السلام عليكم
واتمنى الجميع يكون بخير
الحمدوالشكر لله نويت اجيب لاب i7
الامكانيات بتعتى تكون رامات عاليه وكذلك كارت شاشه خارجى
والمبلغ من 4000 الى 4600
بس انا محتار ما بين hp وكذلك dell وانا ارحب ب dell اكتر
فياريت تنصحونى بانهى افضل وليه ولو حبيت اشترى يكون منين وشكرا ليكوا
أرشحلك اللابـ توبـ دة بـ سعر : 4,777 جنيهـ
Dell Inspiron N5110-core i7-500GB-4GB-Win7-Black
https://egyptlaptop.com/dell-inspiron-n5110-i7-2670qm-4-500-black-.html
و لو الميزانية متسمحش يبقى تشتري دة بـ سعر : 4,222 جنيهـ
Dell Inspiron N5110-core i7-500GB-4GB-Dos-Black
https://egyptlaptop.com/dell-inspiron-5110-i7-2670qm-4-500-dos-black.html
نفس الإمكانياتـ و لكن بدون نظام تشغيل " ويندوز "
و منصحكشـ بـ HP أبداً
و اشتري اللابـ توبـ من شركة EgyptLapTop
شكرا جدا لحضرتك والله انا فعلا فكرت فى الجهاز ده بالذات
بس ليه سؤال
دلوقتى انا قريت كذا موضوع وشوفت نصايح ان فى حاجه اسمها الجيل الثالث
راى حضرتك استنى ولا مش هيكون فى فرق كبير لانى بصراحه مش فاهم حاجه فيهم وهتبقى ايه اسعارهم
لا ، من ناحية الأسعار هي هتبقى فوق ال6000 تقريباً
فـ لو الميزانية متسمحش يبقى مش لازم تستنى ...
و متنساش تجيب كولر للابـ توبـ عشان الحرارة و ميخربش من اول شهر :D
لو هتجيب اللي بـ 4,222 جنيهـ يبقى هات كولر محترم بباقي الفلوس مش واحد بـ 20 جنيهـ
و شنطة نضيفة للاب
و أنا رأيي تجيب اللي انا مرشحهولك و يفضل إنه يكون بالنسخة
عشان ميحصلش مشاكل في النسخ اللي ممكن تنزلها
نصيحة شوف لاب Dell Latitude وبلاش من ال inspiron مشاكلة كتير و مرتجعاته اكتر وانا ليا واحد اعرفه فى وكيل Dell وبيشتكي منه ..لو لقيت سعرة غالى هات على طول Thinkpad Edge (IBM) جهاز قوى جدا جدا جدا وسعره فوق الممتاز
المشاركة الأصلية كتبت بواسطة MasterInternet
لا ، من ناحية الأسعار هي هتبقى فوق ال6000 تقريباً
فـ لو الميزانية متسمحش يبقى مش لازم تستنى ...
و متنساش تجيب كولر للابـ توبـ عشان الحرارة و ميخربش من اول شهر :D
لو هتجيب اللي بـ 4,222 جنيهـ يبقى هات كولر محترم بباقي الفلوس مش واحد بـ 20 جنيهـ
و شنطة نضيفة للاب
و أنا رأيي تجيب اللي انا مرشحهولك و يفضل إنه يكون بالنسخة
عشان ميحصلش مشاكل في النسخ اللي ممكن تنزلهاجزاك الله خيرا وربنا يباركلك بس ليه سؤال بعد اذنك هل هيكون فى فرق ملوحط بين الجيل الثانى والثالثايوه بس اعتقد مفيش فرق بين الاتنين لانهم نفس الاماكنيات بيختلف بس مع الخامه بتبقى اقوى ولا انا فاهم غلط ؟
لانى بصراحه مش عاوز اجيب حاجه وارجع اندم
نصيحة شوف لاب Dell Latitude وبلاش من ال inspiron مشاكلة كتير و مرتجعاته اكتر وانا ليا واحد اعرفه فى وكيل Dell وبيشتكي منه ..لو لقيت سعرة غالى هات على طول Thinkpad Edge (IBM) جهاز قوى جدا جدا جدا وسعره فوق الممتاز
بالنسبه للجهاز الى حضرتك بتقول عليه رابط للجهاز
يا جماعه انا احترت بصراحه ومش عارف اعمل ايه وشكلى هكبر دماغى شويه اسمع عن الديل انوا الافضل واقول يا مسهل الاقى حد يقولى بلاش ديل ويدينى ماركه مختلفه طبعا وده للمساعده ولحجات كتير شافها
اقول هستنى الجيل الثالث يطلع ان الموضوع هيبقى غالى شويه
وبصراحه مش عارف اعمل ايه وانا اسف على الازعاج
نوعية اللاب توب بتعتمد عـ الميزانية
و الماركة اللي بيقول عليها الأخ egyzero من Dell بارضو Dell Latitude
و Thinkpad من لينوفو و بإعتقادي أنها أفضل من Dell
لكن النوع Thinkpad مش حلو بالنسبة للحاجات اللي موجودة دلوقتي
فحضرتك لو متقدرش تزود الميزانية لـ6000 مثلاً يبقى توكل على الله و اشتري اللي قولتلك عليه ...
و متخفش من أي حاجة ، لو اهتميت باللاب مش هتشوف اي مشاكل فيه
لكن لو أهملته هتندم و دة في كل اللاب توبز عموماً مش Dell Inspiron بس ...
طب ربنا يباركلك بس سؤال اخير وسامحنى على الاضاله
اشترى ديل ولالينوفو
واخيرا شترى منين
واتاكد ازاى من ان الجهاز سليم يعنى افتحوا فى الشركه ولا اعمل ايه
انا فى امكانى اوصل السعر الى 5000
ومش عاوز نسخه ويندوز
يبقى أفضل خيار أدامكـ هو
Dell Inspiron 15R N5110 (i7/8/1TB/Nvidia) Notebook PC
من غير نسخة ويندوز
سعره 4900 من CompuData في سوق العصر
و بالنسبة لإزاي تعرف هو شغال تمام أو لا
إنت لما تاخدوا و لقيت في عيب أو حاجة لا سمح الله
بترجعوا ليهم و بيدوك واحد مكانه و دة نادراً ما بيحصل عشان مش بيبقى فيه عيوب
فـ متقلقش لأنك هتاخد الأفضل
و دة لينكـ اللاب توب https://********.com/product.php?id=13511
تقدر تشوف مواصفاته عن طريق إنك تدوس Description
مش عارف اقول لحضرتك ايه بصراحه
ربنا يباركلك ويجعله فى ميزان حسناتك
وان شاء الله ليه مشاركه تانيه بعد مجيبوا شكرا لحضرتك
مبروكـ مقدماً
و متنساش تحط مشاركتكـ بعد ما تشتريه
نورت المنتدى
اخى الفاضل انا عندى الجهاز دا Dell Inspiron N5110
بس انا جهازى كور i3 والحمد لله بقالة 6 شهور عندى بدون اى مشاكل
وعلى فكرة انا شغل علية شغل جامد يعنى بشغل اللاب اقل فترة بتكون 10 ساعات واوقات اللاب بتاعى بيفضل شغال لمدة يومين متواصلين بدون مايرتاح دقيقة واحدة
والحمد لله مشفتش منه اى مشكلة والجهاز ا شاء الله عليه فوق الممتاز
فما بالك بالكور اى 7 طبعا دى نصيحتى الشخصية ومنكرش ان فى اجهزة افضل منه بس طبعا هتكون اغلى بكتير وانا اتكلمت عن الجهاز دا لان انا معايا جهاز نفس النوع ومجربة شخصيا فى الشغل والالعاب وكل حاجة
وعلى فكرة اشترى من شركة ايجيبت لاب توب شركة كويسة ومضمونة
شكرا استاذ محمد وشكرا استاذ ماستر انترنت
بس انا قررت انى مش هشترى حاجه بصراحه انا كنت معتقد الموضوع اسهل من كدا بس للاسف اراء كتير جدا وكلها مقنعه ومبقتش عارف اعمل ايه
وبقيت محتار بين الديل والاتش بى واخيرا اللينوفو
بالنسبه للديل
https://********.com/product.php?id=13511
والاتش بى للاسف معرفش انواع فيه والكل بيقولى ابعد عن الدى فى وناس تانيه بتقوله ده حلو جدا
واخيرا لينوفو
فى ده Lenovo Ideapad Y570 :cool:
وناس بتقولى استنى 580
وناس تانيه بتقولى شوف dell xps 15 l502x
بصراحه انا اتخنقت
معاش اللي يخنقك
ضوابط المشاركة
المفضلات