انا بصراحة مقدرش افيدك فى موضوع السنترات دة بس انا كنت عايز اقول مجرد رأى
اولا مقصدش احبطك بجد بس عايز اقولك لو مهتمتش وانت بتذاكرة لوحدك من غير سنتر فأعرف انك مش هتهتم حتى لو خدتة فى شركة ميكروسوفت ذات نفسها !!!
بالعكس دراستة فى البيت مع نفسك بيديلك مرونة فى اوقات المذاكرة وتنظيمك للاجزاء الى هتدرسها كل يوم وتطبق الى بتدرسة عملى والى يقف قدامك اطرحة هنا فى المنتدى
وان شاء الله الاعضاء يفيدوك .. بالنسبة للمذاكرة من الفيديوهات هيقدملك تقريبا 80 % من الكورس " افضل تماما انك تقرى من الموك بتاع ميكروسوفت جمب الفيديوهات العربى حتى لو لاقيت كلمات كتير مش عارف تترجمها .. شوفها فى جوجل ترنسليشن وصدقنى بعد اقل من اسبوع هتلاقى مستواك فى الانجلش بقى كويس وخصوصا فى اكسبريشن النتورك .. "
ولو كنت عامل جدول مذاكرة او حتى بتذاكر بدماغك وحاطط رنج ساعتين مثلا للمذاكرة اليومية .. ولاقيت نفسك يوم بتجيب رنج مذاكرتك ويوم تانى بتجيب اكتر ويومين مبتجيبش .. عادى متيأسش وكمل وهتلاقى روحك كل يوم بترجعلها وبتكمل .. احب اقولك ان انا مخلص الــ MCSE من الفيديوهات العربى والكتب الانجلش ودلوقتى فى الــMCITP بقيت بذاكر جمب الفيديوهات العربى والكتب من فيديوهات CBT Nugget ..
الخلاصة ان عايز اقولك وجهك قدرتك للمذاكرة وحمس نفسك ومتفكرش ان السنتر هو الى هيخليك تذاكر وحاول تدمج بين الفيديوهات العربى والماتريل الانجلش مع العربى ..
اتمنى تكون وجهة نظرى وصلتلك واسف لو مكنتش افدتك فى موضوع السنترات .
المفضلات