت او اعمل ايسكيب او اشيل الفلاشة مش عايز حتي يدي ايرور او اي رسالة
و مش راضي كمان يعمل ريستارت غير من زرار الباور نفسه فاضطريت اعمل كده انا قولت يمكن معلق لانه اول مرة يعملها
المهم فضلت وراه تلات او اربع مرات مرتين بالفلاشة بجربها ومرتين بالاسطوانة العادية اللي فيها نسخة قديمة ونفس المشكلة
وانا هتجنن بجد ومش عارف المشكلة دي ايه فيا ريت لو حد يقدر يساعدني ويقولي اعمل ايه عشان اخلي الهارد يقبل الفرمته وتسطيبة الويندوز العادية لانه كان بيقبل ودلوقتي مش بيقبل
منتظر مساعدتكم اخواني الكرام جزاكم الله كل خير
المفضلات