استفسار

[Mohamed Waly]

السلام عليكم ورحمة الله وبركاته
انا امتحنت امتحان الانفرا من 15 يوم بالظبط وده كان اول امتحان ليا فى الكورس والحمد لله جبت 850 لكن لغاية دلوقتى لم يتم ارسال الشهاده الخاصه بالانفرا
ياريت حد يقولى السبب من ايه
وشكرا

[Michael Youssef]

الاول مبروك
لو امتحنت لاول مرة لازم تستني شوية ، انا في 2002 استنين 6 اسابيع بس اعتقد دلوقتي اقل.
مايكروسوفت مش هتبعتلك شهادة مطبوعة عموما ، لو عايزة هتدفع فلوس. لكن هتلاقي ليك حساب علي MCP Home قريب جدا ان شاء الله ، هيبعتولك ايميل بكل حاجة.

[Mohamed Waly]

الف شكرا يابشمهندس مايكل بس انا اظن ان معظم الناس بتجيلها الشهاده قبل اسبوعين
وبعدين انا دلوقتى عاوز امتحن ال Active Directory بكره فهل هستنى على شهادة الاكتيف فتره طويله برده ولا ايه؟

[Michael Youssef]

فعلا مش عارف ، ان شاء الله يرد عليك واحد يكون امتحن حديثا. انا عندي امتحان انهاردة و دي اول مرة ادخل من 4 سنين.
بس اعتقد مدام لك حساب علي برومترك تقدر تمتحن زي مأنت عايز و النتيجة هتروح لمايكروسوفت.

[Mohamed Waly]

شكرا وياريت يا جماعه حد يكون امتحن من فتره قريبه يقولى الشهاده الاولى جاتله بعد كام يوم وبالتوفيق يابشمهندس فى امتحانك

[Ayman adel IT]

شكرا وياريت يا جماعه حد يكون امتحن من فتره قريبه يقولى الشهاده الاولى جاتله بعد كام يوم وبالتوفيق يابشمهندس فى امتحانك

والله الشهداة جاتني تاني يوم علي طووول
ولسة واحد صاحبي امتحن نفس الامتحان وجاتلة تقريبا بعد 3 ايام
هما هيبعتولك رسالة بعنوان
Congratulations on Your Microsoft Certification! Access Your Benefits

[parto]

الشهادة بتوصل بعد الامتحان بيومين مبتتاخرش عن 3 ايام ع اقصى تقدير " دة فى حالتى ع الاقل "

ممكن تبعت رسالة لميكروسوفت تستفسر بال ID بتاعك ولو حاجز الامتحان من خلال السنتر ممكن تستفسر منهم وهم هيسالوا ميكروسوفت برقمك

[Mohamed Waly]

انا فعلا سألت السنتر وقاولولى انها اتبعتت من زمان بس انا مش استلمت اى رسايل على الميل لغاية دلوقتى فقالولى ابقى اروح يوم الاتنين منها امتحن الا active directory ومنها اشوف الموضوع ده