برجاء المساعدة ... هل هناك فرق ؟

**green_oasis** · 05-05-2012, 20:43

السلام عليكم يا جماعه
انا ذاكرت كورس mcitp وروحت امتحنت فى مركز من المراكز
فى الاول دفعت الفلوس وحجزت امتحان 70-642
وروحت امتحنت ونجحت الحمدلله بس اتفاجات لما لقيت التقرير اللى باخده بعد الامتحان مكتوب فيه ان رقم الامتحان هو 72-642 مش 70-642
انا خايف يكون فى غلط فى الموضوع واضطر امتحن المادة دى تانى
ياريت حد يفهمنى يا جماعه هو فى فرق فعلا بين الاتنين ... يعنى انا عشان اخد ال mcitp ينفع اكون امتحنت 72-642 ولا مش هينفع وهعيد المادة دى تانى انا هتصل بالمركز بس كنت عايز حد يقولى الموضوع ايه عشان اطمن عشان ممكن المركز يقولى اى كلام وخلاص
بتمنى حد يرد عليا
وشكرا ليكم

**M_1ST** · 05-05-2012, 23:45

انتا دفعت كام؟
ومتقلقش انتا امتحنت امتحان اكاديمى بيبقى سعره مخفض
ب 30 دولار بس
ةعادى هو هو الامتحان 70-242
يعنى مش فارقه
المهم انتا دفعت للسنتر كام

**green_oasis** · 05-05-2012, 23:51

دفعت 250 جنيه
عشان بيقول الامتحان ب 40 دولار
وياريت تعرفنى بالظبط ايه الفرق بين الاتنين فى الشهادة وفى مجال العمل عموما وخصوصا فى الخليج عشان انا غالبا طالع اشتغل هناك قريب والموضوع قالقنى اوى
على فكرة انا فى التعليم المفتوح بتاع جامعة القاهره يا ترى ده يدينى الحق انى امتحن اكاديمى
ولو فى مركز ب 30 دولار زى ما بتقول ممكن تقولى هو فين
ربنا يكرمك ومتشكر جدا لاهتمامك

**M_1ST** · 06-05-2012, 03:10

على فكره هو بالمصرى 250 فعلا
لان لما الفلوس بتتحول بياخد البنك عليها نسبه
الكلام كان لو انه امتحنك ب350 مثلا وده سعر الامتحان العادى
والاكاديمى عادى جدا
هما عاملينه للطلبه اصلا وللمؤسسات التقنيه يعنى معاهد الكمبيوتر مثلا
بس الكل بيستخدمه
ومفيش قلق من الموضوع ده
امتحن وخلص وومفيش اى فرق بينك وبين الى ممتحن مش اكاديمى فى موقع ميكرو سوفت حتى مش بتبان خالص
وفى الشهادات مش هتفرق معاك فى حاجه
هى بتبان على موقع باروميترك بس وملهاش اى تاثير
وكل السنترات الى اعرفها ب250
لو عايز سنتر كويس تمتحن فيه ITSHARE
ب250 بردو والناس الى هناك غايه فى الاخلاق

**green_oasis** · 06-05-2012, 10:05

متشكر اوى عشان رديت عليا وطمنتنى بس عايز اعرف
1 - شكل الشهادة مش بيختلف اقصد شكل الشهادة ذات نفسها وكمان يعنى اى حد عايز يستعلم عن الشهادة مش هيعرف موضوع بتاع الاكاديمى ده ؟
2 - وعلى فكره انا بدرس فى التعليم المفتوح بتاع جامعه القاهره ده يدينى الحق انى امتحن اكاديمى ولا لاء ؟
وشكرا ليك مرة تانيه

**green_oasis** · 06-05-2012, 17:46

ربنا يارب يكرمكم
انا متشكر اوى يا جماعه
ربنا يكرمكوا كلهم يارب
انا كده اطمنت الحمدلله
متشكر اوى ليكوا مرة تانيه

**M_1ST** · 06-05-2012, 20:40

نصيحه اخيره بالمناسبه الحق امتحن كل امتحاناتك قبل اخر شهر 6 علشان فيه اخبار ان الامتحانات هتغلى اوى

**green_oasis** · 06-05-2012, 22:39

اه ما انا معطل كل حاجه وبذاكر عشان اخلص ان شاء الله قبل اخر 6 ربنا كريم
بجد انا متشكر اوى على ذوقكم وتجاوبكم معايا
ودى فعلا من اهم مزايا عرب هارد وير
كنت عايز اعرف حاجه كده لو امكن يعنى
انا لما كنت باخد كورس A+ وده من فترة طويله الانستركتور بتاعنا قالنا ساعتها ان Virtualization هيبقى ليها مستقبل كويس وكنت عايز اعرف يا ترى يستحسن امتحن امتحان 70-659 عشان لقيت مركز عامل عليه خصم 50% فلو كده ممكن استغل الفرصه وامتحنه قبل ما يغلى فى اول 7 بس ياريت حد يقولى الاول هو امتحان ليه قيمه او المادة اللى هدرسها هتفيدنى فى شغل الشبكات سواء ميكروسوفت او سيسكو يعنى
وشكرا ليكم و ربنا يوفق ويكرم الجميع