كسر سرعة الشاشة من 60 هرتز الى 77 هرتز

[عبدالله ضيف]

بسم الله الرحمن الرحيم

انا اليوم عملت حاجة غريبة جدا طبعا من المعروف ان اى شاشة بتدعم full hd بتبقى شغالة على 60 hz فقط لا غير
انا روحت فى تحكم نيفيديا وعملت ريزيولوشن اختيارى يعنى الى احط الابعاد بنفى او الريزيلوشن وروحت عامل ريزيولوشن جديد 1920 * 1080
ب 77 hz والرزيولوشن اشتغل تمام بدون مشاكل
على فكرة انا شغال على شاشة samsung sa350h بكيبل hdmi وحاليا شغال برزيلوشن 1920*1080 على 77 هرتز
وبكده اكون كسرة القاعدة الى بتقول ان كيبل hdmi مش بيدعم اكتر من 60 هرتز
وكمان عملت حل للشاشات الثرى دى ال 120 هرتز انها تشتغل 120 هرتز على كيبل hdmi س انا مش عندى شاشة 120 هرتز يريت حد يجرب يعمل رزيلوشن جديد من الكنترول بانل بتاع كرت الشاشة ويحط 120 هرتز فى خانة الهرتز يجرب هتنفع ولا لا لو نفعت كده
خلاص وداعا لل dvi كله هيشتغل 3d بدونه وهيشتغل بكيبل hdmi على 120 هرتز ويتمتع بجودة ال hdmi
السوال بقى الى عاوز اعرفه انا دلوقتى مشغل شاشتى على 77 هرتز باعلى رزيلوشن والى هو 1920 * 1080 هل كده فى ضرر على شاشتى لقدر الله ولا ايه يريت التفاعل لان الموضوع مهم

[nanonona]

والله أنا لا أدري كيف فعلت هذا فهو إما أنه هيرتز وهمي أو أنه حقيقي وحال كونه حقيقيا فهو خطر جدا على الشاشة فمن المعروف أن أي هيرتز أعلى مما تدعمه الشاشة قد يدمرها..

ابحث في كاتلوج "manual" الشاشة عن أقصى هيرتز تدعمه الشاشة..

وأذكر واقعة غريبة لأحد أصدقائي كان جهازه ضعيفا وقديما.. ولكنه أراد أن يرفع الهيرتز عندما قرأ أن رفعه يريح العين فكانت النتيجة لخبطة هائلة في الألوان والمفاجأة أنه بعد أن غير الشاشة فوجئ بتأثر كارت الشاشة أيضا وفي النهاية غير الكيسة كاملة.

[عبدالله ضيف]

والله اخى ما انا عارف بس لو هو خطر ما كانت الشاشة اشتغلت عليه عادى وكانت جابت شاشة سوده تقول انه غير مدعوم
بس والله هذه الفكرة لو حد يجربها على شاشة 120 هرتز ويخلى الشاشة تشتغل 120 هرتز على كيبل hdmi واو هتبقى روعة بجد لو نفعة يريت حد من الى عندهم شاشات ثرى دى يجربوها

[nanonona]

حاضر بس أنا عندي كارت AMD فحجرب على بالليل إن شاء الله وعلى مسؤوليتي ..

[عبدالله ضيف]

https://www.hdmi.org/manufacturer/hdmi_1_4/3d.aspx
ده لينك يثبت ان hdmi يدعم 120hz
وكمان على ريزيلوشن 1920 * 1080p
بس لازم يكون الكبل high speed يارجالة
كلامى شكله هيبقى صح بس لازم حد يجرب بقى ويجرب بكابل غالى عالى السرعة عشان ينفع

[nanonona]

أنا جربت بالكابل اللي عندي وكنت شاريه عرض خاص من راديو شاك وأطرافه مطلية بالذهب لكن لا أدري كيف أعرف هو 1.3 ولا 1.4 ولا إيه
على العموم أنا جربته ومش لاقي طريقة أحاول حتى أوود بيها الهيرتز

[محمود مختار]

أنا جربت بالكابل اللي عندي وكنت شاريه عرض خاص من راديو شاك وأطرافه مطلية بالذهب لكن لا أدري كيف أعرف هو 1.3 ولا 1.4 ولا إيه
على العموم أنا جربته ومش لاقي طريقة أحاول حتى أوود بيها الهيرتز

لو الكبل اللي عندك هوه اللي في الرابط ده يبقي 1.4

https://milo.com/auvio-7-ft-hdmi-14-...ethernet-cable

[عبدالله ضيف]

ايوه الكيبل ده 1.4 بس المشكلة ان الطريقة الى بقول عليها لازم يكون حد عنده كرت نيفيديا لان كروت amd مش بتدعم ان يكون سطح المكتب نفسه يكون 120 هرتز مش بتشتغل 120 هرتز غير لما يكون فى حاجة بتتعرض ثرى دى
على العموم شوف اى حاجة فى الكنترول بانل بتعا ع الكرت تسمحلك تعمل رزيولوشن جديد وانت الى تحط صفاته بنفسك يعنى تحط ابعاده وتحط التردد بنفسك وتخلى الكمبيوتر يجربه لو نفع بيحفظه
المهم ناو يريت حد عنده شاشة ثرى دى وكرت نيفيديا يجرب الموضوع ده لانه طلع فعلا حقيقى والكيبل موجود فى الموقع بتاعه انه بيدعم الثرى دى

[Ashraf Ehah Saa]

https://www.youtube.com/watch?v=YPeG0VMMXKw :confused:

[عبدالله ضيف]

يا اخى اشرف حضرتك كده تمام جربت وهو الجهاز لما جاب شاشة سوداء كان معناها ان الهرتز مش هينفع فيريت حضرتك تتأكد من الحاجات دى
اول حاجة اتأكد ان الكيبل المستخدم يكون اصدار 1.4 ويكون كرت الشاشة كمان يدعم hdmi v1.4 وبعدين جرب تانى لو منفعش حاول تقلل الهرتز شوية او تزوده وكل لما تغير حاجة تدوس تست لو الصورة ظهرت عادى وجابلك ياس وكانسل هتدوس ياس وهتلاقى الصورة ثبتت على كده
الرابط الى انا حاطه فوق من موقع ال hdmi نفيسه بيقول ان كابلات hdmi v1.4 بتدعم الثرى دى فأكيد الموضوع هينجح لو توفرت الشروط الى انا كاتبها
ياريت اخى اشرف لو نتكلم على الايميل فى اى وقت فاضى
انت على فكرة ضايفنى بس للأسف كل لما تكون انت فاضى بكون انا مشغول
فيريت تبعتلى رسالة تحدد ميعاد هتفتح فيه وانا بأّن الله هفتح فيه عشان نتكلم
ده ايميلى
abdalla_ronldinho2010cap@yahoo.com
وخلى بال حضرتك لو كان hdmi فعلا مش بيدعم اكتر من 60 هرتز طيب ازاى انا دلوقتى وانا بكتب الرد مشغل الشاشة 77 هرتز !!!!!!!!!!!!!!!!!!!!!!!!!!!!!!!!!!!!!
وكمان الشركة بتقول انه بيدعم الثرى دى يعنى [أذن الله الموضوع ينجح بس حضرتك تجرب الى قولت عليه

[nanonona]

كروت amd مش بتدعم ان يكون سطح المكتب نفسه يكون 120 هرتز مش بتشتغل 120 هرتز غير لما يكون فى حاجة بتتعرض ثرى دى
على العموم شوف اى حاجة فى الكنترول بانل بتعا ع الكرت تسمحلك تعمل رزيولوشن جديد وانت الى تحط صفاته بنفسك يعنى تحط ابعاده وتحط التردد بنفسك وتخلى الكمبيوتر يجربه لو نفع بيحفظه

لا يا أستاذ عبدالله أنا شغال 120 هيرتز طول الوقت على الديسك توب وعلى الألعاب 2D وكل حاجه بس بشرط أوصل الكابل الـDVI الأصلي لأنه Dual Link وبالنسبة لكنترول بانل الكرت في أوبشن بيسمحلي أحط ريزيليوشن وهيرتز من تأليفي لكن لا يمكنني زيادة الهيرتز عن 60 إلا بالكابل الـ DVI Dual Link..

[عبدالله ضيف]

يا اخى من الاخر محدش يقنعنى ان الكيبل HDMI مش بيدعم غير 60 هرتز لانى شغال بيه دلوقتى 77 هرتز والهرتز حقيقى وتم التجربة فى لعبة بلاك اوبس وكانت النتيجة ان فعلا اللعبة بتدينى خيار الرزيلوشن 1920*1080 77 هرتز
من الاخر يا رجالة كده عشان تشتغل 120 هرتز بكيبل HDMI لازم يكون كرت الشاشة يدعم HDMI V1.4a وكمان الكيبل يكون HDMI V1.4 وكمان الشاشة يكون فيها مدخل HDMI V1.4 زى الى بيبقى موجود فى التليفيزيونات الكبيرة
وادى رابط يثبت بالدليل القاطع ان كيبل HDMI V1.4 يدعم التردد 120 هرتز وكمان ينقل صوت 7.1 فى نفس الوقت ويتغل عليه نت كمان فى نفس الوقت وكمان صورته بتكون اوضح وادق من اى كيبل تانى مهما كان
https://www.samsung.com/eg/article/h...mponent-cables
وبعدين فى سوال ذكى شوبة تليفيزيونات 120 هرتز الى مرميه السوق دى بشتغل ازاى 120 هرتز وهيه مفيهاش غير مدخل HDMI وبتتوصل بالسييتر بيه !!!!!!!!!
يا جماعة عاوزين حد يجرب الحوار ده يتأكد من كل الشروط الى فوق دى ويجرب ويشوف ايه الى هيحصل

وبقول للاخ اشرف يريت تجرب تقلل الهرتز شوية مثلا 118 او اقل حبة صغيرة وده طبعا بعد ما تتأكد من الشروط والى هيه دى (تشتغل 120 هرتز بكيبل HDMI لازم يكون كرت الشاشة يدعم HDMI V1.4a وكمان الكيبل يكون HDMI V1.4 وكمان الشاشة يكون فيها مدخل HDMI V1.4 زى الى بيبقى موجود فى التليفيزيونات الكبيرة )
اعتقد لو ما اشتغلش يبقى الشاشات نفسها مش بتدعم HDMI 1.4 غير اننا نستنى الشاشات الى هتنزل جديده وتكون بتدعمه
فمثلا هذه الشاشة من اسوس تدعم hdmi v1.4
https://usa.asus.com/Display/LCD_Mon...specifications
واعتقد لو حد عنده هذه الشاشة وعنده كرت فيجا يدعم hdmi v1.4 وكمان كيبل يكون hdmi v1.4
اعتقد بل واجزم ان الشاشة هتشتغل على 120 هرتز على كيبل hdmi
بس يريت يكون فى حد هنده الشاشة دى ويجرب الموضوع ده عشان بس نتأكد

[الحمادوى]

موضوع رفع معدل تحديث الشاشة ده متوقف على دعم الشاشة له

انا عندى شاشة سامسونج 19عاديه مش lcdوكارت شاشة نفيديا مدمج فى البوردة

برفعها الى 100هرتز على دقة عرض 768×1024

وممكن ارفع ال120هرتز لكن بدقة عرض اقل من المذكور اعلاه

و المستخدم فى الموضوع ده كابل فيجا
فى نفس الوقت فيه شاشة تانيه عندى اصغر منها وبجرب عليها نفس الموضوع لا تقبل أكتر من 60 هرتز
الموضوع متوقف على قابلية الشاشة ودعمها لموضوع رفع معدل التحديث

ونوع الكا بلات المستخدمة هى اللى بتعطى فرصة انك تطبق دقة عرض اعلى
لكن اكيد بزيادة دقة العرض هتحتاج تقلل معدل التحديث

[عبدالله ضيف]

يا جماعة خلاص الموضوع اتحسم
كيبل hdmi v1.4 يدعم بالفعل الثرى دى 120 هرتز
وده فيديو من متخصص يؤكد ما اقول
فيه الفرق بين v1.3 و v1.4



المشكلة الى ممكن تقابلنا بقى دلوقتى ان يكون كرت الشاشة مفيهوش مخرج hdmi v1.4 ودى مشكلة نادرة لان معظم الكروت الجديدة الحالية بيها هذا المخرج
ثانيا تكون الشاشة مش فيها مدخل hdmi v1.4 وللاسف معظم شاشات سامسونج الثرى دى مش فيها هذا المدخل
والمدخل ده موجود فى شاشة اسوس على الرابط ده
https://usa.asus.com/Display/LCD_Mon...specifications
وكمان الكيبل بيخلى الصورة روعة بجد وبيخلى الالوان خرافة بحسب كلام المتخصص الى فى الفيديو

[Ashraf Ehah Saa]

اخى العزيز عبد الله ........

هاذا الرجل ماقالش اى حاجة بخصوص اذا كان ال HDMI 1.4 انه Support لل FULL 120Hz