موضوع مهم بخصوص الشحن وادعوا مشاركه جمع الاخوه من خارج القاهره للاستفاده

[محمد خليفه 1]

الموضوع يتلخص فى الاتى
اخوه افاضل كتير بتطلب شحن حاجات من القاهره للاقاليم
فى حاجات مهمه عايز الاخوه تدينى راى فيها

1-لو مثلا شحنت اى منتج وخلال الشحن( طبعا مع افتراض حسن النيه امام الله)
حدث تلف فى المنتج ده من خلال شركه الشحن مين اللى هيتحمل ده

2-هنتفرض ان العميل فى الاقاليم اكتشف انه فيه عيب فى المنتج وطلب يرجعه او يستبدله ده طبعا مش عيب فى الشحن مين هنا بيتحمل الشحن رايح جاى

3-فى حاله ضياع الطرد اصلا فى الشحن وكان الطرد قيمته كبيره واى شركه شحن مش بتدفع تعويض اكتر من 200 جنيه يبقى مين اللى يتحمل

خلاصه الموضوع انا كبائع بتنتهى مهمتى عند تسليم الطرد للشركه ولا انا مسئول حتى يستلم الطرف المرسل ايه الطرد

ارجو من الاداره انه فى حاله الوصول لصيغه مناسبه اننا نعمل موضوع مثبت ونقول فيه قوانين الشحن ولكم منى التحيه

[barca_addict]

بخصوص بند ان البائع مسئوليته تخلص عند تسليم البضاعه للشركه
هى فكره كويسه بس مع افتراض سوء النيه فى البائع هو الى حط البضاعه تالفه من الاول واتهم ان شركه الشحن هى الى اتلفت البضاعه
كده حق الى اشترى البضاعه هيضيع بين الاثنين

[محمد خليفه 1]

بخصوص بند ان البائع مسئوليته تخلص عند تسليم البضاعه للشركه
هى فكره كويسه بس مع افتراض سوء النيه فى البائع هو الى حط البضاعه تالفه من الاول واتهم ان شركه الشحن هى الى اتلفت البضاعه
كده حق الى اشترى البضاعه هيضيع بين الاثنين

مشاركه جميله جدا طيب ايه رايك المفروض يبقى ايه الحل سيبك من حسن النيه وسوء النيه هنتعامل مع الوضع بدون نوايا نحول الموضع لقانون او لعرف نتعامل بيه

[ahmedelsabbagh]

المفروض اللى يطلب شحن يكون عنده الثقة فى الشخص اللى بيشترى منه ولكن طبعا ده لا يعفى من حدوث اى مشكلة ولكنها اعتقد بتكون قليلة جدا جدا لو شركة الشحن موثوق فيها ..

هناك موضوع مثبت فيهشرح لطريقة الشحن .. ممكن يضاف اليه بعض النقاط للتنبيه
https://arabhardware.net/forum/showthread.php?t=232413

[altowyran]

اخي الكريم موضوع غايه في الاهميه
وفعلا ناس كتير جدا عانت من الموضوع دا بس فيه حل كويس جدا ايه المانع ان ىكون فيه مكان مخصص لتجربه الاشياء قبل الشحن ولتكن شركه مصغره مثلا لها فرع في القاهره وفرع في الاسكندريه ومقابل معاينتها للطرد المرسل تتقاضي مبلغ من الراسل والمرسل اليه وبكدا يبقي المشتري لما يتغرم مبلغ بسيط في سبيل ان حاجته توصل سليمه مش هيعترض طبعا وبكدا يبقي البائع والمشتري في حل من موضوع حسن النيه وشوء النيه دا وفي انتظار اقتراح باقي الاخوه
وفي انتظار اقتراح باقي الاخوه

[sprocketgear]

1-والله فعلا ديه مشكلة كبيرة لكن أغلب الاعضاء المحترمين هنا بيشتغلوا بالسمعة وده يعتبر أحد الحلول ألا هو ان يكون العضو معروف بسمعته بين باقى الأعضاء فبالتالى حاجته موثوق فيها وأكيد هيشحن الحاجة سليمة.

2-المشكلة الحقيقية تكمن فى الأشخاص الغير معروفين فلازم تست قبل الشراء وملوش حل غير ان الشخص يروح بنفسه يشترى ويتستت حاجته والا يستحمل بقى لو طلع الطرف التانى نصاب ورمى العيب على شركة الشحن.

3- أخيرا لو طلع فى عيب فعلا فى المنتج ( عيب تصنيع) المفروض الطرفين يتحملوا تكلفة الشحن مناصفة.

طبعا بقى يفضل فى الشحن التعامل مع شركة محترمة لضمان وصول الحاجة سليمة وبلاش الناس تسترخص