السلام عليكم ورحمة الله وبركاته
سؤال مهم جداً جداً يا شباب بالله عليكم
أنا كل ما احش في أي منتدي أجده بيتكلم عن مزايا اللينكس وليه اللينكس
الكلام ده كله كويس جداً
بس يا جماعة المشوار في اللينكس عامل إزاي ؟!
يعني لما أتعلم إزاي أتعامل مع اللينكس ده هيوفرلي شغل شكله ايه
بصراحة أنا لسة متخرج جديد من علوم حاسب ولسة لحد دلوقتي محتار بين مجال الويب دفلوبر ومجال اللنكس
بس في مجال الويب دفلوبر الدنيا كلها مفتوحة قصادي يعني فاهم رايح فين وجي منين وأخرتي ايه
بس للأسف المجال ده في ناس كتير
وانا نفسي أتخصص في مجال نادر شوية علشان اعرف أفرق فيه
ومجال اللينكس شيفه المجال ده
بس مش عارف اي معلومات عنه غير أنه أحسن من الويندوز وعارف شوية معلومات اساسية عنه وشوية عن تقسماته
بس مش عارف علشان أكون محترف أعمل أيه
وأمشي إزاي
وأخرتي أيه
والوظائف ألي هتكون قصادي شكلها ايه والمرتبتها كام دلوقتي "يعني وأنا لسة مبتدأ" وبعدين لما يكون عندي خبرة
عاوز أعرف راسي من رجلي في المجال ده
وللأسف النت مفيهوش معلومات كتير غير السابق ذكرها
فياريت يا جماعة حد يقولي وربنا يكرمه
نفسي ارسي علي بر وأبدا مشوار حياتي
وجزاكم الله خيراً
المفضلات