مشكلة فى بيوسH77-D3H

[ahmed1008872]

السلام عليكم ورحمة اللة وبركاتة : اشتريت هذة البوردة من شهر تقريبا وبعد يومين من التشغيل فوجئت انا البيوس مسح كل الاعدادات ولا يوجد الا شاشة زرقاء مع العلم انا البيوس من التقنية الحديثة 3Dوعند مراسلت شركة البيع لى قالت حدث البيوس باخر اصدار وبالفعل حدثت وكان اخر اصدار لها f6 والحمد للة اشتغلت تمام وبعد اسبوعين نزل اصدار جديد للبيوس f7 وقمت بتحديثة ولكن رجعت البيوس شاشة زرقاء تانى ورجعت التحديث القديم اشتغلت تمام فارجو من الاخوة الافاضل خبراء هذا الصرح العظيم سبب هذة المشكلة ولكم منى كل تقدير واحترام

[Ahmed Hosam]

و عليكم السلام و رحمة الله و بركاته , لم افهم السؤال جيدا , هل تعني انه عند دخولك لاعدادات البيوس لا تجدها و لكن تجد فقط شاشة زرقاء ! ام تقصد مشكلة الشاشة الزرقاء العادية التي تظهر اثناء عملك علي الجهاز !
ايضا كيف يمسح كل الاعدادات ! تقصد انك مثلا كنت قمت باختيار اعدادات محددة و وجدتها بعد ذلك رجعت مرة اخري لل DEFAULT SETTING !
و بشكل عام كل اصدار للبيوس يحتوي علي تحسينات و اصلاحات لعيوب كانت موجودة في الاصدار السابق و يجب اختيار الاصدار الاكثر ثباتا و تنزيله .

[ahmed1008872]

السلام عليكم مشرفنا العظيم الاستاذ احمد بعد التحية الموضوع باختصار هو فى اول اسبوع تشغيل للبوردة الجديد h77-D3H فوجئت انا جميع اعدادات البيوس اختفت ولم تظهر شاشة زرقاء فقط وبعد كدة كلمت الشركة قالت حدث البيوس وبالفعل لقيت تحديث جديد موجود نزلتة وحدثت البيوس واشتغل تمام مفيش اى مشكلة والحمد للة وبعد فترة قصيرة نزل تحديث جديد حيث ان البوردة لسة تحت التجربة كل فترة ينزل تحديث لرفع كفاءة البوردة انا نزلتة من موقع جيجا بايت وتم التحديث باخر اصدار لسة نازل من كام يوم فى مايو 2012 وفوجئت تانى ان اعدادات البيوس اختفت تانى ولم تظهر شاشة زرقاء فقط روحت منزل التحديث القديم اشتغلت تمام انا عايز اعرف اية السبب ضرورى انا فى حيرة من امرى هل السبب فى البوردة او التحديث او اية وشكرا منتظر الرد

[Ahmed Hosam]

هي المشكلة غريبة و في العادة مش بتحصل الا من خطأ في تعديل للبيوس او في كتابة الكود الخاص بواجهة المستخدم من مبرمجين الشركة و علي حد علمي مفيش سبب غير كده ممكن ( ده في حالة ان المشكلة عامة مش بتحصل في جهازك فقط ) .
لكن كما قلت المستخد دائما المفروض يختار النسخة اللي فيها تحديثات اكتر ( اخر اصدار ) و اذا لم تكن التحديثات مهمة للجهاز او للمستخدم فعليه ان يختار النسخة الاكثر ثباتا .
و اعذرني لتأخري في الرد لاني في فترة امتحانات و قليل جدا الدخول لمنتدي في هذه الايام

[ahmed1008872]

السلام عليكم استاذا الكبير الف شكر على ردك وانتمى لك التوفيق فى الامتحان وناجح ان شاء اللة من الاوائل والسؤال دلوقتى اعمل اية هل ارجع البوردة الى الشركة فى سوق العصر وهم هيتصرفوا ولا اعمل اية ان جربت الان اصدارات التحديث بتاعت البوردة وهم f5 /f6/f7التحديث الاخير هو الى مش شغال خالص بعد التحديث البيوس شاشة زرقاء بدون اى اعدادات ارجع الى f6 يشتغل تمام f5 برضوا تمام المنطق يقول ان المشكلة فى اخر تحديث يعنى ملف التحديث يكون تالف بس لو كدة كانت الشركة غيرتة على طول ولا السبب فى البوردة عندى مش عارف اعمل اية ولو السبب من الشركة اعمل اية منتظر الرد وشكرا