لسـة الخط جديد والبداية وحشة البينج سئ

[SemsemBanhawy]

ياجماعة أنا كلمت شركة تي أي داتا علي خط 512 لمدة 4 شـهور وبالفعل تم توصيل الخدمة بعد أسبوعين
البداية كانت أن في مشكلة في السنترال وأنتظرت 3 ايام حتي يتم
حل المشكلة والمشكلة هي كانت لمبة الـِ Adsl
مش ثابتة وتم حل المشكلة ولكن المشكلة الآكبر
أن انا مش سايب الشبكات والواصلات الـي ب30 ج
وجايب خط بـ95 ج في الشهر علشان البينج عندي يبقا +400
أعمل اية بقا مفيش لازمة للخط لما يكون البينج +400 ما الشبكة ب 30 والبينج فيها 400 وي أوقات بيكون -200
يـاريت حل لهذة المشكلة لآن كل شغلي Online Game وجميع الآون لين جيم بتكون محتاجة بينج 120-140
ودي بعض البيانات من الروتر للخبـراء للمساعدة في أيجاد حل
_ - - - - - - - - - _
Max. Bandwidth Down/Up(kbps) 3628 / 928 Bandwidth Down/Up(kbps) 512 / 128 SNR Margin Down/Up(dB) 29.0 / 29.0 Attenuation Down/Up(dB) 63.5 / 31.5 Power Down/Up(dBm) 14.5 / 10.5 _ - - - - - - - - - _
relative capacity occupation: 26%
noise margin upstream: 29.0 db
output power downstream: 14.5 dbm
attenuation upstream: 31.5 db
_ - - - - - - - - - _
relative capacity occupation: 22%
noise margin downstream: 28.0 db
output power upstream: 10.5 dbm
attenuation downstream: 63.5 db
_ - - - - - - - - - _

في أنتظار المساعدات

[Ahmed Elbrbry]

هو انت فى مصر والا فين بالظبط لان مكتوب فى بياناتك الصومال
1- انت سنترال ايه
2- هل انتموصل سلك التليفون اللى جاى من البوكس للراوتر مباشرة والا واخد من مقبس داخل الشقة
3- ما نوع سلك التليفون المستخدم وهل هو نحاس ام حديد
4- البنج عالى طول الوقت ام اوقات معينة

[SemsemBanhawy]

Ahmed_elbrbry أهلا ياغالي شكرا علي الرد أنا في مصر طبعا انا سنترال مجول - بنها التـوصيلة من البوكس لسلك اخر خاص بتوزيعة المنزل وانا واخد من مقبس الي الآسبليتر الي الروتر نوع السـلك الي موجود في توزيعة الشقة هو السويدي الي جاي من البوكس لآ اعلم السنترال هو الي شدة

[SemsemBanhawy]

البينج دائما عالي يعني مفيش مرة لقيتة 120 ولا حاجة علشان أطمن وقول يمكن الوضع يتحسن لاء دائما +400 +500
في انتظار حلول وشكرا لكم

[SemsemBanhawy]

هل هناك مزيد من الردود حول المشـكلة

[a4_nn]

بص يا حبيبي من الواضح من البيانات أن حضرتك قاعد في مسافة بعيدة عن السنترال

و أنا عرفت دة من Line Attenuation

هذا المصطلح يحدد قيمة الخسائر في الإشارة وهو موجود في الارقص وإعدادت المودم وهذه القيمة تعتمد على المسافة وجودة الكيبل فممكن أن ترى مسافه قليل من المقسم لكن تجد هذه القيمة عالية وهذا يعني أن الكيبل ردي .

وهذا القيمة أرى أنها أدق من قيمة المقاومة في تحديد السرعة للخط .



ضعف الخط هنا يمثل علاقة مطردة مع فقد الاشارة في الخط ,


فكلما بعدت عن المبدل الرئيسي للهاتف زادت نسبة الفقد في الخط وزادت نسبة الوهن في الخط

والعكس صحيح فكلما قلت نسبة الـ attenuation يعني أنك ستحصل على سرعة اكبر للاتصال بالانترنت.

وتكون دراجة القياس على Down على النحو التالي:

إذا كانت القيمة 20.0 وأقل هذا رائع جداً.
إذا كانت القيمة بين 30.0 - 20.0 هذا ممتاز,
إذا كانت القيمة بين 40.0 -30.0 هذا جيدجداً.
إذا كانت القيمة بين 50.0 -40.0 هذا جيد.
إذا كانت القيمة بين 60.0-50.0 هذا ضعيف ويمكن أن يتعرض لتقطع.
إذا أكثر من 60.0 سيء وتقطع بشكل يومي .

فهمامني طبعا
الرقم دة عندك بقي كام 63 و شوية
تفتكر المفروض النت يبقي عندك إزاي ؟؟

فية كمان كام موقع كدة يجيبلك المسافة بينك و بين السنترال و كمان قوة الخط

المواقع دي هي
1- https://www.kitz.co.uk/adsl/max_speed_calc.php

2- https://fremnet.net/article/216/adsl...eed-calculator


دة شرح بسيط لكل حاجة من البايانات
من موقع تاني أتمني مكونش بخالف الإدارة بوضعة
https://forum.m3com.com.sa/t56347/

[BAZOOKA_N2O]

انا عايز اعرف دي معناها ايه؟

down up
SNR Margin : 39 31

[a4_nn]

الرقم دة حضرتك زي ما هو موجود في الموقع الي فوق كل اما كان اكبركان احسن طبعا

و دة يعني درجة قوة الخط
لخط 512 تحتاج علي الاقل رقم فوق ال 20
لخط واحد ميجا تحتاج إلي رقم 40
أعتقد ان 39 ستواجة بعض المشاكل و لن تجد أستقرار في النت و لكنة سيظل أفضل من سرعة 512
يعني داونلود لن يقل عن 60 كيلوا بايت في الثانية



مشكلتك الحقيقية في بعدك عن السنترال

و هذة المشكلة لن تجد حلها عند شركة النت او السنترال
للاسف


هذا اعتقادي و ربنة معاك

[Rometo]

السلام عليكم

حضرتك قولت أنك تبع سنترال مجول ... السنترال فعلا فيه مشكله وهى زيادة ضغط العملاء عليه لأنه لا يوجد اى شركه بالسنترال غير شركة تى اى داتا فقط وده عامل ضغط كبير جدا على السنترال وحاليا تى اى داتا بتظبط كل سنترالات القليوبيه

شكرا لك

[SemsemBanhawy]

السلام عليكم

حضرتك قولت أنك تبع سنترال مجول ... السنترال فعلا فيه مشكله وهى زيادة ضغط العملاء عليه لأنه لا يوجد اى شركه بالسنترال غير شركة تى اى داتا فقط وده عامل ضغط كبير جدا على السنترال وحاليا تى اى داتا بتظبط كل سنترالات القليوبيه

شكرا لك

أهلا بيك انا سعيد جدا لردك وتواصلك
بالفعل انا تبع سنترال مجول ومفيش فعلا في السنترال غير تي أي داتا وفعلا زي ما أنت قولت في ضغط علي السنترال لآن لما النور بيقطع ويرجع السرعة بتصل ليا 512 كاملة بعدين بتتحول وترجع تاني للطبيعة دون لود 30 تصفح بطئ

[SemsemBanhawy]

انا من فترة خليت الروتر ياخد من البوكس علي طول مباشر من غير أي تقطعات والـ تشويش نزل بمعدل 2 او 1.5 دي بي فقط

وبالفعل انا أعترف ان السنترال بعيد حوالي 4.4 كيلو متر ولكن الي أستغرب منة أن السرعة أوقات تصل و أوقات لآء اذا كانت الشركة تقدر الضغط علي السنترال وتعطي كل عميل حقة من السرعة المشترك عليها أنا شايف ان مش هيبقا في مشاكل لكن المشكلة زي ما بيقولو أوقات الذروة تلاقي واصل لك نصف السرعة وهذا يعني أنك لو عاوز 512 كاملة هتشترك في 1 ميجا علشان توصلك 512 كاملة